മഴയില്‍ മരങ്ങള്‍ കടപുഴകി: റോഡി‍ൻെറ പാതി തകര്‍ന്നു കറുകച്ചാല്‍: റോഡരികില്‍നിന്ന തെങ്ങും പാഴ്മരവും തോട്ടിലേക്ക് കടപുഴകി. സംരക്ഷണ ഭിത്തി തകര്‍ന്നതോടെ റോഡി‍ൻെറ പാതിയോളം ഇടിഞ്ഞുതാഴ്ന്നു. നാലാം വാര്‍ഡിലെ ഇലവുങ്കല്‍-പരുതൂട്ട് റോഡാണ് തകര്‍ന്നത്. ഇതോടെ പ്രദേശത്തെ 40 വീടുകളിലേക്കുള്ള ഗതാഗതം മുടങ്ങി. ഒരുവശത്തുകൂടി ഇരുചക്രവാഹനങ്ങള്‍ മാത്രമാണ് പോകുന്നത്. കഴുന്നുകുഴി-തൊമ്മച്ചേരി തോട് ഏതാനും ദിവസംമുമ്പ് തെളിനീരൊഴുകും പദ്ധതിപ്രകാരം വൃത്തിയാക്കിയിരുന്നു. ഇതോടെ തോടി‍ൻെറ അടിഭാഗത്തെ മണ്ണ് ഒഴുകിപ്പോകുകയും നീരൊഴുക്ക് വര്‍ധിച്ചതോടെ മരങ്ങള്‍ പിഴുതുവീഴുകയായിരുന്നു. പഞ്ചായത്ത് അംഗം കിരണ്‍കുമാര്‍, ടി.കെ. മോഹനദാസക്കുറുപ്പ് എന്നിവരുടെ നേതൃത്വത്തില്‍ നാട്ടുകാര്‍ ചേര്‍ന്ന് കല്ലും മണ്ണും നിറച്ച് താൽക്കാലിക ഗതാഗത സൗകര്യമൊരുക്കി. റോഡി‍ൻെറ സംരക്ഷണഭിത്തി നിര്‍മിക്കാന്‍ 10 ലക്ഷം രൂപയോളം വേണമെന്നും ഇതിനായി അധികൃതര്‍ക്ക് അപേക്ഷ നല്‍കിയെന്നും പഞ്ചായത്ത് അംഗം പറഞ്ഞു. ------- ഇലവുങ്കല്‍-പരുതൂട്ട് റോഡി‍ൻെറ വശത്തെ മരങ്ങള്‍ കടപുഴകിയതോടെ പാതിഭാഗം ഇടിഞ്ഞുതാഴ്ന്നനിലയില്‍
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.