കൊയിലാണ്ടി താലൂക്ക് ആശുപത്രി: താൽക്കാലിക സൂപ്രണ്ടും അവധിയിൽ

കൊ​യി​ലാ​ണ്ടി: ആ​വ​ശ്യ​ത്തി​ന് ഡോ​ക്ട​ർ​മാ​രും ജീ​വ​ന​ക്കാ​രി​ല്ലാ​തെ പ്ര​യാ​സ​മ​നു​ഭ​വി​ക്കു​ന്ന താ​ലൂ​ക്ക് ഹെ​ഡ്ക്വാ​ർ​ട്ടേ​ഴ്സ് ആ​ശു​പ​ത്രി​യി​ലെ താ​ൽ​കാ​ലി​ക സൂ​പ്ര​ണ്ടും അ​വ​ധി​യി​ൽ. ഇ​തോ​ടെ ആ​ശു​പ​ത്രി പ്ര​വ​ർ​ത്ത​നം കൂ​ടു​ത​ൽ താ​ളം തെ​റ്റും. ഒ​രു വ​ർ​ഷ​മാ​യി സൂ​പ്ര​ണ്ട് പ​ദ​വി ഒ​ഴി​ഞ്ഞു​കി​ട​ക്കു​ക​യാ​ണ്. ഗൈ​ന​ക്കോ​ള​ജി വി​ഭാ​ഗ​ത്തി​ലെ ഡോ​ക്ട​ർ​ക്ക് താ​ൽ​കാ​ലി​ക ചു​മ​ത​ല ന​ൽ​കു​ക​യാ​യി​രു​ന്നു. അ​വ​ർ ഒ​രു മാ​സ​ത്തേ​ക്ക് അ​വ​ധി​യി​ൽ പ്ര​വേ​ശി​ച്ചു. നേ​ര​ത്തെ​യു​ണ്ടാ​യി​രു​ന്ന സൂ​പ്ര​ണ്ട് കാ​സ​ർ​ക്കോ​ട്ടേ​ക്ക് 2021 ജൂ​ലൈ​യി​ൽ സ്ഥ​ലം മാ​റി പോ​വു​ക​യാ​യി​രു​ന്നു. ഗൈ​ന​ക്കോ​ള​ജി വി​ഭാ​ഗം ഡോ​ക്ട​ർ​ക്ക് അ​ധി​ക​ചു​മ​ത​ല ന​ൽ​കി​യ​തും പ്ര​യാ​സം സൃ​ഷ്ടി​ച്ചി​രു​ന്നു. അ​ഞ്ചു ഡോ​ക്ട​റെ​ങ്കി​ലും വേ​ണ്ടി​ട​ത്ത് ഒ​രു ഡോ​ക്ട​റു​ടെ സേ​വ​നം മാ​ത്ര​മാ​ണ് പൂ​ർ​ണ​മാ​യും ല​ഭി​ക്കു​ന്ന​ത്. ഇ​തോ​ടെ ക​ഴി​ഞ്ഞ ഒ​ക്ടോ​ബ​റി​ൽ കൊ​ട്ടി​ഘോ​ഷി​ച്ച് ആ​രോ​ഗ്യ മ​ന്ത്രി ഉ​ദ്ഘാ​ട​നം ചെ​യ്ത ''ല​ക്ഷ്യ'' പ​ദ്ധ​തി അ​വ​താ​ള​ത്തി​ലാ​യി​രു​ന്നു. വി​ര​ലി​ലെ​ണ്ണാ​വു​ന്ന പ്ര​സ​വം മാ​ത്ര​മാ​ണ് ഇ​വി​ടെ ന​ട​ന്ന​ത്. ഡോ​ക്ട​ർ​മാ​രു​ടെ എ​ണ്ണ​ക്കു​റ​വ് സ്പെ​ഷ​ലി​സ്റ്റ് വി​ഭാ​ഗ​ത്തെ​യും സാ​ര​മാ​യി ബാ​ധി​ച്ചു. വെ​ള്ളി​യാ​ഴ്ച സ്പെ​ഷ​ലി​സ്റ്റ് വി​ഭാ​ഗം ഡോ​ക്ട​ർ​മാ​ർ​ക്ക് ജ​ന​റ​ൽ ഒ.​പി​യി​ൽ ജോ​ലി ചെ​യ്യേ​ണ്ടി വ​ന്നു. ഇ​തു കാ​ര​ണം മെ​ഡി​സി​ൻ, ഇ.​എ​ൻ.​ടി, ശ​സ്ത്ര​ക്രി​യ, ശി​ശു രോ​ഗം, സ്ത്രീ ​രോ​ഗം, ച​ർ​മ​രോ​ഗം, അ​സ്ഥി​രോ​ഗം, നേ​ത്ര​രോ​ഗം എ​ന്നീ വി​ഭാ​ഗ​ങ്ങ​ൾ പ്ര​വ​ർ​ത്തി​ച്ചി​ല്ല. ജ​ന​റ​ൽ ഒ.​പി, ദ​ന്ത വി​ഭാ​ഗം എ​ന്നി​വ മാ​ത്ര​മാ​ണ് ഉ​ണ്ടാ​യ​ത്. പ​രി​ശോ​ധ​ന​ക്കെ​ത്തു​ന്ന രോ​ഗി​ക​ൾ​ക്ക് മ​ണി​ക്കൂ​റു​ക​ളോ​ളം കാ​ത്തി​രി​ക്കേ​ണ്ട അ​വ​സ്ഥ​യാ​ണ്.

ഫാ​ർ​മ​സി​യി​ൽ ഉ​ൾ​പ്പെ​ടെ വ​ൻ തി​ര​ക്കാ​യി​രു​ന്നു. കോ​വി​ഡ് മാ​ന​ദ​ണ്ഡ​ങ്ങ​ളൊ​ന്നും പ​ല​പ്പോ​ഴും പാ​ലി​ക്കാ​ൻ ക​ഴി​യാ​റി​ല്ല. അ​വ​ഗ​ണ​ന​ക്ക് എ​ന്നു പ​രി​ഹാ​രം കാ​ണു​മെ​ന്ന ആ​ശ​ങ്ക​യി​ലാ​ണ് നാ​ട്ടു​കാ​ർ. പ്ര​തി​ദി​നം ര​ണ്ടാ​യി​ര​ത്തോ​ളം പേ​ർ ആ​ശ്ര​യി​ക്കു​ന്ന ആ​തു​രാ​ല​യ​മാ​ണി​ത്.