തെന്മലയിലും ഓൾഡ് ആര്യങ്കാവിലും എക്സ്​പ്രസുകൾക്ക് സ്റ്റോപ്​ വേണമന്ന്

പു​ന​ലൂ​ർ: തെ​ന്മ​ല, ഓ​ൾ​ഡ് ആ​ര്യ​ങ്കാ​വ് റെ​യി​ൽ​വേ സ്റ്റേ​ഷ​നു​ക​ളി​ൽ എ​ക്സ്​​പ്ര​സ്​ ട്രെ​യി​നു​ക​ൾ​ക്ക് സ്റ്റോ​പ്​ അ​നു​വ​ദി​ക്ക​ണ​മെ​ന്ന ആ​വ​ശ്യ​മു​യ​രു​ന്നു. സ്റ്റോ​പ്പി​ല്ലാ​ത്ത​ത് കാ​ര​ണം ഇ​ട​മ​ൺ മു​ത​ൽ സം​സ്ഥാ​ന അ​തി​ർ​ത്തി​യാ​യ കോ​ട്ട​വാ​സ​ൽ വ​രേ​യും കൊ​ട്ടാ​ര​ക്ക​ര താ​ലൂ​ക്കി​ന്‍റെ കി​ഴ​ക്ക​ൻ മേ​ഖ​ല​യി​ലും തി​രു​വ​ന​ന്ത​പു​രം ജി​ല്ല​യി​ലെ മ​ട​ത്ത​റ തു​ട​ങ്ങി​യ മേ​ഖ​ല​ക​ളി​ലെ​യും യാ​ത്ര​ക്കാ​രെ ബു​ദ്ധി​മു​ട്ടി​ക്കു​ന്നു. കു​രു​മു​ള​ക്, ഇ​ഞ്ചി തു​ട​ങ്ങി​യ മ​ല​ഞ്ച​ര​ക്ക് വ്യാ​പാ​രി​ക​ളെ​യും പ്ര​യാ​സ​പ്പെ​ടു​ത്തു​ന്നു.

തെ​ന്മ​ല ഇ​ക്കോ ടൂ​റി​സം ഉ​ൾ​പ്പെ​ടെ​യു​ള്ള വി​നോ​ദ സ​ഞ്ചാ​ര കേ​ന്ദ്ര​ങ്ങ​ളി​ലെത്തു​ന്ന​വ​ർ​ക്കും ഇ​വി​ടെ സ്റ്റോ​പ്പി​ല്ലാ​ത്ത​ത് തി​രി​ച്ച​ടി​യാ​ണ്. മു​മ്പ് മീ​റ്റ​ർ ഗേ​ജ് ആ​യി​രു​ന്ന​ു. പി​ന്നീ​ട് ബ്രോ​ഡ്ഗേ​ജാ​യി. കോ​വി​ഡി​ന് മു​മ്പ് വ​രെ ഇ​ത് വ​ഴി​യു​ള്ള എ​ല്ലാ എ​ക്സ്​​പ്ര​സു​ക​ൾ​ക്കും തെ​ന്മ​ല​യി​ലും ഓ​ൾ​ഡ് ആ​ര്യ​ങ്കാ​വി​ലും സ്റ്റോ​പ്പു​ണ്ടാ​യി​രു​ന്നു.

കോ​വി​ഡ് തു​ട​ക്ക​ത്തി​ൽ സ്റ്റോ​പ് റ​ദ്ദാ​ക്കി​യ​ത് ഇ​ത് വ​രെ പു​നഃ​സ്ഥാ​പി​ച്ചി​ല്ല. കൊ​ല്ലം- ചെ​ങ്കോ​ട്ട പാ​സ​ഞ്ച​റി​ന് മാ​ത്ര​മാ​ണ് തെ​ന്മ​ല അ​ട​ക്കം കി​ഴ​ക്ക​ൻ മേ​ഖ​ല​യി​ലെ സ്റ്റേ​ഷ​നു​ക​ളി​ൽ സ്റ്റോ​പ്പു​ള്ള​ത്. ഇ​ട​മ​ൺ, ഒ​റ്റ​ക്ക​ൽ, തെ​ന്മ​ല, ക​ഴു​തു​രു​ട്ടി, ഇ​ട​പ്പാ​ള​യം, ന്യൂ ​ആ​ര്യ​ങ്കാ​വ്, ഓ​ൾ​ഡ് ആ​ര്യ​ങ്കാ​വ്, ഭ​ഗ​വ​തി​പു​രം എ​ന്നി​വ​യാ​ണ് സ്റ്റേ​ഷ​നു​ക​ൾ. പു​ന​ലൂ​ർ ക​ഴി​ഞ്ഞാ​ൽ 42 കി​ലോ​മീ​റ്റ​ർ അ​ക​ലെ​യു​ള്ള ചെ​ങ്കോ​ട്ട​യി​ലാ​ണ്​ പി​ന്നീ​ട് എ​ക്സ്​​പ്ര​സു​ക​ൾ​ക്ക് സ്റ്റോ​പ്പു​ള്ളൂ.

കൊ​ല്ലം-​ചെ​ങ്കോ​ട്ട റൂ​ട്ടി​ൽ തി​രു​നെ​ൽ​വേ​ലി-​പാ​ല​ക്കാ​ട് പാ​ല​രു​വി, കൊ​ല്ലം-​എ​ഗ്മോ​ർ എ​ന്നീ എ​ക്സ്​​പ്ര​സ് ട്രെ​യി​നു​ക​ളാ​ണ് സ​ർ​വി​സ് ന​ട​ത്തു​ന്ന​ത്. പു​ന​ലൂ​രി​ലും ചെ​ങ്കോ​ട്ട​ക്കു​മി​ട​യി​ൽ എ​ട്ട്​ റെ​യി​ൽ​വേ സ്റ്റേ​ഷ​നു​ക​ളു​ണ്ട്. പാ​ല​രു​വി എ​ക്സ്​​പ്ര​സി​ന് തെ​ന്മ​ല​യി​ലും ന്യൂ ​ആ​ര്യ​ങ്കാ​വി​ലും മു​മ്പ് സ്റ്റോ​പ്പ് ഉ​ണ്ടാ​യി​രു​ന്നു. ഇ​പ്പോ​ൾ പു​ന​ലൂ​രും ചെ​ങ്കോ​ട്ട​യും മാ​ത്ര​മാ​ക്കി സ്റ്റോ​പ്പു​ക​ൾ.