'ഇ​നി​യു​മെ​ത്ര ക​ടി​യേ​ൽ​ക്ക​ണം'

ആ ​ എ.​ബി.​സി പ​ദ്ധ​തി​യി​ങ്ങെ​ടു​ത്തേ ഇ​പ്പോ ശ​രി​യാ​ക്കി​ത്ത​രാ​മെ​ന്ന ത​ര​ത്തി​ലു​ള്ള പ​ട​പു​റ​പ്പാ​ട്​ ക​ണ്ട​പ്പോ​ഴേ നാ​ട്ടു​കാ​ർ പ​റ​ഞ്ഞു, ഉം... ​കേ​ട്ടി​ട്ടു​ണ്ട്​ കേ​ട്ടി​ട്ടു​ണ്ട്... ധാ​രാ​ളം കേ​ട്ടി​ട്ടു​ണ്ട്. ഈ ​പ​ദ്ധ​തി​ക​ളും പ​ണ​ച്ചെ​ല​വു​മൊ​ക്കെ ഇ​വി​ടെ​യു​ണ്ടാ​യി​ട്ടും നാ​ട്​ നി​റ​ച്ച്​ നാ​യ്ക്ക​ളാ​യ​ത്​ ക​ണ്ട്​ മ​ടു​ത്ത, ക​ടി കൊ​ണ്ടു​വ​ല​ഞ്ഞ മ​നു​ഷ്യ​ർ പി​ന്നെ എ​ന്തു​പ​റ​യാ​നാ​ണ്.​ പു​റ​ത്തേ​ക്കൊ​ന്നി​റ​ങ്ങി​യാ​ൽ മ​തി മു​ന്നി​ൽ വ​ന്ന്​ നി​ൽ​ക്കു​ന്ന നാ​യ്​ എ​ങ്ങാ​നും ക​ടി​ച്ചാ​ലോ എ​ന്ന്​ പേ​ടി​ക്കാ​തെ ന​മ്മ​ളി​ലാ​രെ​ങ്കി​ലും ക​ട​ന്നു​പോ​കാ​റു​ണ്ടോ. ക​ടി​ക്കാ​നോ​ടി​ച്ചാ​ൽ ഏ​ത്​ വ​ഴി ഓ​ടു​മെ​ന്ന്​ ക​ണ​ക്കു​കൂ​ട്ടാ​ത്ത​വ​രു​ണ്ടോ... കു​ട്ടി​ക​ളെ ഒ​റ്റ​ക്ക്​ വീ​ടി​ന്​ പു​റ​ത്ത്​ വി​ടാ​ൻ പേ​ടി​ക്കാ​ത്ത ര​ക്ഷി​താ​ക്ക​ളു​ണ്ടോ. പു​റ​ത്തി​റ​ങ്ങു​ന്ന​തെ​ന്തി​നാ​ണ്, മ​തി​ല്​ ചാ​ടി​ക്ക​ട​ന്ന്​ വ​ന്ന്​ വീ​ടി​നു​ള്ളി​ലി​രി​ക്കു​ന്ന​വ​രെ ക​ടി​ച്ചി​ട്ടു​പോ​കു​ന്ന സ്ഥി​തി​യി​ൽ 'അ​പ്​​ഡേ​റ്റ​ഡ്​' അ​ല്ലേ ഇ​വി​ടു​ള്ള തെ​രു​വു​നാ​യ്​​ക്ക​ൾ.

