ഭൂഗർഭ ജലനിരപ്പ് കുറയുന്നു; കുടിവെള്ളക്ഷാമം രൂക്ഷമാകും

കൊ​ല്ലം: ജി​ല്ല​യി​ലെ ഭൂ​ഗ​ർ​ഭ ജ​ല​നി​ര​പ്പ് കു​റ​യു​ന്ന​ത് കു​ടി​വെ​ള്ള​ക്ഷാ​മം രൂ​ക്ഷ​മാ​ക്കും.

ക​ഴി​ഞ്ഞ വ​ർ​ഷ​ത്തെ​ക്കാ​ൾ ജ​ല​നി​ര​പ്പ് കു​റ​ഞ്ഞ​താ​യാ​ണ് ഭൂ​ഗ​ർ​ഭ ജ​ല​വ​കു​പ്പി​ന്റെ നി​രീ​ക്ഷ​ണം. ഭൂ​ഗ​ർ​ഭ ജ​ല​വ​കു​പ്പി​ന്റെ 21 നി​രീ​ക്ഷ​ണ കു​ഴ​ൽ​ക്കി​ണ​റു​ക​ളി​ൽ 16 എ​ണ്ണ​ത്തി​ൽ ജ​ല​നി​ര​പ്പ് ക​ഴി​ഞ്ഞ വ​ർ​ഷ​ത്തെ​ക്കാ​ൾ താ​ഴ്ന്നു. ഏ​ഴെ​ണ്ണ​ത്തി​ൽ 50 സെ​ന്റീ മീ​റ്റ​ർ വ​രെ​യാ​ണ് ശ​രാ​ശ​രി കു​റ​ഞ്ഞ​ത്. ഒ​മ്പ​ത് നി​രീ​ക്ഷ​ണ കു​ഴ​ൽ​ക്കി​ണ​റു​ക​ളി​ൽ ആ​റെ​ണ്ണ​ത്തി​ലും കു​റ​വാ​ണ്.

അ​ഞ്ചെ​ണ്ണ​ത്തി​ൽ മൂ​ന്ന് സെ​ന്റീ​മീ​റ്റ​ർ​വ​രെ കു​റ​ഞ്ഞു. തീ​ര​ദേ​ശ​മേ​ഖ​ല​യി​ൽ ഉ​ൾ​പ്പെ​ടു​ന്ന മ​യ്യ​നാ​ട് കു​ഴ​ൽ​ക്കിണ​റി​ൽ ജ​ല​നി​ര​പ്പ് ഒ​രു മീ​റ്റ​ർ താ​ഴ്ന്നു. 25 തു​റ​ന്ന നി​രീ​ക്ഷ​ണ കി​ണ​റു​ക​ളി​ൽ പൊ​തു​വേ ര​ണ്ട് സെ​ന്റീ മീ​റ്റ​ർ വ​രെ ഇ​ടി​വു​ണ്ട്. തെ​ന്മ​ല​യി​ലെ തു​റ​ന്ന കി​ണ​റി​ൽ 80 സെ​ന്റീ​മീ​റ്റ​ർ വ​രെ ജ​ല​നി​ര​പ്പ് താ​ഴ്ന്നു. വേ​ന​ൽ മ​ഴ ല​ഭി​ച്ചി​ല്ലെ​ങ്കി​ൽ തു​റ​ന്ന കി​ണ​റു​ക​ളി​ൽ ഏ​പ്രി​ൽ ആ​ദ്യ​വാ​ര​ത്തോ​ടെ ജ​ല​നി​ര​പ്പ് വ്യാ​പ​ക​മാ​യി ഇ​ടി​ഞ്ഞേ​ക്കും.

ശാ​സ്ത്രീ​യ​മാ​യ മാ​ന​ദ​ണ്ഡം അ​ടി​സ്ഥാ​ന​മാ​ക്കി​യു​ള്ള പ​രി​ശോ​ധ​ന​യി​ൽ ജി​ല്ല​യി​ൽ ഒ​രി​ട​ത്തും ക​ടു​ത്ത വ​ര​ൾ​ച്ച ഉ​ണ്ടാ​യി​ട്ടി​ല്ലെ​ന്നാ​ണ് ക​ണ്ടെ​ത്ത​ൽ. 15 സെ​ന്റീ മീ​റ്റ​ർ​വ​രെ താ​ഴ്ന്നാ​ൽ സാ​ധാ​ര​ണ ഇ​ടി​വാ​യാ​ണ് ക​ണ​ക്കാ​ക്കു​ന്ന​ത്. 16 സെ​ന്റീ മീ​റ്റ​റി​ലേ​ക്ക് പോ​യാ​ൽ നേ​രി​യ വ​ര​ൾ​ച്ച ഉ​ണ്ടാ​യെ​ന്നാ​ണ് വി​ല​യി​രു​ത്ത​ൽ.