പ്രളയത്തിൽ തകർന്ന കാത്തിരിപ്പു​ കേന്ദ്രത്തിന്​ ‘കാത്തിരിപ്പ്​’ നീളുന്നു

മു​ണ്ട​ക്ക​യം: പ്ര​ള​യ​ത്തി​ൽ ത​ക​ർ​ന്ന ബ​സ് കാ​ത്തി​രി​പ്പ് കേ​ന്ദ്രം പു​ന​ർ​നി​ർ​മി​ക്കാ​ൻ ന​ട​പ​ടി​യി​ല്ല. വി​ദ്യാ​ർ​ഥി​ക​ള​ട​ക്കം ദു​രി​ത​ത്തി​ൽ. കോ​സ്‌​വേ പാ​ല​ത്തി​ന് സ​മീ​പം കോ​രു​ത്തോ​ട്, എ​രു​മേ​ലി റൂ​ട്ടി​ലു​ള്ള ബ​സ് കാ​ത്തി​രി​പ്പ് കേ​ന്ദ്ര​മാ​ണ് 2021ലെ ​പ്ര​ള​യ​ത്തി​ൽ ത​ക​ർ​ന്ന​ത്. സ​മീ​പ​ത്തെ സ്കൂ​ൾ കു​ട്ടി​ക​ൾ അ​ട​ക്കം ഇ​വി​ടെ​യാ​ണ് ബ​സ് കാ​ത്തു​നി​ൽ​ക്കു​ന്ന​ത്. മ​ഴ​ക്കാ​ല​മാ​യ​തോ​ടെ കു​ട​യും ചൂ​ടി ബ​സ് കാ​ത്ത് നി​ൽ​ക്കേ​ണ്ട അ​വ​സ്ഥ​യാ​ണ്. സ​മീ​പ​ത്ത് ക​ട​ക​ൾ ഇ​ല്ലാ​ത്ത​തി​നാ​ൽ ക​ട​ത്തി​ണ്ണ​യി​ലും നി​ൽ​കാ​ൻ ക​ഴി​യി​ല്ല.

പ്ര​ള​യ​ത്തി​ൽ നി​ര​വ​ധി ബ​സ് കാ​ത്തി​രി​പ്പ് കേ​ന്ദ്ര​ങ്ങ​ളാ​ണ് മു​ണ്ട​ക്ക​യം-​ഇ​ളം​കാ​ട് റൂ​ട്ടി​ലും പ്ര​ധാ​ന റോ​ഡു​ക​ളി​ലും ത​ക​ർ​ന്ന​ത്. ഇ​വ​യി​ൽ പ​ല​തും പു​ന​ർ​നി​ർ​മി​ച്ചി​ട്ടും ഇ​വി​ടെ വെ​യി​റ്റി​ങ് ഷെ​ഡ് സ്ഥാ​പി​ക്കാ​ൻ ന​ട​പ​ടി​യാ​യി​ല്ല. എ​രു​മേ​ലി, കോ​രു​ത്തോ​ട് റൂ​ട്ടി​ക​ളി​ൽ സ​ർ​വി​സ് ന​ട​ത്തു​ന്ന ബ​സു​ക​ൾ എ​ല്ലാം ഇ​വി​ടെ നി​ർ​ത്തി​യ ശേ​ഷ​മാ​ണ് പോ​കു​ന്ന​ത്. എ​ന്നാ​ൽ, ഇ​വി​ടെ ബ​സ് സ്റ്റോ​പ്പി​ന്റേ​താ​യ ഒ​രു സൗ​ക​ര്യ​ങ്ങ​ളും ഏ​ർ​പ്പെ​ടു​ത്തി​യി​ട്ടി​ല്ല. പ്ര​ള​യ​ത്തെ തു​ട​ർ​ന്ന് പാ​ഴാ​യ പ​ല​പ​ദ്ധ​തി​ക​ളും ന​ട​പ്പാ​ക്കി​യ​പ്പോ​ൾ ജ​ന​ങ്ങ​ൾ​ക്ക് പ്ര​യോ​ജ​ന​ക​ര​മാ​കു​ന്ന ബ​സ് കാ​ത്തി​രി​പ്പു​കേ​ന്ദ്രം ഇ​നി​യെ​ങ്കി​ലും നി​ർ​മി​ക്കാ​ൻ ന​ട​പ​ടി വേ​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.