ബാലുശ്ശേരി: സി.പി.എം ഏരിയ സമ്മേളനം 7, 8 തീയതികളിൽ കൂട്ടാലിട ടി.കെ. ശ്രീധരൻ നഗറിൽ നടക്കും. പതാകദിനമായ ഒന്നിന് ബ്രാഞ്ച് കേന്ദ്രങ്ങളിലും പാർട്ടി മെംബർമാരുടെ വീടുകളിലും പതാക ഉയർത്തും. സമ്മേളനത്തി‍ൻെറ അനുബന്ധപരിപാടികൾക്ക് തുടക്കമായി. ബുധനാഴ്ച വൈകീട്ട് ആറിന് കൂട്ടാലിടയിൽ അതുൽ നറുകരയുടെ നേതൃത്വത്തിൽ നാടൻപാട്ട് അരങ്ങേറും. ഒന്ന് മുതൽ ഏഴ് വരെ സെക്യുലർ യൂത്ത് ഫെസ്റ്റും പുസ്തകോത്സവവും കൂട്ടാലിടയിൽ നടക്കും. ഡി.വൈ.എഫ്.ഐ കേന്ദ്ര കമ്മിറ്റിയംഗം വി.കെ. സനോജ് ഉദ്ഘാടനം ചെയ്യും. വ്യാഴാഴ്ച അത്തോളിയിൽ യുവജന സംഗമം ഡി.വൈ.എഫ്.ഐ സംസ്ഥാന പ്രസിഡൻറ് എസ്. സതീഷും കൂരാച്ചുണ്ടിൽ പ്രവാസി സംഗമം കോഴിക്കോട് കോർപറേഷൻ ഡെപ്യൂട്ടി മേയർ സി.പി. മുസാഫർ അഹമ്മദും ഉദ്ഘാടനം ചെയ്യും. മൂന്നിന് 'കപട ദേശീയത നായാട്ടിനിറങ്ങുമ്പോൾ' വിഷയത്തിൽ പി.കെ. പ്രേംനാഥ് പ്രഭാഷണം നടത്തും. നാലിന് ട്രേഡ് യൂനിയൻ സംഗമവും പ്രഭാഷണവും 5, 6 തീയതികളിൽ പനങ്ങാട് നോർത്തിൽ വോളിബാൾ ടൂർണമൻെറും അരങ്ങേറും. ആറിന് കൂട്ടാലിടയിൽ മഹിള സംഗമത്തിൽ സി.എസ്. സുജാത, കാനത്തിൽ ജമീല എം.എൽ.എ, കെ.കെ. ലതിക, രഹന സബീന എന്നിവർ സംബന്ധിക്കും. 'വർഗീയ ഫാഷിസ്റ്റ് ഭീകരതയുടെ ഏഴ് വർഷങ്ങൾ 'വിഷയത്തിൽ എം. ഗിരീഷ് സംസാരിക്കും. ഏഴിന് അലോഷിയുടെ ഗസൽ. ടി.പി. രാമകൃഷ്ണൻ എം.എൽ.എ , മന്ത്രി പി.എ. മുഹമ്മദ് റിയാസ്, എ. പ്രദീപ്കുമാർ എന്നിവർ ഏരിയ സമ്മേളനത്തിൽ സംബന്ധിക്കും. വാർത്ത സമ്മേളനത്തിൽ ഏരിയ സെക്രട്ടറി ഇസ്മായിൽ കുറുമ്പൊയിൽ, സി.എച്ച്. സുരേഷ്, ടി.കെ. സുമേഷ്, ടി. ഷാജു എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.