ബില്ലുകൾ മാറാ​നാകാതെ വനംവകുപ്പിലെ കരാറുകാർ ദുരിതത്തിൽ

പ​ത്ത​നാ​പു​രം : ബി​ല്ലു​ക​ള്‍ മാ​റു​ന്നി​ല്ല, വ​നം​വ​കു​പ്പി​ന്റെ വി​വി​ധ ജോ​ലി​ക​ൾ ഏ​റ്റെ​ടു​ത്ത ന​ട​ത്തി​യ​വ​ര്‍ ദു​രി​ത​ത്തി​ല്‍. 2021 - 2022 സാ​മ്പ​ത്തി​ക വ​ര്‍ഷം മു​ത​ൽ കൊ​ല്ലം ജി​ല്ല​യി​ലെ വി​വി​ധ വ​ന​മേ​ഖ​ല​ക​ളി​ൽ ക​രാ​ർ ജോ​ലി​ക​ൾ ഏ​റ്റെ​ടു​ത്തു ന​ട​ത്തി​യ​വ​ർ​ക്കാ​ണ് ബി​ല്ല് മാ​റി ന​ൽ​കാ​ത്ത​ത്. ഫ​യ​ർ ബ്രേ​ക്ക​ർ,താ​ൽ​ക്കാ​ലി​ക ഷെ​ഡ് നി​ർ​മ്മാ​ണം, തേ​ക്ക് തോ​ട്ടം മെ​യി​ൻ​റ​ന​ൻ​സ് തു​ട​ങ്ങി നി​ര​വ​ധി ജോ​ലി​ക​ളാ​ണ് ഫ​ണ്ട് ഇ​ല്ലാ​തി​രു​ന്നി​ട്ടും വ​നം വ​കു​പ്പ് ക​രാ​ര്‍ ന​ല്‍കി​യ​ത്‌.

ഇ​ത്ത​ര​ത്തി​ല്‍ ല​ക്ഷ​ക്ക​ണ​ക്കി​ന് രൂ​പ​യു​ടെ ബി​ല്ലാ​ണ് അ​ച്ച​ൻ​കോ​വി​ൽ വ​ന​മേ​ഖ​ല​യി​ൽ മാ​ത്ര​മാ​യി മാ​റാ​നു​ള്ള​ത്. ശെ​ന്തു​രു​ണി, ആ​ര്യ​ങ്കാ​വ് വ​ന​മേ​ഖ​ല സ്ഥി​തി​യും വി​ഭി​ന്ന​മ​ല്ല. ബി​ല്ലു​ക​ൾ മാ​റു​ന്ന​തു​മാ​യി ബ​ന്ധ​പ്പെ​ട്ട്‌ നി​ര​വ​ധി ത​വ​ണ വ​നം​വ​കു​പ്പി​നെ സ​മീ​പി​ച്ചെ​ങ്കി​ലും ഫ​ല​മു​ണ്ടാ​യി​ല്ലെ​ന്ന്​ ക​രാ​റു​കാ​ർ പ​റ​യു​ന്നു. സെ​ക്യൂ​രി​റ്റി ഡെ​പ്പോ​സി​റ്റോ പെ​ർ​ഫോ​മ​ൻ​സ് തു​ക​യോ തി​രി​കെ ന​ല്‍കു​ന്ന​തി​നും ന​ട​പ​ടി​യി​ല്ല.

ഇ​തി​നി​ടെ ഫ​യ​ർ​ലൈ​ൻ തെ​ളി​ക്ക​ലി​ന്‍റെ പേ​ര് ഫ​യ​ർ ബ്രേ​ക്ക​ർ എ​ന്നാ​ക്കു​ക​യും തു​ക മൂ​ന്നി​ലൊ​ന്നാ​യി വെ​ട്ടി​ച്ചു​രു​ക്കു​ക​യും ചെ​യ്തു. പു​തു​താ​യി ന​ട്ട തേ​ക്ക് തൈ​ക​ളു​ടെ മെ​യി​ൻ​റ​ൻ​സി​ന​ത്തി​ലും വ​ലി​യ തു​ക​യാ​ണ് ക​രാ​റു​കാ​ർ​ക്ക് ല​ഭി​ക്കാ​നു​ള്ള​ത്. ക​ഴി​ഞ്ഞ നാ​ലു വ​ർ​ഷ​ത്തി​നി​ടെ ടിം​ബ​ർ ഹെ​ഡി​ൽ നി​ന്നു​ള്ള തു​ക മാ​ത്ര​മാ​ണ് നി​ല​വി​ൽ കു​റ​ച്ചെ​ങ്കി​ലും മാ​റി​യി​ട്ടു​ള്ള​ത്. ഫോ​റ​സ്റ്റ​ട്രി തു​ക​യോ ന​ബാ​ർ​ഡി​ന്‍റെ തു​ക​യോ ഇ​തു​വ​രെ ബി​ല്‍ മാ​റി​യി​ട്ടു​മി​ല്ല.