വൈത്തിരി: ലക്കിടിയിൽ വയനാട് ജില്ലയിലേക്കുള്ള പ്രവേശന കവാടത്തിന് സമീപം കണ്ടെയ്നർ ലോറിയിടിച്ച് ബൈക്ക് യാത്രക്കാരൻ മരിച്ചു. കൽപറ്റ ഗൂഡലായിക്കുന്ന് തയ്യിൽ ഹൗസിൽ അബ്ദുൽ മജീദിന്‍റെ മകൻ മുഹമ്മദ് ഹർഷൽ (19) ആണ് മരിച്ചത്. അടിവാരത്തുനിന്ന് കൽപറ്റയിലേക്കു വരുകയായിരുന്ന ബൈക്കും കോഴിക്കോട് ഭാഗത്തേക്കു പോവുന്ന ലോറിയുമാണ് അപകടത്തിൽപെട്ടത്. ബൈക്കിൽ ഇടിച്ച ലോറി നിർത്താതെ പോയി. പിന്നീട് താമരശ്ശേരിയിൽ വെച്ച് ലോറി പൊലീസ് പിടികൂടിയതായി സൂചനയുണ്ട്. ചൊവ്വാഴ്ച രാത്രി എട്ടേകാലോടെയാണ് അപകടം. ബൈക്കിലിടിച്ചതിനെ തുടർന്ന് റോഡിലേക്ക് തെറിച്ചുവീണ ഹർഷലിന്‍റെ ശരീരത്തിലൂടെ ലോറി കയറിയിറങ്ങുകയായിരുന്നു. സംഭവസ്ഥലത്തുതന്നെ മരിച്ചു. ബൈക്കിൽ കൂടെ യാത്രചെയ്തയാളെ നിസ്സാര പരിക്കുകളോടെ കൽപറ്റയിലെ സ്വകാര്യ ആശുപത്രിയിൽ പ്രവേശിപ്പിച്ചു. വൈത്തിരി താലൂക്ക് ആശുപത്രിയിൽ എത്തിച്ച മൃതദേഹം പിന്നീട് സുൽത്താൻ ബത്തേരി താലൂക്ക് ആശുപത്രിയിലേക്ക് മാറ്റി. നസീമയാണ് മാതാവ്. സഹോദരങ്ങൾ: ആഷിക്, മിൻഷ. TUEWDD7 Muhammed harshal
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.