മു​റി​ച്ചി​ട്ട കൂ​റ്റ​ൻ മ​ര​ങ്ങ​ൾ ഭീഷണി; മ​ല​യോ​ര ഹൈ​വേ​യി​ൽ അപകടം പതിവ്

പു​ന​ലൂ​ർ: ഒ​ന്ന​ര​വ​ർ​ഷം മു​മ്പ് മു​റി​ച്ചി​ട്ട കൂ​റ്റ​ൻ മ​ര​ങ്ങ​ൾ ന​ശി​ച്ചു​തു​ട​ങ്ങി​യി​ട്ടും നീ​ക്കാ​ൻ ന​ട​പ​ടി​യി​ല്ല. ഇ​തു​കാ​ര​ണം അ​പ​ക​ട​വും പ​തി​വാ​കു​ന്നു. പു​ന​ലൂ​ർ-​മ​ട​ത്ത​റ മ​ല​യോ​ര ഹൈ​വേ​യി​ൽ പു​ന​ലൂ​ർ അ​ടു​ക്ക​ള​മൂ​ല​ക്ക് സ​മീ​പ​മു​ള്ള വ​ള​വി​ലാ​ണ് ത​ടി കി​ട​ന്നു​ന​ശി​ക്കു​ന്ന​ത്. ക​ഴി​ഞ്ഞ ജൂ​ലൈ​യി​ൽ കാ​റ്റി​ലും മ​ഴ​യി​ലും പാ​ത​യോ​ര​ത്തു​ണ്ടാ​യി​രു​ന്ന ആ​ഞ്ഞി​ലി​മ​രം പി​ഴു​ത് എ​തി​ർ​വ​ശ​ത്തെ ഓ​ഡി​റ്റോ​റി​യ​ത്തി​നും മ​തി​ലി​നും മു​ക​ളി​ൽ വീ​ണ് നാ​ശ​മു​ണ്ടാ​യി​രു​ന്നു.

സ​മീ​പ​ത്തെ മ​റ്റ്​ മ​ര​ങ്ങ​ളും ഭീ​ഷ​ണി​യാ​ണെ​ന്നു​ക​ണ്ട് കേ​ര​ള റോ​ഡ് ഫ​ണ്ട് ബോ​ർ​ഡ് അ​ധി​കൃ​ത​രു​ടെ മേ​ൽ​നോ​ട്ട​ത്തി​ൽ ഇ​വി​ടെ​യു​ണ്ടാ​യി​രു​ന്ന മ​റ്റ്​ മ​ര​ങ്ങ​ളും മു​റി​ച്ചി​ട്ടു. എ​ന്നാ​ൽ, ഇ​വ പാ​ത​യോ​ര​ത്ത്നി​ന്ന്​ യ​ഥാ​സ​മ​യം മാ​റ്റാ​നോ ലേ​ലം ചെ​യ്യാ​നോ ന​ട​പ​ടി​യു​ണ്ടാ​യി​ല്ല. പ​തി​നാ​യി​ര​ങ്ങ​ൾ വി​ല​വ​രു​ന്ന ത​ടി​യാ​ണ് ഇ​ങ്ങ​നെ ന​ശി​ക്കു​ന്ന​ത്. ഇ​തു​സം​ബ​ന്ധി​ച്ച് പൊ​തു​മ​രാ​മ​ത്ത് അ​ധി​കൃ​ത​ർ​ക്ക്​ വ്യ​ക്ത​മാ​യ മ​റു​പ​ടി​യു​മി​ല്ല.

വ​ള്ളി​പ്പ​ട​ർ​പ്പ് മൂ​ടി​യ ത​ടി​ക​ൾ കി​ട​ക്കു​ന്ന​ത്​ വ​ള​വി​ലാ​യ​തി​നാ​ൽ ദൂ​രെ​നി​ന്നു​വ​രു​ന്ന വാ​ഹ​ന​ങ്ങ​ളു​ടെ ഡ്രൈ​വ​ർ​മാ​ർ​ക്ക് കാ​ണാ​നും പ്ര​യാ​സ​മാ​ണ്. ഇ​തു​കാ​ര​ണം ത​ടി​ക​ൾ കി​ട​ക്കു​ന്ന ഭാ​ഗ​ത്ത് എ​തി​രെ വ​രു​ന്ന വാ​ഹ​ന​ങ്ങ​ൾ​ക്ക് വ​ശം കൊ​ടു​ക്കു​മ്പോ​ൾ ത​ടി​യി​ൽ ഇ​ടി​ച്ച്​ അ​പ​ക​ടം ഉ​ണ്ടാ​കു​ന്നു. ഇ​രു​ച​ക്ര​വാ​ഹ​ന​യാ​ത്രി​ക​രാ​ണ് അ​പ​ക​ട​ത്തി​ലാ​കു​ന്ന​തി​ൽ അ​ധി​ക​വും. തി​ര​ക്കേ​റി​യ പാ​ത​യി​ലെ അ​പ​ക​ടാ​വ​സ്ഥ ഒ​ഴി​വാ​ക്കാ​ൻ ബ​ന്ധ​പ്പെ​ട്ട​വ​ർ ഒ​രു ന​ട​പ​ടി​യും സ്വീ​ക​രി​ക്കു​ന്നി​ല്ലെ​ന്നാ​ണ്​ ആ​ക്ഷേ​പം.