കോട്ടയം: പി.എസ്.സിയിൽ വ്യാജ സമ്മതപത്രം നൽകി അർഹതപ്പെട്ട ഉദ്യോഗാർഥിയുടെ തൊഴിലവസരം നഷ്ടപ്പെടുത്തിയ കേസിൽ കോട്ടയം ഈസ്റ്റ് പൊലീസ് എഫ്.ഐ.ആർ രജിസ്റ്റർ ചെയ്തു. വഞ്ചന, ആൾമാറാട്ടം തുടങ്ങിയ വകുപ്പുകൾ പ്രകാരം കൊല്ലം മൈനാഗപ്പള്ളി സ്വദേശിനി ശ്രീജക്ക് എതിരെയാണ് കേസെടുത്തത്. മൈനാഗപ്പള്ളി സ്വദേശിനിയുടെ മൊഴി രേഖപ്പെടുത്താൻ വിളിച്ചുവരുത്തുമെന്ന് ഈസ്റ്റ് എസ്.എച്ച്.ഒ റിജോ പി. ജോസഫ് അറിയിച്ചു. പി.എസ്.സി ഉദ്യോഗസ്ഥരുടെ പങ്കും അന്വേഷിക്കും. പത്തനംതിട്ട മല്ലപ്പള്ളി സ്വദേശിനി ശ്രീജക്കാണ് മൈനാഗപ്പള്ളി സ്വദേശിനി ശ്രീജയുടെ സമ്മതപത്രം മൂലം ജോലി നഷ്ടപ്പെട്ടത്. സപ്ലൈകോ അസി. സെയിൽസ്മാൻ തസ്തികയിലേക്കുള്ള കോട്ടയം ജില്ലയിലെ റാങ്ക് ലിസ്റ്റിൽ 233ാം റാങ്ക് നേടിയ ശ്രീജ, 268ാം റാങ്ക് വരെയുള്ളവർക്ക് നിയമനം ലഭിച്ചതിനെ തുടർന്നാണ് പി.എസ്.സി ഓഫിസിൽ അന്വേഷണം നടത്തിയത്. തനിക്ക് സർക്കാർ ജോലി ഉള്ളതിനാൽ ഈ ജോലി ആവശ്യമില്ലെന്ന് ശ്രീജ സമ്മതപത്രം നൽകിയിരുന്നതായി പി.എസ്.സി ഓഫിസ് അധികൃതർ അറിയിച്ചു. എന്നാൽ, ജോലിയില്ലാത്ത ശ്രീജ അത്തരത്തിലൊരു സമ്മതപത്രം നൽകിയിരുന്നില്ല. പി.എസ്.സി ഓഫിസിലും ജില്ല പൊലീസ് മേധാവിക്കും ശ്രീജ നൽകിയ പരാതിയിൽ മറ്റൊരാളാണ് സമ്മതപത്രം നൽകിയതെന്ന് കണ്ടെത്തുകയായിരുന്നു. തുടർന്ന് പി.എസ്.സി ശ്രീജക്ക് നിയമനം നൽകുകയും ചെയ്തു. ഇപ്പോൾ ചങ്ങനാശ്ശേരി ഡിപ്പോയിൽ ജോലി ചെയ്യുകയാണ് ശ്രീജ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.