നീതി ലഭിക്കാതെ മടക്കമില്ല; അതിജീവിത വീണ്ടും കമീഷണർ ഓഫിസിനു മുന്നിൽ

കോ​ഴി​ക്കോ​ട്: മൂ​ന്നു​ ദി​വ​സ​ത്തി​ന​കം മ​റു​പ​ടി ന​ൽ​കു​മെ​ന്ന ഐ.​ജി​യു​ടെ ഉ​റ​പ്പും പാ​ഴ്വാ​ക്കാ​യ​തോ​ടെ മെ​ഡി. കോ​ള​ജ് ഐ.​സി.​യു പീ​ഡ​ന​ക്കേ​സി​ലെ അ​തി​ജീ​വി​ത സി​റ്റി പൊ​ലീ​സ് ക​മീ​ഷ​ണ​റു​ടെ ഓ​ഫി​സി​ന് മു​ന്നി​ലെ കു​ത്തി​യി​രി​പ്പ് സ​മ​രം പു​ന​രാ​രം​ഭി​ച്ചു. അ​തേ​സ​മ​യം, വി​ചാ​ര​ണ ന​ട​ക്കു​ന്ന കേ​സി​ന്റെ വി​വ​ര​ങ്ങ​ൾ ഉ​ൾ​പ്പെ​ടു​ത്തി​യു​ള്ള റി​പ്പോ​ർ​ട്ട് ന​ൽ​കു​ന്ന​തി​ൽ സാ​ങ്കേ​തി​ക ത​ട​സ്സ​ങ്ങ​ളു​ണ്ടെ​ന്നും ഇ​ക്കാ​ര്യ​ത്തി​ൽ കൂ​ടു​ത​ൽ നി​യ​മോ​പ​ദേ​ശം തേ​ടേ​ണ്ട​തു​ണ്ടെ​ന്നും ഉ​ത്ത​ര​മേ​ഖ​ല ഐ.​ജി കെ. ​സേ​തു​രാ​മ​ൻ വ്യ​ക്ത​മാ​ക്കി. രാ​വി​ലെ സി​റ്റി പൊ​ലീ​സ് ക​മീ​ഷ​ണ​റു​ടെ ഓ​ഫി​സി​ന് മു​ന്നി​ൽ സ​മ​ര​മി​രി​ക്കു​ന്ന അ​തി​ജീ​വി​ത ഉ​ച്ച​യോ​ടെ​യാ​ണ് ഐ.​ജി​യെ നേ​രി​ൽ ക​ണ്ട​ത്.

റി​പ്പോ​ർ​ട്ട് ല​ഭി​ക്കാ​ൻ നി​യ​മോ​പ​ദേ​ശം തേ​ടി​യി​ട്ടു​ണ്ടെ​ന്ന് അ​ദ്ദേ​ഹം അ​റി​യി​ച്ച​താ​യി അ​തി​ജീ​വി​ത പ​റ​ഞ്ഞു. സ​മ​ര​ത്തി​നി​ടെ പ​രാ​തി​യു​ടെ ഫ​യ​ൽ ന​മ്പ​ർ അ​ന്വേ​ഷി​ക്കാ​ൻ പോ​യ​പ്പോ​ൾ പൊ​ലീ​സ് ത​ട​ഞ്ഞ​തി​ൽ ക​മീ​ഷ​ണ​റോ​ട് റി​പ്പോ​ർ​ട്ട് തേ​ടു​മെ​ന്നും അ​ദ്ദേ​ഹം ഉ​റ​പ്പ് ന​ൽ​കി​യ​താ​യും അ​തി​ജീ​വി​ത കൂ​ട്ടി​ച്ചേ​ർ​ത്തു. ഐ.​ജി​യെ മെ​ഡി​ക്ക​ൽ കോ​ള​ജ് എ.​സി.​പി അ​ട​ക്ക​മു​ള്ള കീ​ഴ്ഉ​ദ്യോ​ഗ​സ്ഥ​ർ തെ​റ്റി​ദ്ധ​രി​പ്പി​ക്കു​ക​യാ​ണെ​ന്നും അ​തി​ജീ​വി​ത ആ​രോ​പി​ച്ചു. സ​മ​രം ചൊ​വ്വാ​ഴ്ച​യും തു​ട​രും. ഒ​രാ​ഴ്ച പി​ന്നി​ട്ട സ​മ​രം മൂ​ന്ന് ദി​വ​സ​ത്തി​ന​കം റി​പ്പോ​ർ​ട്ട് ന​ൽ​കു​മെ​ന്ന ഐ.​ജി​യു​ടെ ഉ​റ​പ്പി​ൽ ക​ഴി​ഞ്ഞ 24ന് ​അ​വ​സാ​നി​പ്പി​ച്ചി​രു​ന്നു. ഐ.​ജി​യെ കാ​ണാ​ൻ അ​തി​ജീ​വി​ത​ക്കൊ​പ്പം നൗ​ഷാ​ദ് തെ​ക്ക​യി​ൽ, ആ​ന​ന്ദ​ക​ന​കം, ച​ന്ദ്രി​ക കൊ​യി​ലാ​ണ്ടി എ​ന്നി​വ​രു​മു​ണ്ടാ​യി​രു​ന്നു. സാ​മൂ​ഹി​ക പ്ര​വ​ർ​ത്ത​ക ശി​ഖ, വി​മ​ൻ ജ​സ്റ്റി​സ് സ്റ്റേ​റ്റ് ജ​ന​റ​ൽ സെ​ക്ര​ട്ട​റി ച​ന്ദ്രി​ക കൊ​യി​ലാ​ണ്ടി, സം​സ്ഥാ​ന സ​മി​തി അം​ഗം സു​ഫീ​റ എ​ര​മം​ഗ​ലം, ജി​ല്ല ക​മ്മി​റ്റി അം​ഗ​ങ്ങ​ളാ​യ അ​നു​പ​മ പൊ​റ്റ​ശ്ശേ​രി, ഷ​മീ​ന ന​ല്ല​ളം എ​ന്നി​വ​ർ പി​ന്തു​ണ അ​റി​യി​ച്ച് സ​മ​ര​പ്പ​ന്ത​ലി​ലെ​ത്തി.

