നവീകരണം പൂർത്തിയായ പുനലൂർ തൂക്കുപാലം നാളെ തുറക്കും

പു​ന​ലൂ​ർ: അ​റ്റ​കു​റ്റ​പ്പ​ണി പൂ​ർ​ത്തി​യാ​ക്കി​യ, സം​ര​ക്ഷി​ത സ്മാ​ര​ക​മാ​യ തൂ​ക്കു​പാ​ലം സ​ഞ്ചാ​രി​ക​ൾ​ക്കാ​യി ബു​ധ​നാ​ഴ്ച തു​റ​ക്കും. രാ​ജ്യ​ത്തെ പ​ഴ​ക്ക​മു​ള്ള ര​ണ്ടാ​മ​ത്തേ​തും കി​ഴ​ക്ക​ൻ മേ​ഖ​ല​യി​ലെ പ്ര​ധാ​ന കാ​ഴ്ച കേ​ന്ദ്ര​വു​മാ​യ തൂ​ക്കു​പാ​ലം ന​വീ​ക​ര​ണം 2022 ന​വം​ബ​റി​ലാ​ണ് ആ​രം​ഭി​ച്ച​ത്. സം​സ്ഥാ​ന പു​രാ​വ​സ്തു വ​കു​പ്പി​ന്‍റെ ചു​മ​ത​ല​യി​ലു​ള്ള ഈ ​പാ​ലം 28 ല​ക്ഷം രൂ​പ മു​ട​ക്കി​യാ​ണ് ആ​ക​ർ​ഷ​ണ​ീയമാ​ക്കി​യ​ത്.

അ​ഞ്ച് വ​ർ​ഷം മു​മ്പ് ന​വീ​ക​ര​ണം ന​ട​ത്തി​യശേ​ഷ​മു​ണ്ടാ​യ കേ​ടു​പാ​ടു​ക​ൾ തീ​ർ​ത്തു. പാ​ല​കത്തി​ന്റെ ഉ​പ​രി​ത​ല​ത്തി​ൽ പാ​കി​യി​രു​ന്ന ക​മ്പ​ക പ​ല​ക​ളി​ൽ കേ​ടു​പാ​ടു​ക​ൾ വ​ന്ന​ത് മാ​റ്റി സ്ഥാ​പി​ച്ച് ക​ശു​വ​ണ്ടി ഓ​യി​ൽ അ​ടി​ച്ച് ബ​ല​വ​ത്താ​ക്കി. ച​ങ്ങ​ല​ക​ളിലെയും ഗ​ർ​ഡ​റു​ക​ളി​ലെ​യും തു​രു​മ്പ് നീ​ക്കി പ​ച്ചച്ചാ​യം പൂ​ശി. ച​ങ്ങ​ല​ക​ൾ ബ​ന്ധി​പ്പി​ച്ചി​രി​ക്കു​ന്ന ഇ​രു​വ​ശ​ത്തു​മു​ള്ള കി​ണ​റു​ക​ളും വൃ​ത്തി​യാ​ക്കി. ഇ​ടി​ഞ്ഞു​കി​ട​ന്ന വ​ശ​ങ്ങ​ളി​ലെ ക​രി​ങ്ക​ൽകെ​ട്ടു​ക​ളും പു​ന​ർ​നി​ർ​മി​ച്ചു. ആ​ർ​ച്ചു​ക​ളി​ലെ പാ​ഴ്മ​ര​ങ്ങ​ൾ നി​ക്കി. സ​ഞ്ചാ​രി​ക​ൾ​ക്ക് കു​ടു​ത​ൽ ഇ​രി​പ്പി​ട​വും സ​ജ്ജീ​ക​രി​ച്ചു.

കൂ​ടു​ത​ൽ സൗന്ദര്യവത്കരിക്കു​ന്ന​തി​ന്‍റെ ഭാ​ഗ​മാ​യി ലൈ​റ്റി​ങ്, ഗാ​ർ​ഡ​ൻ തു​ട​ങ്ങി​യ​വ ഇ​നി സ്ഥാ​പി​ക്കേ​ണ്ട​തു​ണ്ട്. പു​ന​ലൂ​ർ ടൗ​ണി​ലൂ​ടെ​യു​ള്ള ക​ല്ല​ട​യാ​റി​ന് കു​റു​കെ 1872ൽ ​സ്ക്വാ​​ട്ട്ല​ൻഡു​കാ​ര​നാ​യ ബാ​ർ​ട്ട​ർ ധ്വ​ര എ​ന്ന ആ​ൽ​ബ​ർ​ട്ട് ഹെൻറി​യു​ടെ മേ​ൽ​നോ​ട്ട​ത്തി​ലാ​ണ് തൂ​ക്കു​പാ​ലം നി​ർ​മി​ച്ച​ത്. ദേ​ശീ​യപാ​ത​യും പ​ട്ട​ണ​ത്തി​ലെ വ​ലി​യ പാ​ല​വും വ​രു​ന്ന​തി​ന് മു​മ്പ് കി​ഴ​ക്ക​ൻ മ​ല​യോ​രമേ​ഖ​ല​യെ ആ​റ്റി​ന് മ​റു​ക​ര​യി​ലു​ള്ള പ്ര​ദേ​ശ​ത്തെ ബ​ന്ധി​പ്പി​ച്ചി​രു​ന്ന​ത് തൂ​ക്കു​പാ​ല​മാ​യി​രു​ന്നു.

ബു​ധ​നാ​ഴ്ച ഉ​ച്ച​ക്ക് ര​ണ്ട​ര​ക്ക് മ​ന്ത്രി അ​ഹ​മ്മ​ദ് ദേ​വ​ർ​കോ​വി​ൽ പാ​ലം തു​റ​ന്നു​കൊ​ടു​ക്കും. പി.​എ​സ്. സു​പാ​ൽ എം.​എ​ൽ.​എ അ​ധ്യ​ക്ഷ​തവ​ഹി​ക്കും. എ​ൻ.​കെ. പ്രേ​മ​ച​ന്ദ്ര​ൻ എം.​പി മു​ഖ്യാ​തി​ഥി​യാ​കും.