അലൻ കെ. തോമസ്
പൊൻകുന്നം: ഓട്ടോമൊബൈൽ വർക്ക്ഷോപ്പിൽനിന്ന് വാഹനങ്ങളുടെ പാർട്സുകള്‍ അടക്കം ഇരുമ്പ് സാമഗ്രികൾ മോഷ്ടിച്ച കേസിൽ മുന്‍ ജീവനക്കാരനായ കാഞ്ഞിരപ്പള്ളി വളവുകയം ഭാഗത്ത് കാക്കനാട്ട് അലൻ കെ. തോമസ് (32) അറസ്റ്റിൽ.
ഇയാൾ മുമ്പ് ജോലി ചെയ്തിരുന്ന കോപ്രാക്കളം ഭാഗത്തുള്ള ഓട്ടോമൊബൈൽസ് വർക്ക് ഷോപ്പിൽനിന്ന് കഴിഞ്ഞദിവസം രാത്രി ലോറിയുടെ ഡിസ്കുകളും ഹൈഡ്രോളിക് ജാക്കിയും വാഹനങ്ങൾക്ക് ഉപയോഗിക്കുന്ന ജാക്കി ലിവർ, ടൂൾസ് ബോക്സ്‌, 100 കിലോ വരുന്ന ഇരുമ്പ് അടകല്ല് തുടങ്ങിയ സാമഗ്രികൾ ഉൾപ്പെടെ 44,000 രൂപയുടെ മുതലുകൾ മോഷ്ടിച്ച് കടന്നുകളയുകയായിരുന്നു. മോഷ്ടിച്ച മുതലുകൾ കണ്ടെടുത്തു.
എസ്.എച്ച്.ഒ ടി. ദിലീഷ്, എസ്.ഐ വി.പി. ബിനുകുമാർ, സി.പി.ഒമാരായ ഷാജി ചാക്കോ, പി.കെ. ഷാനവാസ്, അരുൺ സോമൻ എന്നിവർ ചേർന്നാണ് അറസ്റ്റ് ചെയ്തത്. കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.