ഇഴജന്തുക്കൾക്ക് രാപ്പാർക്കാനാണോ സാൻഡ് ബാങ്ക്സ്?

വ​ട​ക​ര: കോ​ടി​ക​ൾ ചെ​ല​വ​ഴി​ച്ച് മു​ഖം മി​നു​ക്കി​യെ​ന്ന് അ​വ​കാ​ശ​പ്പെ​ടു​ന്ന സാ​ൻ​ഡ് ബാ​ങ്ക്സ് വി​നോ​ദ​സ​ഞ്ചാ​ര കേ​ന്ദ്ര​ത്തി​ൽ വി​ദ്യാ​ർ​ഥി​നി​ക്ക് പാ​മ്പ് ക​ടി​യേ​റ്റ​ത് അ​ധി​കൃ​ത​രു​ടെ തി​ക​ഞ്ഞ അ​നാ​സ്ഥ. പു​ല്ലു മൂ​ടി​ക്കി​ട​ക്കു​ന്ന സാ​ൻ​ഡ് ബാ​ങ്ക്സ് ശു​ചീ​ക​രി​ക്കാ​നോ പ്ര​വൃ​ത്തി​യു​ടെ ഭാ​ഗ​മാ​യി നേ​ര​ത്തേ പൊ​ളി​ച്ചു​മാ​റ്റി​യ പൂ​ട്ടു​ക​ട്ട​ക​ൾ എ​ടു​ത്തു​മാ​റ്റാ​നോ അ​ധി​കൃ​ത​ർ​ക്ക് ക​ഴി​യാ​ത്ത​താ​ണ് സാ​ൻ​ഡ് ബാ​ങ്ക്സ് ഇ​ഴ​ജീ​വി​ക​ളു​ടെ താ​വ​ള​മാ​യി മാ​റാ​നി​ട​യാ​ക്കി​യ​ത്. ചൊ​വ്വാ​ഴ്ച വ​യ​നാ​ട്ടി​ൽ നി​ന്നെ​ത്തി​യ വി​നോ​ദ​യാ​ത്ര സം​ഘ​ത്തി​ലെ വി​ദ്യാ​ർ​ഥി​നി​യെ​യാ​ണ് സാ​ൻ​ഡ് ബാ​ങ്ക്സി​ൽ​വെ​ച്ച് ഉ​ഗ്ര​വി​ഷ​മു​ള്ള അ​ണ​ലി ക​ടി​ച്ച​ത്. സാ​ൻ​ഡ് ബാ​ങ്ക്സി​ന് ചു​റ്റു​പാ​ടു​ള്ള ഭാ​ഗ​ങ്ങ​ളും കാ​ടു​പി​ടി​ച്ച് കി​ട​ക്കു​ക​യാ​ണ്. പാ​മ്പു​ക​ൾ​ക്കു പു​റ​മെ മു​ള്ള​ൻ​പ​ന്നി, ഉ​ടു​മ്പ്, കാ​ട്ടു​പൂ​ച്ച തു​ട​ങ്ങി​യ ജീ​വി​ക​ളു​ടെ​യും വി​ഹാ​ര കേ​ന്ദ്ര​മാ​യി സാ​ൻ​ഡ് ബാ​ങ്ക്സ് മാ​റി​യി​ട്ടു​ണ്ട്.

