പുറപ്പാടെഴുന്നള്ളത്തോടെ തിരുമാന്ധാംകുന്നിൽ പൂരാഘോഷത്തിന് തുടക്കം

അ​ങ്ങാ​ടി​പ്പു​റം: 11 ദി​വ​സം നീ​ളു​ന്ന അ​ങ്ങാ​ടി​പ്പു​റം തി​രു​മാ​ന്ധാം​കു​ന്ന് പൂ​രാ​ഘോ​ഷ​ത്തി​ന് പു​റ​പ്പാ​ടെ​ഴു​ന്ന​ള്ള​ത്തോ​ടെ തു​ട​ക്ക​മാ​യി. ആ​ദ്യ​ദി​വ​സ​ത്തെ ര​ണ്ട് എ​ഴു​ന്ന​ള്ള​ത്തി​നും ഭ​ക്ത​രു​ടെ വ​ലി​യ തി​ര​ക്ക​നു​ഭ​വ​പ്പെ​ട്ടു. 2020ലും 2021​ലും ഭ​ക്ത​രു​ടെ സാ​ന്നി​ധ്യ​മി​ല്ലാ​തെ നി​യ​ന്ത്ര​ണ​ങ്ങ​ളോ​ടെ​യാ​ണ്​ ഉ​ത്സ​വം ന​ട​ത്തി​യ​ത്​ എ​ന്ന​തി​നാ​ൽ ഇ​ത്ത​വ​ണ കാ​ത്തി​രി​പ്പി​നൊ​ടു​വി​ൽ എ​ത്തി​യ പൂ​ര​മെ​ന്ന സ​വി​ശേ​ഷ​ത കൂ​ടി​യു​ണ്ടാ​യി​രു​ന്നു.

രാ​വി​ലെ പ​ത്തി​നും രാ​ത്രി 8.30നും ​വ​ട​ക്കേ ന​ട​യി​റ​ങ്ങി ന​ട​ന്ന ആ​റാ​ട്ടെ​ഴു​ന്ന​ള്ള​ത്തി​ന് നി​ര​വ​ധി ഭ​ക്ത​ർ സാ​ക്ഷി​ക​ളാ​യി. ഗു​രു​വാ​യൂ​ർ ദേ​വ​സ്വ​ത്തി​ന്‍റെ ജൂ​നി​യ​ർ മാ​ധ​വ​ൻ, ജൂ​നി​യ​ർ വി​ഷ്ണു, ഗോ​പീ​കൃ​ഷ്ണ​ൻ എ​ന്നീ ഗ​ജ​വീ​ര​ന്മാ​ർ അ​ണി​നി​ര​ന്നു. ഭ​ഗ​വ​തി​യു​ടെ തി​ട​മ്പേ​റ്റി​യ​ത് ജൂ​നി​യ​ർ മാ​ധ​വ​നാ​ണ്. കോ​മ​ര​ങ്ങ​ളാ​യ എ​ട​പ്പ​റ്റ ഗോ​വി​ന്ദ​ൻ നാ​യ​ർ, മ​ക​ൻ ഗോ​വി​ന്ദ​ൻ​കു​ട്ടി, എ​ര​വി​മം​ഗ​ലം ശ്രീ​ധ​ര​ൻ, കാ​പ്പ് നാ​രാ​യ​ണ​ൻ​കു​ട്ടി എ​ന്നി​വ​രും എ​ഴു​ന്ന​ള്ള​ത്തി​ന് അ​ക​മ്പ​ടി​യാ​യി. ദേ​വ​സ്വം മാ​നേ​ജ​ർ സി.​സി. ദി​നേ​ശ്, അ​സി​സ്റ്റ​ൻ​റ് മാ​നേ​ജ​ർ എ.​എം. ശി​വ​പ്ര​സാ​ദ്, കാ​വു​ട നാ​യ​ർ കേ​ശ​വ​ൻ​കു​ട്ടി മേ​നോ​ൻ, അ​ടി​ക​ൾ, ക്ഷേ​ത്ര ജീ​വ​ന​ക്കാ​ർ എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു എ​ഴു​ന്ന​ള്ള​ത്ത്. ത​ന്ത്രി പ​ന്ത​ല​ക്കോ​ട​ത്ത് നാ​രാ​യ​ണ​ൻ മ്പൂ​തി​രി​യു​ടെ നേ​തൃ​ത്വ​ത്തി​ലാ​യി​രു​ന്നു പു​റ​പ്പാ​ട് പൂ​ജ.