മെ​ഡി​ക്ക​ൽ കോ​ള​ജ് ഐ.​സി.​യു​വി​ൽ പീ​ഡ​ന​ത്തി​നി​ര​യാ​യ ത​ന്റെ മൊ​ഴി ഡോ. ​കെ.​വി. പ്രീ​ത കൃ​ത്യ​മാ​യി രേ​ഖ​പ്പെ​ടു​ത്തി​യി​ല്ലെ​ന്നും ശാ​സ്ത്രീ​യ തെ​ളി​വു​ക​ൾ ശേ​ഖ​രി​ച്ചി​ല്ലെ​ന്നും കേ​സ് അ​ട്ടി​മ​റി​ക്കാ​ൻ ശ്ര​മി​ക്കു​ന്നു​വെ​ന്നും ആ​രോ​പി​ച്ചാ​ണ് അ​തി​ജീ​വി​ത പൊ​ലീ​സി​ൽ പ​രാ​തി ന​ൽ​കി​യ​ത്. എ​ന്നാ​ൽ, പ​രാ​തി​യി​ൽ ക​ഴ​മ്പി​ല്ലെ​ന്നാ​യി​രു​ന്നു മെ​ഡി. കോ​ള​ജ് എ.​സി.​പി കെ. ​സു​ദ​ർ​ശ​ൻ ക​മീ​ഷ​ണ​ർ​ക്ക് ന​ൽ​കി​യ റി​പ്പോ​ർ​ട്ട്. ഇ​തി​ന്റെ പ​ക​ർ​പ്പ് വി​വ​രാ​വ​കാ​ശ പ്ര​കാ​ര​മു​ൾ​പ്പെ​ടെ ആ​വ​ശ്യ​പ്പെ​ട്ടി​ട്ടും ല​ഭി​ക്കാ​ത്ത​തി​നെ തു​ട​ർ​ന്നാ​ണ് അ​തി​ജീ​വി​ത ആ​ദ്യ ഘ​ട്ട സ​മ​ര​ത്തി​ലേ​ക്ക് ക​ട​ന്ന​ത്. സം​ഭ​വ​വു​മാ​യി ബ​ന്ധ​പ്പെ​ട്ട് ക​ഴി​ഞ്ഞ 22നാ​ണ് അ​തി​ജീ​വി​ത​യു​ടെ പ​രാ​തി അ​ന്വേ​ഷി​ക്കാ​ൻ ഉ​ത്ത​ര​മേ​ഖ​ല ഐ.​ജി കെ. ​സേ​തു​രാ​മ​ന് മു​ഖ്യ​മ​ന്ത്രി​യു​ടെ ഓ​ഫി​സ് നി​ർ​ദേ​ശം ന​ൽ​കി​യ​ത്. സ​മ​ര​ത്തെ​ക്കു​റി​ച്ചും അ​ന്വേ​ഷ​ണ റി​പ്പോ​ർ​ട്ട് വൈ​കു​ന്ന​ത് സം​ബ​ന്ധി​ച്ചും അ​ന്വേ​ഷി​ച്ച് 15 ദി​വ​സ​ത്തി​ന​കം റി​പ്പോ​ർ​ട്ട് ന​ൽ​ക​ണ​മെ​ന്നും നി​ർ​ദേ​ശി​ച്ചി​രു​ന്നു.