കോ​ട്ട​യം മെ​ഡി​ക്ക​ൽ കോ​ള​ജിൽ റേഡിയേഷൻ യന്ത്രം തകരാറിൽ; അർബുദ ബാധിതർ ബുദ്ധിമുട്ടുന്നു

ഗാ​ന്ധി​ന​ഗ​ർ: കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി ഓ​ങ്കോ​ള​ജി വി​ഭാ​ഗ​ത്തി​ൽ രോ​ഗി​ക​ൾ​ക്ക് റേ​ഡി​യേ​ഷ​ൻ ന​ൽ​കു​ന്ന യ​ന്ത്രം ത​ക​രാ​റി​ലാ​യ​തോ​ടെ അ​ർ​ബു​ദ രോ​ഗി​ക​ൾ​ക്ക് ചി​കി​ത്സ വൈ​കു​ന്നു. രോ​ഗി​ക​ൾ​ക്ക് ലീ​നി​യ​ർ ആ​ക്സി​ലേ​റ്റ​ർ യ​ന്ത്രം വ​ഴി​യാ​ണ് ഈ ​ചി​കി​ത്സ ന​ൽ​കു​ന്ന​ത്. ഈ ​യ​ന്ത്ര​ത്തി​ന്‍റെ ചി​ല്ല​ർ ക്യാ​പ്സൂ​ൾ ഭാ​ഗ​മാ​ണ് കേ​ടാ​യ​ത്. യ​ന്ത്രം ഉ​പ​യോ​ഗി​ക്കു​മ്പോ​ൾ അ​തി​​ന്‍റെ താ​പ​നി​ല നി​യ​ന്ത്രി​ക്കു​ന്ന ഭാ​ഗ​മാ​ണി​ത്. ബ്ലൂ​സ്റ്റാ​ർ ക​മ്പ​നി​യാ​ണ് അ​റ്റ​കു​റ്റ​പ്പ​ണി ന​ട​ത്തു​ന്ന​ത്.

ക​ഴി​ഞ്ഞ വെ​ള്ളി​യാ​ഴ്ച യ​ന്ത്രം ത​ക​രാ​റി​ലാ​യ​പ്പോ​ൾ ക​മ്പ​നി​യു​ടെ സാ​ങ്കേ​തി​ക വി​ദ​ഗ്​​ധ​ൻ യ​ന്ത്രം ന​ന്നാ​ക്കി​യി​രു​ന്നു. തി​ങ്ക​ളാ​ഴ്ച വീ​ണ്ടും കേ​ടാ​യി. ക​മ്പ​നി​യു​ടെ ഉ​യ​ർ​ന്ന ഉ​ദ്യോ​ഗ​സ്ഥ​ർ സ്ഥ​ല​ത്തെ​ത്തി മു​ഴു​വ​നാ​യി മാ​റ്റി വെ​ക്ക​ണ​മെ​ന്ന് നി​ർ​ദേ​ശി​ച്ചു. ഇ​തി​ന് എ​ട്ടു ല​ക്ഷം രൂ​പ​ വി​ല​വ​രും. 12 വ​ർ​ഷം പ​ഴ​ക്ക​മു​ള്ള യ​ന്ത്ര​മാ​ണി​ത്.

ഒ​ന്നു മു​ത​ൽ ഒ​ന്ന​ര മ​ണി​ക്കൂ​ർ സ​മ​യം കൊ​ണ്ട് 25രോ​ഗി​ക​ൾ​ക്കു വ​രെ റേ​ഡി​യേ​ഷ​ൻ ന​ൽ​കാ​ൻ ക​ഴി​ഞ്ഞി​രു​ന്നു. എ​ന്നാ​ൽ, യ​ന്ത്രം ത​ക​രാ​റി​ലാ​യ​തോ​ടെ ആ​റു​രോ​ഗി​ക​ൾ​ക്ക്​ റേ​ഡി​യേ​ഷ​ൻ ന​ൽ​കാ​നേ ക​ഴി​യു​ന്നു​ള്ളൂ. സ്വ​കാ​ര്യ ആ​ശു​പ​ത്രി​ക​ളി​ൽ ര​ണ്ടു ല​ക്ഷം രൂ​പ വ​രെ ചെ​ല​വു വ​രു​ന്ന റേ​ഡി​യേ​ഷ​ൻ ചി​കി​ത്സ​ക്ക് മെ​ഡി​ക്ക​ൽ കോ​ള​ജി​ൽ പ​ര​മാ​വ​ധി 25,000 രൂ​പ മാ​ത്ര​മാ​ണ് ചെ​ല​വു വ​രു​ന്ന​ത്. ഇ​ൻ​ഷു​റ​ൻ​സ് പ​രി​ര​ക്ഷ​യു​ള്ള​വ​ർ​ക്ക് ചി​കി​ത്സ ചെ​ല​വ് സ​ർ​ക്കാ​ർ വ​ഹി​ക്കു​മെ​ന്ന പ്ര​ത്യേ​ക​ത​യു​മു​ണ്ട്. 