നാ​ല​ഞ്ച്​ കൊ​ല്ലം മു​മ്പു​ള്ള ക​ന്നു​കാ​ലി കാ​നേ​ഷു​മാ​രി പ്ര​കാ​രം കൊ​ല്ല​ത്തി​ന്‍റെ തെ​രു​വോ​ര​ങ്ങ​ൾ 52000ൽ​പ​രം നാ​യ്ക്ക​ളു​ടെ വാ​സ​സ്ഥ​ല​മാ​ണ്. സം​സ്ഥാ​ന​ത്തു​ത​ന്നെ ഇ​ക്കാ​ര്യ​ത്തി​ൽ ഒ​ന്നാ​മ​താ​ണ്​ ജി​ല്ല. വ​ർ​ഷ​ങ്ങ​ൾ​ക്കി​പ്പു​റം ല​ക്ഷ​ത്തി​ലേ​ക്ക്​ ക​ട​ന്നു​ക​ഴി​ഞ്ഞു എ​ന്നാ​ണ്​ അ​ധി​കൃ​ത​ർ ത​ന്നെ അ​നൗ​ദ്യോ​ഗി​ക ക​ണ​ക്ക്​ നി​ര​ത്തു​ന്ന​ത്. വ​ന്ധ്യം​ക​ര​ണ പ​ദ്ധ​തി​യാ​യ ​എ.​ബി.​സി​ക്ക്​ ഇ​ട​വേ​ള വ​ന്ന​തി​ന്‍റെ പ്ര​ത്യാ​ഘാ​ത​ത്തി​ൽ ത​ല​ങ്ങും വി​ല​ങ്ങും നാ​ട്ടു​കാ​ർ ക​ടി​വാ​ങ്ങി​ക്കൂ​ട്ടി​യ​തോ​ടെ​യാ​ണ് അ​ധി​കാ​രി​ക​ളു​ടെ ഉ​റ​ക്ക​ത്തി​ന്​ ഇ​ള​ക്കം ത​ട്ടി​യ​ത്​. വാ​ക്സി​ൻ ഉ​ണ്ട​ല്ലോ ക​ടി​കി​ട്ടി​യാ​ലും കു​ഴ​പ്പ​മി​ല്ലെ​ന്ന മ​ട്ടി​ൽ ഇ​രു​ന്ന​പ്പോ​ൾ വാ​ക്സി​നെ​ടു​ത്ത​വ​രും മ​ര​ണ​ത്തി​ന്‍റെ പി​ടി​യി​ലാ​യ​തോ​ടെ ഉ​റ​ക്ക​മു​പേ​ക്ഷി​ച്ച്​ എ​ണീ​ക്കേ​ണ്ടി​യും​വ​ന്നു. അ​​തോ​ടെ മാ​സ്​ വാ​ക്സി​നേ​ഷ​ൻ ഡ്രൈ​വ്​ തു​ട​ങ്ങു​ന്നു, എ.​ബി.​സി തു​ട​ങ്ങു​ന്നു, ഷെ​ൽ​റ്റ​ർ തു​ട​ങ്ങു​ന്നു...​പ്ര​ഖ്യാ​പ​ന​ങ്ങ​ൾ ഒ​ഴു​കി നാ​ട്​ നി​റ​ഞ്ഞു. എ​ന്നി​ട്ടോ, മാ​സം ഒ​ന്നാ​കാ​റാ​യ​പ്പോ​ഴും നാ​ട്ടു​കാ​ർ ക​ടി​വാ​ങ്ങി​ക്കൂ​ട്ടു​ന്നു.

ശ​നി​യാ​ഴ്ച കൊ​ട്ടാ​ര​ക്ക​ര​യി​ൽ മാ​ത്രം 17 പേ​രെ​യാ​ണ്​ പൊ​തു​നി​ര​ത്തി​ൽ നാ​യ്ക്ക​ൾ ക​ടി​ച്ചു​കു​ട​ഞ്ഞ​ത്. ഹോ​ട്ട്​​സ്​​പോ​ട്ടു​ക​ൾ മാ​റി​മ​റി​യു​ന്നു. വാ​ക്സി​നെ​ടു​ക്കാ​നു​ള്ള ക്യൂ​വി​ന്​ നീ​ളം കൂ​ടു​ന്ന​ത​ല്ലാ​തെ കു​റ​വൊ​ന്നു​മി​ല്ല. നാ​ട്ടു​കാ​ർ ആ​കെ അ​ൽ​പം ആ​ശ്വാ​സ​ത്തോ​ടെ ക​ണ്ട എ.​ബി.​സി പ​ദ്ധ​തി വ​ലി​യ പ്ര​തി​സ​ന്ധി​യി​ൽ​പെ​ട്ട്​ തൂ​ങ്ങി​നി​ൽ​ക്കു​ന്ന കാ​ഴ്ച​യാ​ണ്​ നി​ല​വി​ലെ വി​ശേ​ഷം.