കുന്ദമംഗലം: കാരന്തൂരിൽ കഴിഞ്ഞ ദിവസം സ്ത്രീയുടെ ബാഗ് തട്ടിപ്പറിച്ച് ബൈക്കിൽ കടന്നു കളഞ്ഞ മോഷ്ടാവ് പൊലീസ് പിടിയിലായി. സമാനമായ നിരവധി കേസുകളിൽ പ്രതിയായ പതിമംഗലം സ്വദേശി അബ്ദുൽ ജബ്ബാർ (24) ആണ് ചൊവ്വാഴ്ച രാത്രി കൊടുവള്ളി പൊലീസിെൻറ പിടിയിലായത്. ബൈക്കിൽ എത്തി സ്ത്രീകളുടെ വാനിറ്റി ബാഗും ആഭരണങ്ങളും പിടിച്ച് പറിച്ച് കടന്ന് കളയുന്നതാണ് ഇയാളുടെ രീതി.
കൊടുവള്ളിയിലും കുമ്മങ്കോട്ടും ഇയാൾ ഇതേ രീതിയിൽ പിടിച്ചുപറി നടത്തിയിരുന്നു. പൊലീസിെൻറ തന്ത്രപരമായ ഇടപെടൽ പ്രതിക്ക് കെണിയൊരുക്കുകയായിരുന്നു. പിടിച്ചുപറി നടന്നിടത്തും പരിസരത്തുമുള്ള സി.സി.ടി.വി പരിശോധിച്ച് മോഷ്ടാവ് ബൈക്ക് ഓടിച്ചുപോവുന്ന ദൃശ്യം സമൂഹമാധ്യമങ്ങൾ വഴി വ്യാപകമായി പ്രചരിപ്പിച്ചാണ് പ്രതിയെ കുടുക്കിയത്.
മോഷ്ടാവിെൻറ രൂപവും ബൈക്കും മനസ്സിലായതോടെ നാട്ടുകാരുടെ കണ്ണുവെട്ടിച്ച് യാത്ര അസാധ്യമായ പ്രതി കൊടുവള്ളി കരീറ്റിപറമ്പിലെ മലയിൽ അഭയം തേടുകയായിരുന്നു.
രാത്രി ഇവിടെനിന്ന് പുറത്തേക്ക് വരാൻ ശ്രമിക്കവെ നാട്ടുകാരും കൊടുവള്ളി പൊലീസും ചേർന്നാണ് പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.