രക്തക്ഷാമം രൂക്ഷം: കോ​വി​ഡ് ഭീ​തി​യി​ൽ ദാതാക്കൾ കുറയുന്നു

ച​ങ്ങ​നാ​ശ്ശേ​രി: കോ​വി​ഡ് ഭീ​തി​യി​ല്‍ ര​ക്ത​ദാ​താ​ക്ക​ളു​ടെ എ​ണ്ണം കു​റ​യു​ന്ന​ത് ആ​ശ​ങ്ക​ക്ക്​ ഇ​ട​യാ​ക്കു​ന്നു. കോ​ട്ട​യം മെ​ഡി​ക്ക​ല്‍ കോ​ള​ജ് ആ​ശു​പ​ത്രി, സ്വ​കാ​ര്യ ആ​ശു​പ​ത്രി​ക​ള്‍ എ​ന്നി​വി​ട​ങ്ങ​ളി​ലാ​യി നൂ​റു​ക​ണ​ക്കി​നാ​ളു​ക​ള്‍ക്കാ​ണ് ദി​വ​സ​വും ര​ക്തം ആ​വ​ശ്യ​മാ​യി വ​രു​ന്ന​ത്.

ബ്ല​ഡ് ഡോ​ണേ​ഴ്സ്‌ കേ​ര​ള, വി​വി​ധ സ​ന്ന​ദ്ധ സം​ഘ​ട​ക​ള്‍, ക്ല​ബു​ക​ള്‍ തു​ട​ങ്ങി ര​ക്ത​ദാ​ന സേ​ന​ക​ളെ​ല്ലാം ഇ​പ്പോ​ള്‍ പ്ര​തി​സ​ന്ധി​യി​ലാ​ണ്. ദി​വ​സ​വും നൂ​റു​ക​ണ​ക്കി​ന് ആ​ളു​ക​ളാ​ണ് ര​ക്തം ആ​വ​ശ്യ​പ്പെ​ട്ട് ഇ​വ​രെ ബ​ന്ധ​പ്പെ​ടു​ന്ന​ത്. സ​ന്ന​ദ്ധ സം​ഘ​ട​ന​ക​ളി​ല്‍ ര​ക്തം ദാ​നം​ചെ​യ്യു​ന്ന​തി​ന് പേ​ര്​ ര​ജി​സ്​​റ്റ​ര്‍ ചെ​യ്യു​ന്ന​വ​രെ ലി​സ്​​റ്റ്​ അ​നു​സ​രി​ച്ചു വി​ളി​ച്ചാ​ൽ മു​മ്പ് ആ​വ​ശ്യ​ക്കാ​ര്‍ക്ക് എ​ല്ലാ​വ​ര്‍ക്കും ര​ക്തം എ​ത്തി​ക്കാ​ന്‍ ക​ഴി​ഞ്ഞി​രു​ന്നു.

എ​ന്നാ​ല്‍, ഇ​പ്പോ​ള്‍ കോ​വി​ഡ് ആ​ശ​ങ്ക​ക​ള്‍ പ​റ​ഞ്ഞു പി​ന്മാ​റു​ന്ന​വ​രു​ടെ എ​ണ്ണം വ​ര്‍ധി​ച്ചു. ഇ​ത് നൂ​റു​ക​ണ​ക്കി​ന്​ രോ​ഗി​ക​ളു​ടെ ജീ​വ​ന് ഭീ​ഷ​ണി​യാ​വു​ക​യാ​ണ്. ആ​ശു​പ​ത്രി ബ്ല​ഡ് ബാ​ങ്കു​ക​ളി​ല്‍ സ്​​റ്റോ​ക്കി​ല്ലാ​തെ​വ​രു​ന്ന​ത്​ കാ​ര​ണം രോ​ഗി​ക​ളു​ടെ ബ​ന്ധു​ക്ക​ള്‍ നെ​ട്ടോ​ട്ട​ത്തി​ലാ​ണ്.

