കൊല്ലം: എക്സൈസ് സംഘം നടത്തിയ പരിശോധനയിൽ കഞ്ചാവുമായി മൂന്നുപേർ പിടിയിലായി. എക്സൈസ് സർക്കിൾ ഇൻസ്‌പെക്ടർ ടോണി ജോസിന്റെ നേതൃത്വത്തിൽ കൊല്ലം പള്ളിത്തോട്ടം എച്ച് ആൻഡ് സി കോമ്പൗണ്ട് കേന്ദ്രീകരിച്ച് വിവിധ ഭാഗങ്ങളിലാണ് പരിശോധ നടത്തിയത്. 2.7 കിലോ കഞ്ചാവും ഒരു ബൈക്കും പിടിച്ചെടുത്തു.
പള്ളിത്തോട്ടം എച്ച് ആൻഡ് സി കോമ്പൗണ്ടിൽ ഗാന്ധി നഗർ 60ൽ അലൻ (20), തഴുത്തല മൈലാപ്പൂർ വിളയിൽ പുത്തൻ വീട്ടിൽ സുഹൈൽ (21), പള്ളിത്തോട്ടം സെഞ്ച്വറി നഗർ 75ൽ ജോഫിൻ (19) എന്നിവരാണ് അറസ്റ്റിലായത്. എക്സൈസ് ഡെപ്യൂട്ടി കമീഷണർ ബി. സുരേഷിന് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന.
എക്സൈസ് ഇൻസ്‌പെക്ടർ ബി. വിഷ്ണു, പ്രവന്റിവ് ഓഫിസർമാരായ എം. മനു, ശശി കുമാർ, സിവിൽ എക്സൈസ് ഓഫിസർമാരായ ശ്രീനാഥ്, അജിത്, ജൂലിയൻ ക്രൂസ്, അജീഷ് ബാബു, വനിത സിവിൽ എക്സൈസ് ഓഫിസർമാരായ ജാസ്മിൻ, രമ്യ, ബീന, എക്സൈസ് ഡ്രൈവർ സുഭാഷ് എന്നിവർ പരിശോധനയിൽ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.