പാരിപ്പള്ളി മെഡിക്കൽ കോളജ്​ ആശുപത്രി; സ്വകാര്യ ആംബുലൻസുകളുടെ ‘കൊള്ള’ക്കെതിരെ വ്യാപക പരാതി

ചാ​ത്ത​ന്നൂ​ർ: പാ​രി​പ്പ​ള്ളി മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ൽ സ്വ​കാ​ര്യ ആം​ബു​ല​ൻ​സു​ക​ൾ രോ​ഗി​ക​ൾ​ക്ക് ബാ​ധ്യ​ത​യാ​കു​ന്ന​താ​യി പ​രാ​തി. മെ​ഡി​ക്ക​ൽ കോ​ള​ജ് ആ​ശു​പ​ത്രി​യു​ടെ​യും ക​നി​വ്​ -108ന്‍റെ​യും ആം​ബു​ല​ൻ​സു​ക​ളെ നോ​ക്കു​കു​ത്തി​യാ​ക്കി മാ​റ്റി ചാ​രി​റ്റി സം​ഘ​ട​ന​ക​ളു​ടെ​യും മ​റ്റ് സ്വ​കാ​ര്യ വ്യ​ക്തി​ക​ളു​ടെ​യും പേ​രി​ലു​ള്ള ആ​ബു​ല​ൻ​സു​ക​ൾ ഇ​വി​ടെ സ​ർ​വീ​സ് ന​ട​ത്തു​ക​യും വ​ലി​യ തു​ക ഈ​ടാ​ക്കു​ക​യു​മാ​ണെ​ന്നാ​ണ്​ ആ​ക്ഷേ​പം.

ഗു​രു​ത​ര അ​സു​ഖം ബാ​ധി​ച്ച് എ​ത്തു​ന്ന​വ​രെ നി​ര​ക്ക്​ പ​റ​യാ​തെ തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ലും മ​റ്റ് സ്വ​കാ​ര്യ ആ​ശു​പ​ത്രി​ക​ളി​ലും എ​ത്തി​ച്ച​ശേ​ഷം തോ​ന്നും​പ​ടി ചാ​ർ​ജ് വാ​ങ്ങി പ​ക​ൽ കൊ​ള്ള ന​ട​ത്തു​വെ​ന്ന പ​രാ​തി​യാ​ണ് വ്യാ​പ​ക​മാ​വു​ന്ന​ത്. കൂ​ട്ടി​രി​പ്പു​കാ​രു​ടെ കൈ​യി​ൽ പൈ​സ ഇ​ല്ലെ​ങ്കി​ൽ ആ​ഭ​ര​ണ​ങ്ങ​ളും മൊ​ബൈ​ലും പി​ടി​ച്ചു വാ​ങ്ങി​യ സം​ഭ​വ​ങ്ങ​ളും ഉ​ണ്ട്. ആം​ബു​ല​ൻ​സ് മു​ത​ലാ​ളി​മാ​രു​ടെ ആ​ളു​ക​ൾ ജീ​വ​ന​ക്കാ​ർ ച​മ​ഞ്ഞ്​ മെ​ഡി​ക്ക​ൽ കോ​ള​ജി​ലെ കാ​ഷ്വാ​ലി​റ്റി​യി​ലും വാ​ർ​ഡു​ക​ളി​ലും എ​ത്തി ഒ​രു വി​ഭാ​ഗം ജീ​വ​ന​ക്കാ​രു​ടെ പി​ന്തു​ണ​യോ​ടെ രോ​ഗി​ക​ളെ ആം​ബു​ല​ൻ​സു​ക​ളി​ൽ ക​യ​റ്റി കൊ​ണ്ട് പോ​വു​ക​യാ​ണെ​ന്നും പ​രാ​തി​യു​ണ്ട്. മെ​ഡി​ക്ക​ൽ കോ​ള​ജി​ൽ ര​ണ്ട് ആം​ബു​ല​ൻ​സു​ക​ൾ ഉ​ണ്ടെ​ങ്കി​ലും അ​വ ഓ​ടു​ന്നി​ല്ല. 108 ആം​ബു​ല​ൻ​സ് വി​ളി​ക്ക​ണ​മെ​ന്ന നി​ർ​ദ്ദേ​ശ​വും ഇ​വി​ടെ അ​ട്ടി​മ​റി​ക്കു​ക​യാ​ണ്. രോ​ഗി​ക​ൾ സ്വ​ന്തം നി​ല​യി​ൽ പു​റ​ത്ത് നി​ന്നും സം​ഘ​ട​ന​ക​ളു​ടെ ആം​ബു​ല​ൻ​സ് വി​ളി​ച്ചാ​ൽ അ​ത് ത​ട​യു​ന്ന സം​ഭ​വ​ങ്ങ​ളും ഉ​ണ്ടാ​യി​ട്ടു​ണ്ട്.

