ഓലിയരുക് വിനോദസഞ്ചാര പദ്ധതി പൂർത്തിയാകുന്നു

അ​ഞ്ച​ൽ: അ​ഞ്ച​ലി​ലെ ‘മി​നി കു​റ്റാ​ലം’ എ​ന്ന​റി​യ​പ്പെ​ടു​ന്ന ഏ​രൂ​ർ ഗ്രാ​മ​പ​ഞ്ചാ​യ​ത്തി​ലെ ആ​ർ​ച്ച​ൽ ഓ​ലി​യ​രു​ക് വെ​ള്ള​ച്ചാ​ട്ടം ടൂ​റി​സം വി​ക​സ​ന പ​ദ്ധ​തി പൂ​ർ​ത്തി​ക​ര​ണ​ത്തി​ലേ​ക്ക്. അ​മി​നി​റ്റി സെ​ന്റ​റി​ന്റെ നി​ർ​മാ​ണം പൂ​ർ​ത്തീ​ക​രി​ച്ചു. വി​ശാ​ല​മാ​യ ഹാ​ൾ, ഓ​ഫി​സ്, സി​റ്റൗ​ട്ട്, അ​ടു​ക്ക​ള, ഡൈ​നി​ങ് ഹാ​ൾ, സ്റ്റോ​ർ റൂം, ​ടോ​യ്‌​ല​റ്റ് ബ്ലോ​ക്ക് അ​ട​ക്ക​മു​ള്ള ആ​ധു​നി​ക സൗ​ക​ര്യ​ങ്ങ​ൾ സെ​ന്റ​റി​ൽ ഒ​രു​ക്കി. ഗ്രാ​മ​പ​ഞ്ചാ​യ​ത്ത് ര​ണ്ടു ഘ​ട്ട​ങ്ങ​ളി​ലാ​യി 25 ല​ക്ഷം രൂ​പ അ​നു​വ​ദി​ച്ചു.

വെ​ള്ള​ച്ചാ​ട്ട​ത്തി​ലേ​ക്ക് പോ​കു​ന്ന തോ​ടി​ന്‍റെ വ​ശ​ങ്ങ​ൾ കെ​ട്ടി ബ​ല​പ്പെ​ടു​ത്തു​ക​യും, സം​ര​ക്ഷ​ണ വേ​ലി​യും പ​ട​വു​ക​ളും സ്ഥാ​പി​ക്കു​ക​യും ചെ​യ്തു. മ​ഴ​ക്കാ​ല​മാ​യ​തി​നാ​ൽ സ​മൃ​ദ്ധ​മാ​യ വെ​ള്ള​ച്ചാ​ട്ടം കാ​ണു​ന്ന​തി​നു നി​ര​വ​ധി പേ​ർ ഇ​പ്പോ​ൾ സ​ന്ദ​ർ​ശ​നം ന​ട​ത്താ​റു​ണ്ട്.

അ​ഞ്ച​ൽ-​പു​ന​ലൂ​ർ പാ​ത​യി​ൽ മാ​വി​ള​യി​ൽ​നി​ന്നു നാ​ലു കി​ലോ​മീ​റ്റ​ർ ഉ​ള്ളി​ലാ​യി ഏ​രൂ​ർ ഗ്രാ​മ​പ​ഞ്ചാ​യ​ത്തി​ലെ ആ​ർ​ച്ച​ൽ ഒ​ന്നാം വാ​ർ​ഡി​ലാ​യാ​ണ് ഓ​ലി​യ​രു​ക് വെ​ള്ള​ച്ചാ​ട്ടം. പാ​ല​രു​വി, കും​ഭാ​വു​രു​ട്ടി, കു​റ്റാ​ലം എ​ന്നി​വ​യോ​ടൊ​പ്പം ഓ​ലി​യ​രു​കി​ന്‍റെ ടൂ​റി​സം സാ​ധ്യ​ത​ക​ൾ കൂ​ടി വി​ക​സി​പ്പി​ച്ച് കൂ​ടു​ത​ൽ സ​ഞ്ചാ​രി​ക​ളെ ആ​ക​ർ​ഷി​ക്കാ​ൻ പ​ഞ്ചാ​യ​ത്ത് ത​ല​ത്തി​ൽ ന​ട​ത്തി​യ ച​ർ​ച്ച​യു​ടെ ശ്ര​മ​ഫ​ല​മാ​യാ​ണ് പ​ദ്ധ​തി ന​ട​പ്പാ​ക്കു​ന്ന​ത്.

അ​ഞ്ചു വ​ർ​ഷ​ത്തോ​ള​മാ​യി നി​ർ​മാ​ണ പ്ര​വ​ർ​ത്ത​ന​ങ്ങ​ൾ ത​ട​സ്സ​പ്പെ​ട്ടി​രു​ന്ന​താ​ണ്. പി.​എ​സ്. സു​പാ​ൽ എം.​എ​ൽ.​എ, ഏ​രൂ​ർ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് ടി. ​അ​ജ​യ​ൻ എ​ന്നി​വ​ർ മ​ന്ത്രി പി.​എ. മു​ഹ​മ്മ​ദ് റി​യാ​സു​മാ​യും ടൂ​റി​സം ഉ​ദ്യോ​ഗ​സ്ഥ​രു​മാ​യും ന​ട​ത്തി​യ ച​ർ​ച്ച​ക​ളെ​ത്തു​ട​ർ​ന്നാ​ണ് പ​ദ്ധ​തി പു​ന​ർ​ജീ​വ​ൻ വെ​ച്ച​ത്. ഏ​താ​നും ദി​വ​സ​ങ്ങ​ൾ​ക്ക​കം പ​ദ്ധ​തി ഉ​ദ്ഘാ​ട​നം ചെ​യ്യു​മെ​ന്ന് അ​ധി​കൃ​ത​ർ അ​റി​യി​ച്ചു.