ബി.​ഡി.​കെ​യു​ടെ​യും കെ.​എ​ല്‍ 33 ച​ങ്ങ​നാ​ശ്ശേ​രി​ക്കാ​ര്‍ ഫേ​സ്​​ബു​ക്ക് കൂ​ട്ടാ​യ്മ​യു​ടെ​യും നേ​തൃ​ത്വ​ത്തി​ല്‍ ച​ങ്ങ​നാ​ശ്ശേ​രി​യി​ല്‍നി​ന്ന്​ കോ​ട്ട​യം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലേ​ക്ക് ര​ക്ത​ദാ​ന വ​ണ്ടി ക്ര​മീ​ക​രി​ച്ചി​രു​ന്നു. എ​ന്നാ​ല്‍, മു​മ്പ്​ ഉ​ണ്ടാ​യി​രു​ന്ന പ്ര​തി​ക​ര​ണം കു​റ​ഞ്ഞ​താ​യി ഇ​വ​ര്‍ പ​റ​യു​ന്നു. കോ​ട്ട​യം മെ​ഡി​ക്ക​ല്‍ കോ​ള​ജ് അ​ട​ക്കം ആ​ശു​പ​ത്രി​ക​ളി​ല്‍ ര​ക്ത​ക്ഷാ​മം രൂ​ക്ഷ​മാ​ണ്.

കോ​ള​ജു​ക​ള്‍ അ​ട​ച്ച് ഓ​ണ്‍ലൈ​ന്‍ ക്ലാ​സു​ക​ള്‍ ആ​യ​തോ​ടെ ക​ലാ​ല​യ​ങ്ങ​ളി​ല്‍നി​ന്ന്​ ര​ക്ത​ദാ​നം ചെ​യ്തു​കൊ​ണ്ടി​രു​ന്ന വി​ദ്യാ​ർ​ഥി​ക​ളു​ടെ എ​ണ്ണ​ത്തി​ലും വ​ലി​യ കു​റ​വ്​ സം​ഭ​വി​ച്ചു. പ​ല​രും ആ​ശു​പ​ത്രി​ക​ളി​ലെ​ത്തി ര​ക്തം ന​ല്‍കാ​ന്‍ ത​യാ​റാ​വു​ന്നു​മി​ല്ല.

മൂ​ന്നു​മാ​സ​ത്തി​ല്‍ ഒ​രി​ക്ക​ല്‍ യു​വാ​ക്ക​ളും നാ​ലു​മാ​സ​ത്തി​ലൊ​രി​ക്ക​ല്‍ യു​വ​തി​ക​ളും ര​ക്ത​ദാ​ന​ത്തി​ന്​ സ​ന്ന​ദ്ധ​മാ​വു​ക​യാ​ണെ​ങ്കി​ല്‍ ആ​ശു​പ​ത്രി​ക​ളി​ല്‍ ബ്ല​ഡ് ബാ​ങ്കു​ക​ളി​ല്‍ ര​ക്തം സ്​​റ്റോ​ക്ക് ചെ​യ്യാ​ന്‍ ക​ഴി​യും. കൂ​ടു​ത​ല്‍ ആ​ളു​ക​ള്‍ ര​ക്ത​ദാ​ന​ത്തി​ന് മു​ന്നോ​ട്ടു​വ​രു​ന്ന​തി​ലൂ​ടെ മാ​ത്ര​മേ ബ്ല​ഡ് ക്ഷാ​മം പ​രി​ഹ​രി​ക്കാ​ന്‍ ക​ഴി​യൂ.

അ​പ​ക​ട​ങ്ങ​ള്‍ അ​ട​ക്ക​മു​ള്ള അ​ടി​യ​ന്ത​ര സാ​ഹ​ച​ര്യ​ങ്ങ​ളി​ല്‍ ആ​ശു​പ​ത്രി​ക​ളി​ല്‍ ബ്ല​ഡ് സ്​​റ്റോ​ക്കി​ല്ലാ​തെ വ​രു​ന്ന​ത് ജീ​വ​നു ഭീ​ഷ​ണി​യാ​വും. അ​ത്ത​രം സാ​ഹ​ച​ര്യം ഒ​ഴി​വാ​ക്കാ​ന്‍ ഓ​രോ​രു​ത്ത​രും മു​ന്നോ​ട്ടു​വ​ര​ണ​മെ​ന്ന്​ ബ്ല​ഡ്​ ഡോ​ണേ​ഴ്​​സ് കേ​ര​ള ജി​ല്ല പ്ര​സി​ഡ​ൻ​റ്​ ജി​നു ജോ​സ​ഫ് അ​ഭ്യ​ർ​ത്ഥി​ച്ചു.