ഷാൻ
പുനലൂര്‍: മദ്യപിച്ചു വാഹനം ഓടിച്ചതിന് പുനലൂര്‍ പൊലീസ് പിടികൂടിയ യുവാവ് സ്‌റ്റേഷനില്‍വെച്ച് പൊലീസ് ഉദ്യോഗസ്ഥരെ ആക്രമിച്ചു. തിങ്കളാഴ്ച വൈകീട്ട് 6.45ന് വാളക്കോട് ഹൈസ്‌കൂള്‍ വാര്‍ഡില്‍ ദര്‍ഭവിള വീട്ടില്‍ ഷാനെ (30) കെ.എസ്.ആര്‍.ടി.സി ജങ്ഷനില്‍ മദ്യപിച്ച് ബൈക്ക് ഓടിച്ചതിന് പൊലീസ് സ്റ്റേഷനില്‍ കൊണ്ടുവന്ന് കേസ് രജിസ്റ്റര്‍ ചെയ്തിരുന്നു.
ഇതറിഞ്ഞ് ഇയാളുടെ ഭാര്യയും മാതാവും സ്‌റ്റേഷനിലെത്തി. അവരുമായി സംസാരിച്ചു നില്‍ക്കവേ ഷാന്‍ ഭാര്യയെ ഉപദ്രവിച്ചു. ഇത് തടയാന്‍ ശ്രമിച്ച പൊലീസുകാരെ ഇയാള്‍ കൈയേറ്റം ചെയ്യുകയും ചെയ്തു. തുടര്‍ന്ന് മറ്റ് ഉദ്യോഗസ്ഥരും ഭാര്യയും മാതാവും ചേര്‍ന്ന് ഇയാളെ പിടിച്ചു മാറ്റുകയായിരുന്നു.
ഇയാളുടെ ആക്രമണത്തില്‍ പരിക്കേറ്റ സി.പി.ഒ അരുണിനെ താലൂക്കാശുപത്രിയില്‍ പ്രവേശിപ്പിച്ചു. തുടര്‍ന്ന് ഇന്‍സ്‌പെക്ടര്‍ രാജേഷ് കുമാറിന്റെ നേതൃത്വത്തില്‍ പ്രതിയെ അറസ്റ്റ് ചെയ്തു. പ്രതിയെ പുനലൂര്‍കോടതിയില്‍ ഹാജരാക്കി റിമാന്‍ഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.