പള്ളിക്കത്തോട്: മുൻ വൈരാഗ്യത്തെ തുടർന്ന് അയൽവാസിയെ ആക്രമിച്ച കേസിൽ 69കാരനെ പൊലീസ് അറസ്റ്റ് ചെയ്തു.അരുവിക്കുഴി തോണക്കര വീട്ടിൽ ടി.ജെ. ജോർജിനെയാണ് പള്ളിക്കത്തോട് പൊലീസ് അറസ്റ്റ് ചെയ്തത്. ഇയാൾ തിങ്കളാഴ്ച രാവിലെ 6.30ഓടെ അരുവിക്കുഴി സെന്റ് മേരീസ് പള്ളി പാരിഷ് ഹാളിന് സമീപം സുഹൃത്തും അകന്ന ബന്ധുവുമായ ഫിലിപ്പോസിനെയാണ് ആക്രമിച്ചത്.
ജോർജ് തന്റെ ഭാര്യയെ കൊലപ്പെടുത്തിയ കേസിൽ ജയിലിൽ കിടന്ന സമയം ഫിലിപ്പോസ് കാണാൻ ചെന്നില്ലെന്നും ജാമ്യത്തിൽ ഇറക്കാൻ സഹായിച്ചില്ലെന്നും പറഞ്ഞാണ് ആക്രമിക്കുകയും മൂക്കിൽ കടിച്ച് പരിക്കേൽപിക്കുകയും ചെയ്തത്.പരാതിയെത്തുടർന്ന് പള്ളിക്കത്തോട് പൊലീസ് കേസെടുക്കുകയും എസ്.എച്ച്.ഒ കെ.ബി. ഹരികൃഷ്ണന്റെ നേതൃത്വത്തിൽ ഇയാളെ അറസ്റ്റ് ചെയ്യുകയുമായിരുന്നു. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.