വയോധികയെ കബളിപ്പിച്ച് മാല മോഷ്ടിച്ച പ്രതിയുടെ വീഡിയോ ദൃശ്യം
കോട്ടയം: നഗരമധ്യത്തിൽ വയോധികയെ ലോട്ടറി അടിച്ചതായി വിശ്വസിപ്പിച്ച് ബാങ്കിലേക്ക് കൊണ്ടുവന്ന് മാല മോഷ്ടിച്ച പ്രതിയുടെ വിഡിയോ ദൃശ്യം പൊലീസ് പുറത്തുവിട്ടു.ആർപ്പൂക്കര സ്വദേശി വീട്ടമ്മയുടെ മാല മോഷ്ടിച്ച കേസിലെ പ്രതിയുടെ വിഡിയോ ദൃശ്യങ്ങളാണ് പുറത്തുവിട്ടത്.
കഴിഞ്ഞ തിങ്കളാഴ്ചയായിരുന്നു സംഭവം. നഗരത്തിലൂടെ നടന്നുവന്ന വയോധികയെയാണ് ഒപ്പം നടന്നു വന്നയാൾ കബളിപ്പിച്ച് മാല മോഷ്ടിച്ചത്.പ്രതി ഇവരുമായി സൗഹൃദം സ്ഥാപിച്ചശേഷം ലോട്ടറി അടിച്ചതായി അറിയിക്കുകയായിരുന്നു. ലോട്ടറി അടിച്ച തുക സെൻട്രൽ ബാങ്ക് അക്കൗണ്ടിലുണ്ടെന്നും സ്വർണമാലയിലെ കോഡ് ബാങ്കിൽ കാട്ടിയെങ്കിൽ മാത്രമേ പണം ലഭിക്കൂ എന്നും ഇവരെ വിശ്വസിപ്പിച്ചു.
ഇതു വിശ്വസിച്ച് ഇവർ പ്രതിക്കൊപ്പം ബാങ്കിെൻറ രണ്ടാം നിലയിലേക്ക് കയറി.ഇതിനിടെ മാല കൈയിൽ വാങ്ങിയ പ്രതി കടന്നുകളയുകയായിരുന്നു.പ്രതിക്കായി അന്വേഷണം ഊർജിതമാക്കിയതായി വെസ്റ്റ് സ്റ്റേഷൻ ഹൗസ് ഓഫിസർ ഇൻസ്‌പെക്ടർ എം.ജെ. അരുണും എസ്.ഐ ടി. ശ്രീജിത്തും അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.