ചെറുതോണി: കോൺഗ്രസിൽനിന്ന് കൂറുമാറി സി.പി.എമ്മിൽ ചേർന്ന ഇടുക്കി ബ്ലോക്ക് പഞ്ചായത്ത് പ്രസിഡന്റ് രാജി ചന്ദ്രനെതിരെ സ്ത്രീവിരുദ്ധ പ്രസംഗം നടത്തിയ ഡി.സി.സി അധ്യക്ഷൻ സി.പി. മാത്യുവിനെതിരെ കേസെടുത്തു. അശ്ലീല പരാമർശം നടത്തിയതിനും സ്ത്രീത്വത്തെ അപമാനിച്ചതിനും 509ാം വകുപ്പ് പ്രകാരവും വധഭീഷണി മുഴക്കിയതിന് 506 (ഒന്ന്) വകുപ്പ് പ്രകാരവുമാണ് കേസ്. കുറ്റക്കാരനെന്ന് കണ്ടെത്തിയാൽ മൂന്നുവർഷം വരെ തടവുകിട്ടാവുന്ന വകുപ്പാണ് ചുമത്തിയത്. ജില്ലയിലെ തദ്ദേശസ്ഥാപനങ്ങളുടെ ഭരണം കാലുമാറ്റത്തിലൂടെ പിടിച്ചെടുത്ത് സി.പി.എം ജനാധിപത്യം അട്ടിമറിക്കുന്നു എന്നാരോപിച്ച് ബ്ലോക്ക് പഞ്ചായത്ത് ആസ്ഥാനത്തേക്ക് ബുധനാഴ്ച യു.ഡി.എഫ് സംഘടിപ്പിച്ച മാർച്ച് ഉദ്ഘാടനം ചെയ്യവെ നടത്തിയ പ്രസംഗമാണ് വിവാദമായത്. രാജി ചന്ദ്രൻ കമ്യൂണിസ്റ്റ് പാർട്ടിയുടെ തണലിൽ സുഖവാസം അനുഭവിക്കുകയാണെന്ന് പറഞ്ഞ് ഭർത്താവിനെയും സി.പി.എം നേതാക്കളെയും ബന്ധപ്പെടുത്തിയായിരുന്നു അശ്ലീല പരാമർശങ്ങൾ. കാലാവധി പൂർത്തിയാക്കുന്നതുവരെ രണ്ടുകാലിൽ ബ്ലോക്ക് പഞ്ചായത്ത് ഓഫിസിൽ വരാൻ അനുവദിക്കില്ലെന്ന് ഭീഷണി മുഴക്കുകയും ചെയ്തു. രാജി ചന്ദ്രൻ ഇടുക്കി പൊലീസ് സ്‌റ്റേഷനിൽ നേരിട്ടെത്തി പരാതി നൽകുകയായിരുന്നു. രാജിയുടെ മൊഴി പൊലീസ് രേഖപ്പെടുത്തി. വിവാദ പരാമർശത്തിനെതിരെ വിവിധ കോണുകളിൽനിന്ന് പ്രതിഷേധമുയർന്നിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.