മലപ്പുറം: ലോക്സഭ തെരഞ്ഞെടുപ്പിനുള്ള അന്തിമ വോട്ടര്‍പട്ടിക പ്രസിദ്ധീകരിച്ചപ്പോള്‍ ജില്ലയില്‍നിന്ന് പട്ടികയില്‍ ഇടംപിടിച്ചത് 33,93,884 പേര്‍. ഇതില്‍ 16,96,709 പുരുഷന്മാരും 16,97,132 സ്ത്രീ വോട്ടര്‍മാരും 43 മൂന്നാം ലിംഗക്കാരുമാണുള്ളത്. ഏപ്രില്‍ നാലിനാണ് അന്തിമ വോട്ടര്‍ പട്ടിക പ്രസിദ്ധീകരിച്ചത്. 2,33,645 വോട്ടര്‍മാരുള്ള പൊന്നാനി ലോക്സഭ മണ്ഡലത്തില്‍ ഉള്‍പ്പെടുന്ന തിരൂർ നിയമസഭ മണ്ഡലത്തിലാണ് ഏറ്റവും കൂടുതല്‍ വോട്ടര്‍മാർ. ഏറ്റവും കുറവ് 1,84,363 വോട്ടര്‍മാരുള്ള വയനാട് മണ്ഡലത്തിലുൾപ്പെടുന്ന ഏറനാട് നിയമസഭ മണ്ഡലത്തിലാണ്.
കന്നി വോട്ടര്‍മാരായി 82,286 പേരും പട്ടികയിലുണ്ട്. പാലക്കാട് ജില്ലയിലുള്‍പ്പെടുന്ന തൃത്താല നിയമസഭ മണ്ഡലം അടക്കം പൊന്നാനി ലോക്സഭ മണ്ഡലത്തില്‍ 14,70,804 പേരും മലപ്പുറം ലോക്സഭ മണ്ഡലത്തില്‍ 14,79,921 പേരുമാണ് വോട്ടര്‍മാര്‍.
കന്നി വോട്ടര്‍മാരായി 82,286 പേരാണ് ജില്ലയിലുള്ളത്. ഇതില്‍ 45,966 പുരുഷ വോട്ടര്‍മാരും 36,316 സ്ത്രീ വോട്ടര്‍മാരും നാല് മൂന്നാം ലിംഗക്കാരും ഉള്‍പ്പെടുന്നു. 6404 പേരുള്ള മലപ്പുറം നിയമസഭ മണ്ഡലത്തിലാണ് ഏറ്റവും കൂടുതല്‍ കന്നി വോട്ടര്‍മാര്‍. ഏറ്റവും കുറവ് 3726 പേരുള്ള വേങ്ങര നിയോജക മണ്ഡലത്തിലാണ്.
ജില്ലയില്‍നിന്ന് നൂറു വയസ്സിന് മുകളിലുള്ള 281 പേര്‍ പട്ടികയില്‍ ഇടം പിടിച്ചു. ഇതില്‍ 90 പേർ പുരുഷന്മാരും 191 പേര്‍ സ്ത്രീകളുമാണ്. വണ്ടൂർ നിയമസഭ മണ്ഡലത്തിലാണ് നൂറിന് മേല്‍ പ്രായമുള്ളവരില്‍ കൂടുതലും. 28 പേരാണ് ഇവിടെ 100 വയസ്സിനു മുകളിലുള്ളവരായുള്ളത്. ഒരു വോട്ടര്‍ മാത്രമുള്ള താനൂരിലാണ് ഏറ്റവും കുറവ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.