പുനലൂർ: പൊതുനിരത്തിൽ യുവതിയെ അപമാനിക്കാൻ ശ്രമിച്ചയാളെ അറസ്റ്റ് ചെയ്തു. കോക്കാട് അച്ചു വിലാസത്തിൽ അനിൽ (35) ആണ് പിടിയിലായത്. വെഞ്ചേമ്പ് പുത്തൻപുര ജങ്ഷനിൽ ബസ് കയറാൻ എത്തിയതായിരുന്നു യുവതി.
തൊട്ടുപിന്നാലെ ഇരുചക്രവാഹനത്തിൽ എത്തിയ ഇയാൾ യുവതിയെ കടന്നുപിടിച്ചു. യുവതി ബഹളംവെച്ചതോടെ ഇയാൾ വാഹനവുമായി കടന്നു. പുനലൂർ പൊലീസിൽ വിവരം അറിയിച്ചതിനെത്തുടർന്ന് അഞ്ചൽ, കുന്നിക്കോട് പൊലീസ് സംഘങ്ങളും സ്ഥലത്തെത്തി അന്വേഷണം നടത്തി.
തുടർന്ന് പൊലീസ് സംഘങ്ങൾ നടത്തിയ സംയുക്ത പരിശോധനയിൽ കോക്കാട് നിന്നും കുന്നിക്കോട് പൊലീസ് പിടികൂടി പുനലൂർ പൊലീസിന് കൈമാറി. പുനലൂർ കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.