കാളകളെ മോഷ്ടിച്ചതായി പരാതി

എരുമപ്പെട്ടി: തൊഴുത്തിൽ കെട്ടിയിട്ട . പഴവൂർ പുത്തൻപീടികയിൽ മുഹമ്മദാലിയുടെ രണ്ട് കാളകളാണ് മോഷണം പോയത്. ഒഴിഞ്ഞ പറമ്പിലെ തൊഴുത്തിലായിരുന്നു ഇവയെ കെട്ടിയിട്ടിരുന്നത്. വെള്ളിയാഴ്ച പുലർച്ച തീറ്റകൊടുക്കാൻ ചെന്നപ്പോഴാണ് സംഭവമറിയുന്നത്​. പറമ്പിലെ ഗേ​റ്റ്​ പൂട്ടിയിരുന്നില്ല. ഇവക്ക്​ 1,20,000 രൂപ വിലവരുമെന്ന് മുഹമ്മദലി പറയുന്നു. എരുമപ്പെട്ടി പൊലീസിൽ പരാതി നൽകി. മേഖലയിലെ വീടുകളിൽനിന്ന് മൃഗങ്ങളെ മോഷ്ടിച്ച് കൊണ്ടുപോകുന്നത് പതിവായിട്ടുണ്ട്​. ദിവസങ്ങൾക്ക് മുമ്പ് കടങ്ങോട് തെക്ക്മുറിയിൽ വയോധികയെ കബളിപ്പിച്ച് മൂന്ന് ആടുകളെ മോഷണ സംഘം കൊണ്ടുപോയിരുന്നു.