മരുതിമലയിൽനിന്ന് വീണ് യുവതിക്ക്​ ഗുരുതര പരിക്ക്; സുഹൃത്തിനെ ചോദ്യം ചെയ്യുന്നു

ഓ​യൂ​ർ: ഇ​ക്കോ ടൂ​റി​സം പ​ദ്ധ​തി​യാ​യ മ​രു​തി​മ​ല​യി​ൽ​നി​ന്ന് 1000 അ​ടി താ​ഴ്ച​യി​ലേ​ക്ക്​ വീ​ണ് യു​വ​തി​ക്ക്​ ഗു​രു​ത​ര പ​രി​ക്ക്. ഓ​ട​നാ​വ​ട്ടം മു​ട്ട​റ അ​ജി ഭ​വ​ന​ത്തി​ൽ അ​ഭി​യെ​യാ​ണ്​ (20) ഗു​രു​ത​ര പ​രി​ക്കു​ക​ളോ​ടെ തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്. കൂ​ടെ​യു​ണ്ടാ​യി​രു​ന്ന സു​ഹൃ​ത്ത് വെ​ളി​യം ശ്രീ​ജി​ത്ത് ഭ​വ​നി​ൽ അം​ജി​ത്തി​നെ (20) പൂ​യ​പ്പ​ള്ളി പൊ​ലീ​സ്​ ചോ​ദ്യം ചെ​യ്യു​ക​യാ​ണ്.

ബു​ധ​നാ​ഴ്ച വൈ​കീ​ട്ട്​ മൂ​ന്നോ​ടെ​യാ​ണ്​ സം​ഭ​വം. ബൈ​ക്കി​ലെ​ത്തി​യ ഇ​വ​ർ മ​രു​തി​മ​ല​യി​ലെ ചെ​റു​ക​ര​ക്കോ​ണം ഭാ​ഗ​ത്തു​കൂ​ടി മ​ല​മു​ക​ളി​ൽ ക​യ​റി. അ​വി​ടെ സം​സാ​രി​ച്ചി​രി​ക്കു​ന്ന​തി​നി​ടെ യു​വ​തി കൈ​യി​ൽ ക​രു​തി​യി​രു​ന്ന മി​ഠാ​യി ത​നി​ക്ക്​ ന​ൽ​കി​യെ​ന്ന്​ അം​ജി​ത്ത്​ പ​റ​യു​ന്നു.

അ​ത്​ മ​ല​യ​ടി​വാ​ര​ത്തെ ബൈ​ക്കി​ൽ വെ​ച്ച​തി​നു​ശേ​ഷം വീ​ണ്ടും മ​ല ക​യ​റി​യെ​ത്തി​യ​പ്പോ​ൾ പെ​ൺ​കു​ട്ടി താ​ഴെ വീ​ഴു​ന്ന​താ​ണ് ക​ണ്ട​തെ​ന്ന്​​ അം​ജി​ത്ത്​ പൊ​ലീ​സി​ന്​​ മൊ​ഴി ന​ൽ​കി. അം​ജി​ത്തി​ന്‍റെ നി​ല​വി​ളി കേ​ട്ട്​ മ​ല​മു​ക​ളി​ലെ ടെ​ലി​ക​മ്യൂ​ണി​ക്കേ​ഷ​ൻ വി​ഭാ​ഗ​ത്തി​ലെ പൊ​ലീ​സും മ​റ്റു​ള്ള​വ​രും ഓ​ടി​യെ​ത്തി പെ​ൺ​കു​ട്ടി​യെ ര​ക്ഷി​ച്ച്​ ആം​ബു​ല​ൻ​സി​ൽ താ​ലൂ​ക്ക് ആ​ശു​പ​ത്രി​യി​ലേ​ക്ക് കൊ​ണ്ടു​പോ​യി.

ത​ല​ക്ക് ഗു​രു​ത​ര​ പ​രി​ക്കേ​റ്റ പെ​ൺ​കു​ട്ടി​യെ പി​ന്നീ​ട് തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ലേ​ക്ക്​ മാ​റ്റു​ക​യാ​യി​രു​ന്നു. ഹൈ​ദ​രാ​ബാ​ദി​ൽ ന​ഴ്​​സി​ങ്​ വി​ദ്യാ​ർ​ഥി​നി​യാ​ണ്​ അ​ഭി. സൗ​ഹൃ​ദ​ത്തി​ലാ​യി​രു​ന്ന ഇ​രു​വ​രും ഇ​ട​ക്ക്​ അ​ക​ൽ​ച്ച​യി​ലാ​യി​രു​ന്നു. വീ​ണ്ടും സം​സാ​രി​ക്കാ​ൻ മ​രു​തി​മ​ല​യി​ൽ എ​ത്തി​യ​താ​യി​രു​ന്നെ​ന്നാ​ണ്​ യു​വാ​വ്​ പ​റ​യു​ന്ന​ത്. ക​ഴി​ഞ്ഞ​മാ​സം 24നാ​ണ് പെ​ൺ​കു​ട്ടി ഹൈ​ദ​രാ​ബാ​ദി​ൽ​നി​ന്ന് വീ​ട്ടി​ലെ​ത്തി​യ​ത്.