വിരാജ്പേട്ട: കൊടഗിലെ വിവിധ ഭാഗങ്ങളിൽ മൂന്ന് വ്യത്യസ്ത അപകടങ്ങളിൽ മൂന്നുപേർ മരിച്ചു. പൊന്നംപേട്ടക്കടുത്ത ടി. ഷെട്ടിഗേരിയിൽ ഗുഡ്സ് ഓട്ടോ ഇടിച്ച് കാൽനടക്കാരൻ മരിച്ചു. താവളഗേരിയിലെ തോട്ടം തൊഴിലാളി കരിയ ആണ് (70) മരിച്ചത്. വീട്ടിലേക്കുള്ള സാധനങ്ങൾ വാങ്ങി മടങ്ങവേ പി. ഗണേഷിന്റെ ഗുഡ്സ് ഓട്ടോ ഇടിക്കുകയായിരുന്നു. സംഭവ സ്ഥലത്തുതന്നെ കരിയ മരിച്ചു. മൃതദേഹം കുട്ട പ്രൈമറി ഹെൽത്ത് സെന്ററിൽ ഇൻക്വസ്റ്റ് നടത്തി ബന്ധുക്കൾക്ക് വിട്ടുകൊടുത്തു. ശ്രീമംഗല പൊലീസ് കേസെടുത്തു. ഗോണിക്കൊപ്പക്കടുത്ത് നിർത്തിയിട്ട കാറിന് മറ്റൊരു കാർ വന്നിടിച്ച് വീട്ടമ്മ മരിച്ചു. ബെക്കെസൊഡുളൂരിലെ എസ്.എം. ബോജമ്മ ആണ് (62) മരിച്ചത്. ബന്ധുവീട്ടിലെ പരിപാടിയിൽ പങ്കെടുത്ത് മടങ്ങവേ ബോജമ്മയുടെ കാർ ഗോണിക്കൊപ്പ ടൗണിൽ നിർത്തിയിട്ടതായിരുന്നു. നിയന്ത്രണംവിട്ട മറ്റൊരു കാർ വന്നിടിക്കുകയായിരുന്നു. ബോജമ്മ സംഭവ സ്ഥലത്തുതന്നെ മരിച്ചു. ഗോണിക്കൊപ്പ പൊലീസ് കേസെടുത്തു. കുശാൽനഗറിടുത്ത കൂടിഗെയിൽ ട്രാക്ടർ മറിഞ്ഞ് കോളജ് വിദ്യാർഥി മരിച്ചു. കൂടിഗെ ഭുവനഗിരിയിലെ നാഗരാജ് - ദമയന്തി ദമ്പതികളുടെ മകൻ കുശാൽ നഗർ ഫസ്റ്റ് ഗ്രേഡ് കോളജ് വിദ്യാർഥി ശിവരാജു ആണ് (21) മരിച്ചത്. അയൽവാസിയുടെ നിർത്തിയിട്ട ട്രാക്ടറിൽ കയറി ചലിപ്പിക്കുന്നതിനിടെ ട്രാക്ടർ മറിഞ്ഞാണ് അപകടമുണ്ടായത്. കുശാൽ നഗർ റൂറൽ പൊലീസ് കേസെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.