ന്യൂ​ക്ലി​യ​ർ മെ​ഡി​സി​ൻ വി​ഭാ​ഗം ഇ​ല്ല

മെ​ഡി​ക്ക​ൽ കോ​ള​ജി​ൽ ന്യൂ​ക്ലി​യ​ർ മെ​ഡി​സി​ൻ വി​ഭാ​ഗ​വും സ​ജ്ജീ​ക​രി​ച്ചി​ട്ടി​ല്ല. തി​രു​വ​ന​ന്ത​പു​രം, കോ​ഴി​ക്കോ​ട് മെ​ഡി​ക്ക​ൽ കോ​ള​ജു​ക​ളി​ൽ ഈ ​സം​വി​ധാ​നം നി​ല​വി​ലു​ള്ള​പ്പോ​ഴാ​ണ് മ​ധ്യ തി​രു​വി​താം​കൂ​റി​ലെ അ​ർ​ബു​ദ ബാ​ധി​ത​ർ​ക്ക് ഈ ​ചി​കി​ത്സ നി​ഷേ​ധി​ക്ക​പ്പെ​ടു​ന്ന​ത്. കോ​ട്ട​യം, ഇ​ടു​ക്കി, ആ​ല​പ്പു​ഴ, എ​റ​ണാ​കു​ളം ഭാ​ഗ​ത്തു​ള്ള രോ​ഗി​ക്ക് തി​രു​വ​ന​ന്ത​പു​ര​ത്തോ കോ​ഴി​ക്കോ​ട്ടോ പോ​യി ഈ ​ചി​കി​ത്സ തേ​ട​ണം. അ​ല്ലെ​ങ്കി​ൽ വ​ലി​യ തു​ക മു​ട​ക്കി സ്വ​കാ​ര്യ ആ​ശു​പ​ത്രി​ക​ളെ സ​മീ​പി​ക്ക​ണം.

ലി​ഫ്റ്റ് പ​ണി​മു​ട​ക്കി​യി​ട്ട് മാ​സ​ങ്ങളായി

ന​ട​ക്കാ​നാ​വാ​ത്ത അ​വ​ശ​രാ​യ രോ​ഗി​ക​ളെ മു​ക​ളി​ല​ത്തെ നി​ല​യി​ലെ​ത്തി​ക്ക​ണ​മെ​ങ്കി​ൽ ലി​ഫ്റ്റി​ന്‍റെ സ​ഹാ​യം കൂ​ടി​യേ ക​ഴി​യൂ. എ​ന്നാ​ൽ, ലി​ഫ്റ്റ് കേ​ടാ​യി​ട്ട് മാ​സ​ങ്ങ​ൾ ക​ഴി​ഞ്ഞു. ഇ​തു​മൂ​ലം രോ​ഗി​ക​ളും സ​ഹാ​യി​ക​ളും ഏ​റെ ദു​രി​ത​ത്തി​ലാ​ണ്. രോ​ഗി​ക​ളെ സ്ട്രെ​ച്ച​റി​ലോ വീ​ൽ​ചെ​യ​റി​ലോ മു​ക​ളി​ല​ത്തെ നി​ല​യി​ൽ എ​ത്തി​ക്ക​ണ​മെ​ങ്കി​ൽ റാ​മ്പ് സം​വി​ധാ​ന​വും ഇ​വി​ടെ​യി​ല്ല. ദി​വ​സേ​ന നൂ​റു​ക​ണ​ക്കി​ന് അ​ർ​ബു​ദ ബാ​ധി​ത​ർ ചി​കി​ത്സ തേ​ടു​ന്ന കോ​ട്ട​യം മെ​ഡി​ക്ക​ൽ കോ​ള​ജി​ൽ അ​ടി​സ്ഥാ​ന സൗ​ക​ര്യ​ങ്ങ​ളു​ടെ അ​ഭാ​വം വ​ള​രെ​യേ​റെ​യാ​ണ്.

ക​ത്ത്​ ന​ൽ​കി

പ​ഴ​യ യ​ന്ത്ര​ത്തി​ന്‍റെ ത​ക​രാ​ർ പ​രി​ഹ​രി​ക്കു​ന്ന​തി​നേ​ക്കാ​ൾ ന​ല്ല​ത് പു​തി​യ​ത്​ വാ​ങ്ങു​ന്ന​താ​ണെ​ന്ന്​ ഓ​ങ്കോ​ള​ജി വി​ഭാ​ഗം മേ​ധാ​വി ഡോ. ​ശി​വ​രാ​മ​കൃ​ഷ്ണ​ൻ. ഇ​തു സം​ബ​ന്ധി​ച്ച് കോ​ള​ജ്​ പ്രി​ൻ​സി​പ്പ​ലി​ന് രേ​ഖാ​മൂ​ലം ക​ത്ത് ന​ൽ​കി​യി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു.

കോബോൾട്ട് യന്ത്രം കേടായിട്ട് രണ്ടുവർഷം

മെ​ഡി​ക്ക​ൽ കോ​ള​ജി​ൽ കോ​ബോ​ൾ​ട്ട് യ​ന്ത്രം കേ​ടാ​യി​ട്ട് ര​ണ്ടു​വ​ർ​ഷം. ഇ​തു​മൂ​ലം അ​ർ​ബു​ദ ചി​കി​ത്സ​യി​ൽ പ്ര​ധാ​ന​മാ​യ കോ​ബോ​ൾ​ട്ട് തെ​റ​പ്പി ന​ൽ​കാ​ൻ ക​ഴി​യു​ന്നി​ല്ല. ഈ ​യ​ന്ത്ര​വും പു​തു​താ​യി വാ​ങ്ങി സ്ഥാ​പി​ക്ക​ണം. പു​തി​യ കെ​ട്ടി​ട​വും ഇ​തി​നാ​യി ഉ​ണ്ടാ​ക​ണം.