യുവാവിനെ കുന്ദമംഗലത്തുനിന്ന് തട്ടിക്കൊണ്ടുപോയ സംഘം
കുന്ദമംഗലം: യുവാവിനെ തട്ടിക്കൊണ്ടുപോയ സംഘം പിടിയിൽ. കഴിഞ്ഞ ദിവസം രാത്രിയിലാണ് പറമ്പിൽ ബസാർ സ്വദേശിയായ ഹർഷാദ് അലി എന്ന യുവാവിനെ ഒരു സംഘം കുന്ദമംഗലം കാരന്തൂരിൽ നിന്ന് തട്ടിക്കൊണ്ടുപോയത്. അന്നു രാത്രി തന്നെ സംഘത്തെ കുന്ദമംഗലം പൊലീസ് മലപ്പുറം കാളികാവ് വെച്ച് അറസ്റ്റ് ചെയ്യുകയായിരുന്നു. പാംപേഴ്സ് ഡീലേഴ്സ് തമ്മിലുള്ള സാമ്പത്തിക ഇടപാടുകളുടെ തുടർച്ചയായാണ് യുവാവിനെ തട്ടിക്കൊണ്ടുപോയത്.
പണം ലഭിക്കാത്തതിനെ തുടർന്നാണ് ഈ സംഘം യുവാവിനെ തട്ടിക്കൊണ്ടുപോയത്. ജസീം താങ്ങുദാർ(24), സുഹൈൽ(29) വണ്ടൂർ, മുഹമ്മദ് മുർഷിദ്(29) വണ്ടൂർ, ഫിറോസ് വണ്ടൂർ (31), അബ്ദുൽ ജലീൽ വണ്ടൂർ(30) എന്നിവരെയാണ് മെഡിക്കൽ കോളജ് അസി. കമീഷണർ കെ. സുദർശന്റെ നേതൃത്വത്തിൽ കുന്ദമംഗലം എസ്.എച്ച്.ഒ യുസഫ് നടുത്തറമ്മൽ, എസ്.ഐ മുഹമ്മദ് അഷറഫ് എന്നിവരുടെ സംഘം പിടികൂടിയത്. അറസ്റ്റ് ചെയ്ത സംഘത്തെ റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.