മുജീബ് റഹ്മാൻ
ഏറ്റുമാനൂർ: കെ.എസ്.ആർ.ടി.സി ബസിൽ യുവതിക്ക് നേരെ നഗ്നത പ്രദർശനം നടത്തിയ യുവാവ് അറസ്റ്റിൽ. തലയോലപ്പറമ്പ് തലപ്പാറ ഭാഗത്ത് തുണ്ടിയിൽ വീട്ടിൽ ഫയാസ് എന്ന മുജീബ് റഹ്മാനാണ് (48) അറസ്റ്റിലായത്.
ഞായറാഴ്ച രാവിലെ കോട്ടയത്ത് നിന്ന് മൂവാറ്റുപുഴ ഭാഗത്തേക്കുപോയ ബസിൽ യാത്ര ചെയ്തിരുന്ന യുവതിയുടെ സീറ്റിന് സമീപം നിന്നിരുന്ന ഇയാൾ നഗ്നത പ്രദർശനം നടത്തുകയായിരുന്നു. എസ്.എച്ച്.ഒ എ.എസ്. അൻസൽ, എസ്.ഐമാരായ ജയപ്രകാശ്, സിനിൽ, സി.പി.ഒമാരായ മനോജ്, പ്രീജിത്ത് എന്നിവർ ചേർന്നാണ് ഇയാളെ അറസ്റ്റ് ചെയ്തത്. ഇയാൾക്ക് വൈക്കം സ്റ്റേഷനിൽ ക്രിമിനൽ കേസ് നിലവിലുണ്ട്. കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.