ബാലുശ്ശേരി: സെക്രട്ടേറിയറ്റിൽ ജോലിവാഗ്ദാനം നൽകി തട്ടിപ്പുനടത്തിയ കേസിൽ പിടിയിലായ തിരുവനന്തപുരം സ്വദേശിയായ യുവതിയെ റിമാൻഡ് ചെയ്തു. തിരുവനന്തപുരം വിളപ്പിൽശാല പൊലീസ് സ്റ്റേഷൻ പരിധിയിൽപെട്ട പ്രിയശ്രീയിൽ ശുഭ (40)യാണ് ബാലുശ്ശേരി കണ്ണങ്കോടുള്ള വീട്ടിൽനിന്ന് വിളപ്പിൽശാല പൊലീസ് പിടികൂടിയത്. തിരുവനന്തപുരം സ്വദേശികളായ നിരവധിപേരുടെ പരാതിയിൽ പൊലീസ് അന്വേഷണം നടത്തിയിരുന്നു. ഇവർ രണ്ടു മാസമായി കണ്ണങ്കോടുള്ള ഷൗക്കത്തിന്റെ വീട്ടിൽ താമസിച്ചുവരുകയായിരുന്നു. നേരത്തെ ഇവർ കാട്ടാംവള്ളിയിലും താമസിച്ചതായി പൊലീസ് പറഞ്ഞു. ജോലിവാഗ്ദാനം നൽകി പലരേയും കബളിപ്പിച്ച് പണം വാങ്ങിയതായി അന്വേഷണത്തിൽ സൂചന ലഭിച്ചിരുന്നു. ബാലുശ്ശേരി പൊലീസ് വിളപ്പിൽശാല പൊലീസിനെ വിവരമറിയിച്ചതിനെ തുടർന്നാണ് തിങ്കളാഴ്ച ഇവരെ കസ്റ്റഡിയിൽ എടുത്തത്. ദുരൂഹസാഹചര്യത്തിൽ താമസിക്കുന്നവരെ പറ്റി അന്വേഷിക്കണമെന്നാവശ്യപ്പെട്ട് സി.പി.എം കണ്ണങ്കോട് ബ്രാഞ്ച് പൊലീസിൽ പരാതി നൽകിയിരുന്നു. ഇതേതുടർന്നാണ് അന്വേഷണം കണ്ണങ്കോട്ടെ താമസക്കാരിലേക്കും എത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.