പു​ന​ലൂ​ർ കെ.എസ്.ആർ.ടി.സി ഡിപ്പോയും കാത്തിരിപ്പുകേ​ന്ദ്രവും വൃത്തിഹീനം; ഇവിടം ലഹരിസംഘങ്ങളുടെ താവളം

പു​ന​ലൂ​ർ: കെ.​എ​സ്.​ആ​ർ.​ടി.​സി പു​ന​ലൂ​ർ ബ​സ് ഡി​പ്പോ പ​രി​സ​രം ച​വ​ർ മൂ​ടി വൃ​ത്തി​ഹീ​ന​മാ​യ നി​ല​യി​ൽ. ദി​വ​സ​വും ആ​യി​ര​ക്ക​ണ​ക്കി​ന് യാ​ത്ര​ക്കാ​ർ ആ​ശ്ര​യി​ക്കു​ന്ന ഡി​പ്പോ​യി​ൽ ബ​സ് പാ​ർ​ക്കി​ങ് ഗ്രൗ​ണ്ടും കാ​ത്തി​രി​പ്പു കേ​ന്ദ്ര​ങ്ങ​ളും അ​വ​ശി​ഷ്ട​ങ്ങ​ളാ​ൽ നി​റ​ഞ്ഞു. മ​തി​യാ​യ ശു​ചീ​ക​ര​ണം ന​ട​ത്താ​ത്ത​തി​നെ തു​ട​ർ​ന്നാ​ണ് പേ​പ്പ​റും പ്ലാ​സ്റ്റി​ക്കും മ​റ്റ് അ​വ​ശി​ഷ്ട​ങ്ങ​ളും നി​ര​ന്ന് കി​ട​ക്കു​ന്ന​ത്.

യാ​ത്ര​ക്കാ​ർ ഉ​പേ​ക്ഷി​ക്കു​ന്ന​തും കാ​ത്തി​രി​പ്പ് കേ​ന്ദ്ര​ങ്ങ​ളി​ൽ ത​മ്പ​ടി​ക്കു​ന്ന മ​റ്റു​ള്ള​വ​രും ഭ​ക്ഷ​ണ​സാ​ധ​ന​ങ്ങ​ൾ ക​ഴി​ച്ച​ശേ​ഷം വ​ലി​ച്ചെ​റി​യു​ന്ന അ​വ​ശി​ഷ്ട​ങ്ങ​ളാ​ണി​വ. മ​ഴ​യാ​യ​തോ​ടെ പേ​പ്പ​റും മ​റ്റും കി​ട​ന്ന് അ​ഴു​കു​ന്ന​ത് പ​ക​ർ​ച്ച​വ്യാ​ധി​ക​ൾ​ക്ക് ഇ​ട​യാ​ക്കു​ന്നു. കാ​ത്തി​രി​പ്പ് കേ​ന്ദ്രം ഉ​ൾ​പ്പെ​ടെ കൃ​ത്യ​മാ​യി ശു​ചീ​ക​ര​ണം ന​ട​ത്തു​ന്നി​ല്ലെ​ന്ന് ആ​ക്ഷേ​പ​മു​ണ്ട്.

പു​തി​യ കാ​ത്തി​രി​പ്പു കേ​ന്ദ്രം മി​ക്ക​പ്പോ​ഴും ക​ഞ്ചാ​വ്- മ​യ​ക്കു​മ​രു​ന്നു ഉ​പ​ഭോ​ക്താ​ക്ക​ളു​ടെ താ​വ​ള​മാ​കു​ന്ന​ത് മ​റ്റു​ള്ള യാ​ത്ര​ക്കാ​ർ​ക്ക് വ​ലി​യ ബു​ദ്ധി​മു​ട്ട് ഉ​ണ്ടാ​ക്കു​ന്നു. ക​ഞ്ചാ​വും മ​ദ്യ​വും ക​ഴി​ച്ച ശേ​ഷം ഇ​ക്കൂ​ട്ട​ർ വി​ശ്ര​മ​ത്തി​നെ​ത്തു​ന്ന​ത് കാ​ത്തി​രി​പ്പ് കേ​ന്ദ്ര​ത്തി​ലാ​ണ്.

പ​ര​സ്പ​രം അ​സ​ഭ്യ​വ​ർ​ഷ​വും കൈ​യാ​ങ്ക​ളി​യും പ​തി​വാ​ണ്. പു​തി​യ കാ​ത്തി​രി​പ്പ് കേ​ന്ദ്ര​ത്തി​ന്‍റെ മു​ൻ​വ​ശം അ​ഞ്ച​ൽ റോ​ഡി​നോ​ട് ചേ​ർ​ന്നു ചെ​ടി​ക​ൾ ന​ട്ടു​വ​ള​ർ​ത്താ​ൻ ത​യാ​റാ​ക്കി​യ ഇ​ട​വും കാ​ടു​മൂ​ടി കി​ട​ക്കു​ന്നു. മു​മ്പ് ന​ട്ടു​പ​ടി​പ്പി​ച്ച ചെ​ടി​ക​ൾ സം​ര​ക്ഷ​ണ​മി​ല്ലാ​തെ ഉ​ണ​ങ്ങി​യ​തോ​ടെ കാ​ടു​ക​യ​റു​ക​യാ​യി​രു​ന്നു. ഡി​പ്പോ​യു​ടെ ന​വീ​ക​ര​ണ​ത്തി​നും യാ​ത്ര​ക്കാ​രു​ടെ സൗ​ക​ര്യം വ​ർ​ധി​പ്പി​ക്കാ​നും വി​വി​ധ ഏ​ജ​ൻ​സി​ക​ളു​ടെ ഫ​ണ്ട് വ​ൻ​തു​ക ചെ​ല​വി​ടാ​റു​ണ്ടെ​ങ്കി​ലും തു​ട​ർ പ​രി​പാ​ല​ന​മി​ല്ലാ​തെ ഇ​തെ​ല്ലാം പ്ര​യോ​ജ​ന​മി​ല്ലാ​താ​യി.