കു​ട്ടി​യെ പാ​മ്പ് ക​ടി​ച്ച​തോ​ടെ ബു​ധ​നാ​ഴ്ച സാ​ൻ​ഡ് ബാ​ങ്ക്സി​ന​ക​ത്തെ പു​ല്ലു​ക​ൾ അ​ധി​കൃ​ത​ർ വെ​ട്ടി മാ​റ്റു​ക​യു​ണ്ടാ​യി. സാ​ൻ​ഡ് ബാ​ങ്ക്സ് പു​ല്ല് മൂ​ടി​യ​ത് സം​ബ​ന്ധി​ച്ച് മാ​ധ്യ​മം നേ​ര​ത്തേ വാ​ർ​ത്ത ന​ൽ​കി​യി​രു​ന്നു. പ​ഴ​യ സി​മ​ന്റ് ക​ട്ട​ക​ൾ സൂ​ക്ഷി​ച്ച ഭാ​ഗ​ത്തെ ഹൈ​മാ​സ്റ്റ് ലൈ​റ്റു​ക​ൾ ത​ക​ർ​ന്നു​കി​ട​ക്കു​ന്ന​ത് സ​ഞ്ചാ​രി​ക​ളു​ടെ ജീ​വ​ന് ഭീ​ഷ​ണി​യാ​ണ്. സാ​ൻ​ഡ് ബാ​ങ്ക്സി​ലെ സ​ന്ദ​ർ​ശ​ന സ​മ​യം ക​ഴി​ഞ്ഞു പു​റ​ത്തി​റ​ങ്ങു​ന്ന​വ​ർ കാ​ത്ത് നി​ൽ​ക്കു​ക ഇ​വി​ടെ​യാ​ണ്. ഈ ​ഭാ​ഗ​ത്ത് രാ​ത്രി​യാ​കു​ന്ന​തോ​ടെ വെ​ളി​ച്ച​മി​ല്ല. പ​ഴ​യ സി​മ​ന്റ് ക​ട്ട​ക​ൾ​ക്കി​ട​യി​ലാ​ണ് പ​ല​പ്പോ​ഴാ​യും പാ​മ്പു​ക​ളെ ക​ണ്ടു​വ​രു​ന്ന​തെ​ന്ന് സ​മീ​പ​വാ​സി​ക​ൾ പ​റ​യു​ന്നു. സാ​ൻ​ഡ് ബാ​ങ്ക്സി​ന്റെ അ​ഴി​മു​ഖ​ത്തോ​ട് ചേ​ർ​ന്നു സ്ഥാ​പി​ച്ച ഹൈ​മാ​സ്റ്റ് ലൈ​റ്റും ക​ത്തു​ന്നി​ല്ല.

മ​ത്സ്യ​ബ​ന്ധ​ന തൊ​ഴി​ലാ​ളി​ക​ൾ​ക്ക​ട​ക്കം ഏ​റെ ഉ​പ​കാ​ര​പ്ര​ദ​മാ​യി​രു​ന്നു ഹൈ​മാ​സ്റ്റ് ലൈ​റ്റ്. പാ​ർ​ക്കി​ന​ക​ത്തെ വെ​ളി​ച്ച​ക്കു​റ​വും പ്ര​ശ്ന​ങ്ങ​ൾ​ക്കി​ട​യാ​ക്കു​ന്നു​ണ്ട്. ഒ​രേ​ക്ക​റി​ല​ധി​കം വ്യാ​പി​ച്ചു​കി​ട​ക്കു​ന്ന സാ​ൻ​ഡ് ബാ​ങ്ക്സി​ൽ ര​ണ്ടു ശു​ചീ​ക​ര​ണ തൊ​ഴി​ലാ​ളി​ക​ളാ​ണു​ള്ള​ത്. ഇ​ത്ര​യും വ​ലി​യ സ്ഥ​ല​ത്ത് ഒ​രു​മി​ച്ച് ശു​ചീ​ക​രി​ക്കാ​ൻ തൊ​ഴി​ലാ​ളി​ക​ൾ​ക്ക് ക​ഴി​യാ​ത്ത അ​വ​സ്ഥ​യു​മു​ണ്ട്. ക​ട​ലോ​ര ശു​ചീ​ക​ര​ണം നേ​ര​ത്തേ മു​നി​സി​പ്പാ​ലി​റ്റി​യു​ടെ നേ​തൃ​ത്വ​ത്തി​ൽ ഇ​ട​ക്ക് ന​ട​ക്കാ​റു​ണ്ടാ​യി​രു​ന്നു. നി​ല​വി​ൽ മു​ട​ങ്ങി​ക്കി​ട​ക്കു​ന്ന​ത് ക​ട​ലോ​രം മ​ലി​ന​മാ​കാ​നി​ട​യാ​ക്കി​യി​ട്ടു​ണ്ട്. ഡി.​ടി.​പി.​സി​യു​ടെ കെ​ടു​കാ​ര്യ​സ്ഥ​ത​യി​ൽ പ്ര​കൃ​തി ക​നി​ഞ്ഞ​രു​ളി​യ മ​നോ​ഹ​ര തീ​ര​ത്തോ​ട് സ​ഞ്ചാ​രി​ക​ൾ​ക്ക് മു​ഖം​തി​രി​ക്കേ​ണ്ട അ​വ​സ്ഥ​യാ​ണ്.