ആ​ശു​പ​ത്രി​യി​ലെ ഒ​രു വി​ഭാ​ഗം ജീ​വ​ന​ക്കാ​രും സ്വ​കാ​ര്യ ആം​ബു​ല​ൻ​സ് സ​ർ​വീ​സി​ലെ മാ​നേ​ജ​ർ​മാ​രും ഡ്രൈ​വ​ർ​മാ​രും അ​ട​ക്ക​മു​ള്ള സം​ഘം ആ​ണ് അം​ബു​ല​ൻ​സ് സ​ർ​വീ​സ് നി​യ​ന്ത്രി​ക്കു​ന്ന​ത് എ​ന്ന് നാ​ട്ടു​കാ​ർ ആ​രോ​പി​ക്കു​ന്നു. പ്ര​ശ്ന​ങ്ങ​ൾ ഉ​ണ്ടാ​യി പൊ​ലീ​സി​ൽ പ​രാ​തി ചെ​ന്നാ​ലും ന​ട​പ​ടി​യു​ണ്ടാ​വു​ന്നി​​െല്ല​ന്നും രോ​ഗി​ക​ൾ പ​റ​യു​ന്നു. ആം​ബു​ല​ൻ​സി​ലേ​ക്ക് രോ​ഗി​യെ ക​യ​റ്റി​യാ​ൽ ഡ്രൈ​വ​ർ​മാ​ർ അ​വ​ർ​ക്ക് ഇ​ഷ്ട​മു​ള്ള സ്വ​കാ​ര്യ ആ​ശു​പ​ത്രി​ക​ളി​ലേ​ക്ക് കൊ​ണ്ട് പോ​യി ടി​പ്പ് വാ​ങ്ങു​ന്ന സം​ഭ​വ​ങ്ങ​ളാ​ണ് നി​ത്യ​വും ന​ട​ക്കു​ന്ന​തെ​ന്ന് മെ​ഡി​ക്ക​ൽ കോ​ള​ജി​ലെ ഡോ​ക്ട​ർ​മാ​ർ ത​ന്നെ സാ​ക്ഷ്യ​പ്പെ​ടു​ത്തു​ന്നു. ഇ​ൻ​ഷു​റ​ൻ​സ്, പെ​ർ​മി​റ്റ് അ​ട​ക്ക​മു​ള്ള സു​ര​ക്ഷാ രേ​ഖ​ക​ൾ ഇ​ല്ലാ​ത്ത ആം​ബു​ല​ൻ​സു​ക​ളും ഇ​വി​ടെ ഓ​ടു​ന്നു​ണ്ട്. ക്രി​മി​ന​ൽ കേ​സു​ക​ളി​ൽ പ്ര​തി​ക​ൾ ആ​യ​വ​രും ഇ​വി​ടെ ഡ്രൈ​വ​ർ​മാ​രാ​യി ഉ​ണ്ട്.

പ​രാ​തി ഉ​ണ്ടാ​യാ​ലും പ​രി​ശോ​ധ​ന ന​ട​ത്താ​ൻ പൊ​ലീ​സ് ത​യ്യാ​റാ​കു​ന്നി​ല്ല എ​ന്ന​താ​ണ് നാ​ട്ടു​കാ​രു​ടെ പ​രാ​തി. ആ​ദ്യ​മേ ചാ​ർ​ജ് പ​റ​യാ​തെ രോ​ഗി​ക​ളു​ടെ അ​വ​സ്ഥ മു​ത​ലെ​ടു​ത്ത് പ​ക​ൽ​കൊ​ള്ള ന​ട​ത്തു​ന്ന ആം​ബു​ല​ൻ​സ് സ​ർ​വീ​സു​ക​ൾ​ക്ക് എ​തി​രെ ന​ട​പ​ടി വേ​ണ​മെ​ന്ന ആ​വ​ശ്യം ശ​ക്ത​മാ​ണ്.