കായികവകുപ്പിന്റെ മള്‍ട്ടി പര്‍പ്പസ് കളിസ്ഥലങ്ങള്‍ കാടുകയറുന്നു

പ​ത്ത​നാ​പു​രം: വ​ർ​ഷ​ങ്ങ​ൾ​ക്കു​മു​മ്പ്​ സം​സ്ഥാ​ന കാ​യി​ക​വ​കു​പ്പി​ന്റെ മേ​ൽ​നോ​ട്ട​ത്തി​ൽ കി​ഴ​ക്ക​ൻ​മേ​ഖ​ല​യി​ലെ വി​ദ്യാ​ല​യ​ങ്ങ​ളി​ലേ​ക്ക് അ​നു​വ​ദി​ച്ച മ​ൾ​ട്ടി​പ​ർ​പ്പ​സ് ക​ളി​സ്ഥ​ല​ങ്ങ​ൾ സം​ര​ക്ഷ​ണ​മി​ല്ലാ​തെ ന​ശി​ക്കു​ന്നു. ത​ല​വൂ​ർ ദേ​വി​വി​ലാ​സം ഹ​യ​ർ സെ​ക്ക​ൻ​ഡ​റി സ്കൂ​ള്‍, വെ​ട്ടി​ക്ക​വ​ല ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ൾ, പ​ത്ത​നാ​പു​രം സെ​ന്റ് സ്റ്റീ​ഫ​ന്‍സ് സ്കൂ​ൾ എ​ന്നി​വ​ർ​ക്കാ​ണ് ക​ളി​സ്ഥ​ല​ങ്ങ​ൾ അ​നു​വ​ദി​ച്ച​ത്.

കെ.​ബി. ഗ​ണേ​ഷ് കു​മാ​ർ കാ​യി​ക​മ​ന്ത്രി​യാ​യി​രു​ന്ന കാ​ല​ത്താ​ണ് ഇ​വ അ​നു​വ​ദി​ച്ചു​ന​ൽ​കി​യ​ത്. എ​ന്നാ​ൽ നി​ല​വി​ൽ ക​ളി​സ്ഥ​ല​ങ്ങ​ൾ ഒ​ന്നും​ത​ന്നെ ഉ​പ​യോ​ഗ​യോ​ഗ്യ​മ​ല്ല. പ​ത്തോ​ളം ക​ളി​ക​ൾ​ക്ക് ഉ​പ​യോ​ഗ​പ്പെ​ടു​ത്താ​വു​ന്ന പ്ര​ത്യേ​കം കോ​ർ​ട്ടു​ക​ളാ​ണ് സ​ജ്ജ​മാ​ക്കി​യി​രു​ന്ന​ത്.

വി​വി​ധ ക​ളി​ക​ൾ​ക്കാ​വ​ശ്യ​മാ​യ ഉ​പ​ക​ര​ണ​ങ്ങ​ൾ സ​ജ്ജ​മാ​ക്കു​ക​യും പ്ര​ത്യേ​കം കോ​ർ​ട്ടു​ക​ൾ വ​ര​ച്ചി​ടു​ക​യും ചെ​യ്തി​രു​ന്നു. കാ​യി​ക​പ​രി​ശീ​ല​ന​ത്തി​ലും മ​ത്സ​ര​ങ്ങ​ൾ​ക്കു​മാ​യി ഗാ​ല​റി​ക​ളും വൈ​ദ്യു​തി​സം​വി​ധാ​ന​വും ഒ​രു​ക്കി​യി​രു​ന്നു.

വി​ദ്യാ​ല​യ​ത്തി​ലെ കു​ട്ടി​ക​ളു​ടെ പ​രി​ശീ​ല​ന​ത്തി​ന് പു​റ​മെ യു​വ​ജ​ന സം​ഘ​ട​ന​ക​ൾ​ക്കും ക്ല​ബു​ക​ൾ​ക്കും ഉ​പ​യോ​ഗ​പ്ര​ദ​മാ​കു​ന്ന രീ​തി​യി​ലാ​ണ് ക​ളി​സ്ഥ​ല​ങ്ങ​ൾ ഒ​രു​ക്കി​യ​ത്. എ​ന്നാ​ൽ കൃ​ത്യ​മാ​യ സം​ര​ക്ഷ​ണം ഇ​ല്ലാ​ത്ത​തി​നാ​ൽ ഉ​പ​ക​ര​ണ​ങ്ങ​ളെ​ല്ലാം പൂ​ർ​ണ​മാ​യും ന​ശി​ച്ചു. ഗാ​ല​റി​യി​ലെ ഇ​രി​പ്പി​ട​ങ്ങ​ൾ കാ​ടു​ക​യ​റി.

ചു​റ്റു​മു​ണ്ടാ​യി​രു​ന്ന സം​ര​ക്ഷ​ണ​വേ​ലി കാ​ല​പ്പ​ഴ​ക്ക​ത്താ​ൽ ന​ശി​ച്ചു. വൈ​ദ്യു​തി ബി​ൽ കു​ടി​ശ്ശി​ക ആ​യ​തോ​ടെ വൈ​ദ്യു​തി​ബ​ന്ധം വ​കു​പ്പ് വി​ച്ഛേ​ദി​ച്ചു. വെ​ട്ടി​ക്ക​വ​ല, ത​ല​വൂ​ർ സ്കൂ​ളു​ക​ളി​ലേ​ക്ക് അ​നു​വ​ദി​ച്ച ക​ളി​സ്ഥ​ല​ങ്ങ​ൾ പൂ​ർ​ണ​മാ​യും കാ​ടു​ക​യ​റി ന​ശി​ച്ചു.