അഞ്ചൽ: ഫേസ്ബുക്കിലൂടെ പരിചയപ്പെട്ട 28കാരിയായ ദലിത് യുവതിയെ വിവാഹ വാഗ്ദാനം നൽകി പീഡിപ്പിക്കുകയും പണം തട്ടുകയും ചെയ്ത കേസിൽ യുവാവിനെ അഞ്ചൽ പൊലീസ് അറസ്റ്റ് ചെയ്തു. അഞ്ചൽ വയലാ സ്വദേശി ശ്യാംകുമാർ (32) ആണ് അറസ്റ്റിലായത്. 2018 മുതൽ ഫേസ്ബുക്ക് വഴി പരിചയപ്പെട്ട യുവതിയുമായി ശ്യാംകുമാർ അടുപ്പത്തിലാവുകയും വിവാഹം കഴിക്കാമെന്ന് വാഗ്ദാനം നൽകി തിരുവനന്തപുരത്തെ ലോഡ്ജ് മുറിയിൽ എത്തിച്ച് പലതവണ പീഡിപ്പിക്കുകയും ആറുലക്ഷത്തോളം രൂപയും യുവതിയിൽ നിന്നും കൈക്കലാക്കുകയുമായിരുന്നു.
പിന്നീട് ശ്യാംകുമാർ യുവതിയെ ഉപേക്ഷിക്കുകയും മറ്റൊരു വിവാഹം കഴിക്കുകയും ചെയ്തു. ഇതേത്തുടർന്ന് യുവതി പരാതിയുമായി രംഗത്തുവരുകയും പുനലൂരിൽ വച്ച് ഒത്തുതീർപ്പ് ചർച്ചകൾ നടത്തുകയും ചെയ്തു. യുവതിയുടെ പക്കൽ നിന്നും വാങ്ങിയ ആറ് ലക്ഷത്തോളം രൂപ നൽകണമെന്നതായിരുന്നു ഒത്തുതീതീർപ്പ് വ്യവസ്ഥകളിലൊന്ന്. എന്നാൽ ശ്യാംകുമാർ പണം നൽകാതായതോടെയാണ് യുവതി പരാതിയുമായി അഞ്ചൽ പൊലീസിനെ സമീപിച്ചത്.
പീഡനത്തിനിരയായത് ദലിത് വിഭാഗത്തിൽപ്പെട്ട യുവതിയായതു കൊണ്ട് പുനലൂർ ഡി.വൈ.എസ്.പിക്കാണ് അന്വേഷണച്ചുമതല. ഡി.വൈ.എസ്.പി സ്റ്റുവർട്ട് കീലർ, അഞ്ചൽ എസ്.എച്ച്.ഒ സാബു, എന്നിവരുടെ നേതൃത്വതിലുള്ള പൊലീസ് സംഘമാണ് ശ്യാംകുമാറിനെ വയലായിൽ നിന്നും അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.