പൂ​രം പു​റ​പ്പാ​ട് ച​ട​ങ്ങു​ക​ൾ രാ​വി​ലെ എ​ട്ടി​ന് ന​ങ്ങ്യാ​ർ​കൂ​ത്തോ​ടെ​യാ​ണ് ആ​രം​ഭി​ച്ച​ത്. കൂ​ത്തു​പു​റ​പ്പാ​ടും പ​ന്തീ​ര​ടി​പൂ​ജ​ക്കും ശേ​ഷ​മാ​ണ് ആ​ദ്യ ആ​റാ​ട്ടി​നു​ള്ള എ​ഴു​ന്ന​ള്ള​ത്ത് ന​ട​ന്ന​ത്. 11ന് ​കൊ​ട്ടി​ക്ക​യ​റ്റ​ത്തി​ൽ ക​ല്ലൂ​ർ ഉ​ണ്ണി​കൃ​ഷ്ണ​ന്‍റെ പ്ര​മാ​ണ​ത്തി​ൽ പ​ഞ്ചാ​രി​മേ​ള​വും തു​ട​ർ​ന്ന് ഉ​ച്ച​പൂ​ജ​യും ശ്രീ​ഭൂ​ത​ബ​ലി​യും ന​ട​ന്നു. വൈ​കീ​ട്ട് നാ​ലി​ന് ക്ഷേ​ത്രാ​ങ്ക​ണ​ത്തി​ൽ ന​ട​ന്ന നാ​ദ​സ്വ​രം, പാ​ഠ​കം, ഏ​ഴി​ന് പോ​രൂ​ർ ഉ​ണ്ണി​കൃ​ഷ്ണ​നും ക​ല്ലൂ​ർ ഉ​ണ്ണി​കൃ​ഷ്ണ​നും ചേ​ർ​ന്നൊ​രു​ക്കി​യ ഡ​ബി​ൾ താ​യ​മ്പ​ക എ​ന്നി​വ ആ​സ്വ​ദി​ക്കാ​നും മേ​ള​പ്രേ​മി​ക​ളു​ടെ വ​ലി​യ തി​ര​ക്ക​നു​ഭ​വ​പ്പെ​ട്ടു. രാ​ത്രി 9.30ന് ​കൊ​ട്ടി​യി​റ​ക്ക​ത്തി​ൽ ആ​റാ​ട്ടു​ക​ട​വി​ൽ അ​ങ്ങാ​ടി​പ്പു​റം ഇ​ന്ദ്ര​ജി​ത്ത് ദേ​വ​ന്‍റെ താ​യ​മ്പ​ക​യും കൊ​ട്ടി​ക്ക​യ​റ്റ​ത്തി​ൽ ന​ട​ന്ന പാ​ണ്ടി​മേ​ള​വും ശ്ര​ദ്ധേ​യ​മാ​യി. തു​ട​ർ​ന്ന് അ​ത്താ​ഴ​പൂ​ജ, ശ്രീ​ഭൂ​ത​ബ​ലി, ക​ള​മ്പാ​ട്ട് എ​ന്നി​വ​യോ​ടെ പൂ​രം ഒ​ന്നാം നാ​ൾ സ​മാ​പി​ച്ചു.

തി​രു​മാ​ന്ധാ​കു​ന്നി​ൽ  ഇ​ന്ന്

• രാ​വി​ലെ 8.00 ന​ങ്ങ്യാ​ർ​കൂ​ത്ത്
• 8.30 പ​ന്തീ​ര​ടി​പൂ​ജ
• 9.30 കൊ​ട്ടി​യി​റ​ക്കം
• (മൂ​ന്നാം ആ​റാ​ട്ട്)
• 3.00 ചാ​ക്യാ​ർ​കൂ​ത്ത്
• വൈ​കീ​ട്ട്​ 4.00 ഓ​ട്ട​ന്തു​ള്ള​ൽ
• 5.00 നാ​ദ​സ്വ​രം, പാ​ഠ​കം
• 5.30 എ​റ​ണാ​കു​ളം ര​സി​ക അ​വ​ത​രി​പ്പി​ക്കു​ന്ന സം​ഗീ​ത സ​മ​ന്വ​യം
• രാ​ത്രി 8.30 താ​യ​മ്പ​ക, കേ​ളി,
• കൊ​മ്പ് പ​റ്റ്
• 9.30 കൊ​ട്ടി​യ​റ​ക്കം

പൂ​ര​ന​ഗ​രി പൂ​ർ​ണ​മാ​യും പൊ​ലീ​സ് നി​രീ​ക്ഷ​ണ​ത്തി​ൽ

അ​ങ്ങാ​ടി​പ്പു​റം: തി​രു​മാ​ന്ധാ​കു​ന്ന് ഭ​ഗ​വ​തി​ക്ഷേ​ത്ര​ത്തി​ൽ പൂ​ര​ന​ഗ​രി​യി​ൽ ജാ​ഗ്ര​ത​യോ​ടെ പൊ​ലീ​സും ആ​രോ​ഗ്യ​വി​ഭാ​ഗ​വും. പെ​രി​ന്ത​ൽ​മ​ണ്ണ സി.​ഐ സു​നി​ൽ പു​ളി​ക്ക​ലി​ന്‍റെ നേ​തൃ​ത്വ​ത്തി​ൽ 125 പൊ​ലീ​സു​കാ​രാ​ണ് ജ​ന​ക്കൂ​ട്ട​ത്തെ നി​യ​ന്ത്രി​ക്കാ​നു​ള്ള​ത്. ഇ​തി​ന്​ പു​റ​മെ മ​ഫ്ടി​യി​ൽ പൂ​ര​പ്പ​റ​മ്പി​ലും ക്ഷേ​ത്രാ​ങ്ക​ണ​ത്തി​ലും പൊ​ലീ​സു​കാ​രെ വി​ന്യ​സി​ച്ചി​ട്ടു​ണ്ട്. പൂ​ര​പ്പ​റ​മ്പി​ൽ പ്ര​ധാ​ന കേ​ന്ദ്ര​ങ്ങ​ളി​ൽ നി​രീ​ക്ഷ​ണ കാ​മ​റ​ക​ൾ സ്ഥാ​പി​ച്ചി​ട്ടു​ണ്ട്. ശ്രീ​ശൈ​ലം ഹാ​ളി​ന്​ മു​ന്നി​ലാ​ണ് പൊ​ലീ​സ് എ​യ്ഡ് പോ​സ്റ്റ്. മം​ഗ​ല്യ ഓ​ഡി​റ്റോ​റി​യ​ത്തി​ൽ ആ​രോ​ഗ്യ പ​രി​പാ​ല​ന​ത്തി​ന് ആ​രോ​ഗ്യ വ​കു​പ്പി​ന്‍റെ​യും ഇ.​എം.​എ​സ് ആ​ശു​പ​ത്രി​യു​ടെ​യും പ്ര​ത്യേ​ക സ്റ്റാ​ളു​ക​ളു​ണ്ട്.