ക്ല​ബി​ല​ല്ല, ഹൗ​സി​ലാ​ണ് ക​ളി​യാ​ര​വം

മ​ല​പ്പു​റം: ക്ല​ബി​ലി​രു​ന്ന് ടി.​വി​യി​ലും ബി​ഗ് സ്ക്രീ​നി​ലും ക​ളി ക​ണ്ടി​രു​ന്ന രാ​പ്പ​ക​ലു​ക​ൾ കോ​വി​ഡ് കാ​ല​ത്ത് ഓ​ർ​മ​മാ​ത്ര​മാ​ണ്. യൂ​റോ ക​പ്പി​ന് പ​ന്തു​രു​ണ്ടു തു​ട​ങ്ങി​യ​പ്പോ​ൾ വീ​ട്ടി​ലാ​ണെ​ല്ലാ​വ​രും. കൂ​ടെ ഇ​രു​ന്ന് ക​ളി കാ​ണു​ന്ന​ത് കൂ​ട്ടു​കാ​ര​ല്ല കു​ടും​ബാം​ഗ​ങ്ങ​ളാ​ണ്. ജി​ല്ല​യി​ലെ ചി​ല ഫു​ട്ബാ​ൾ കു​ടും​ബ​ങ്ങ​ളി​ലെ വീ​ട​ക​ക്കാ​ഴ്ച​ക​ൾ.

മ​മ്പാ​ട്ടെ ഫു​ട്ബാ​ൾ ത​റ​വാ​ട്ടി​ൽ

കേ​ര​ള മ​റ​ഡോ​ണ​യെ​ന്ന വി​ളി​പ്പേ​രു​ള്ള ആ​സി​ഫ് സ​ഹീ​റി​െൻറ​ത് ഫു​ട്ബാ​ൾ ത​റ​വാ​ടാ​ണ്. കു​ടും​ബ​ത്തി​ൽ ദേ​ശീ​യ താ​ര​ങ്ങ​ള​ട​ക്കം കു​റെ പ​ന്തു​ക​ളി​ക്കാ​രു​ണ്ട്. പ​രേ​ത​നാ​യ ത​ച്ച​ങ്ങോ​ട​ൻ മു​ഹ​മ്മ​ദ് എ​ന്ന വ​ലി​യ മാ​നു​ക്കോ​യ​യു​ടെ​യും അ​ല​വി​യു​ടെ​യും അ​ഞ്ച് ആ​ൺ​മ​ക്ക​ളും ജ​നി​ച്ചു​വീ​ണ​ത് മ​മ്പാ​ടി​െൻറ ക​ളി​മു​റ്റ​ത്തേ​ക്ക്.

ആ​സി​ഫി​ന് പു​റ​മെ സ​ഹോ​ദ​ര​ങ്ങ​ളാ​യ ഷ​ബീ​റ​ലി​യും ഷ​ഫീ​ഖ​ലി​യും ഹ​ബീ​ബ് റ​ഹ്മാ​നും കേ​ര​ള​ത്തി​െൻറ ജ​ഴ്സി​യ​ണി​ഞ്ഞു. മ​റ്റൊ​രു സ​ഹോ​ദ​ര​ൻ അ​ബ്​​ദു​ൽ ഗ​ഫൂ​റും താ​ര​മാ​യി​രു​ന്നു. ഒ​രേ കോ​മ്പൗ​ണ്ടി​ലാ​ണ് എ​ല്ലാ​വ​രു​ടെ​യും വീ​ട്. യൂ​റോ ക​പ്പി​ലെ മ​ത്സ​ര​ങ്ങ​ൾ കാ​ണാ​ൻ ഉ​മ്മ​ക്കൊ​പ്പം ആ​സി​ഫും ഷ​ബീ​റും ഷ​ഫീ​ഖും കു​ടും​ബ​സ​മേ​തം ഇ​രി​ക്കും. മ​മ്പാ​ട്ടെ ഫ്ര​ണ്ട്സ് ക്ല​ബി​ലും റെ​യി​ൻ​ബോ ക്ല​ബി​ലു​മൊ​ക്കെ ഇ​രു​ന്നാ​യി​രു​ന്നു ആ​സി​ഫി​ന് കൂ​ട്ടു​കാ​ർ​ക്കൊ​പ്പ​മു​ള്ള ക​ളി കാ​ണ​ൽ.

ക​മാ​ൽ കോ​ച്ചും മ​ക്ക​ൾ താ​ര​ങ്ങ​ളും

പ​രി​ശീ​ല​ക​നാ​യ എം. ​ക​മാ​ലു​ദ്ദീ​ന് ഫു​ട്ബാ​ളെ​ന്നാ​ൽ ജീ​വി​ത​മാ​ണ്. ത​നി​ക്ക് എ​ത്തി​പ്പി​ടി​ക്കാ​ൻ പ​റ്റാ​ത്ത നേ​ട്ട​ങ്ങ​ളി​ലൂ​ടെ മ​ക്ക​ളെ വ​ഴി​ന​ട​ത്തു​ന്നു നി​ല​മ്പൂ​ർ യു​നൈ​റ്റ​ഡ് ഫു​ട്ബാ​ൾ അ​ക്കാ​ദ​മി​യു​ടെ അ​മ​ര​ക്കാ​ര​ൻ. മൂ​ത്ത​മ​ക​ൻ മു​ഹ​മ്മ​ദ് ഉ​വൈ​സ് ഐ ​ലീ​ഗ് ജേ​താ​ക്ക​ളാ​യ ഗോ​കു​ലം എ​ഫ്.​സി​യു​മാ​യി ക​രാ​റൊ​പ്പി​ട്ടു.

ര​ണ്ടാ​മ​ത്ത​വ​ൻ മു​ഹ​മ്മ​ദ് ഉ​നൈ​സ് കോ​വ​ളം എ​ഫ്.​സി​യി​ലു​ണ്ട്. ഇ​ള​യ​വ​ൻ മു​ഹ​മ്മ​ദ് ഉ​മൈ​സും പി​താ​വി​െൻറ​യും സ​ഹോ​ദ​ര​ങ്ങ​ളു​ടെ​യും വ​ഴി​യെ. നി​ല​മ്പൂ​ർ ച​ന്ത​ക്കു​ന്നി​ലെ വീ​ട്ടി​ലി​പ്പോ​ൾ എ​ല്ലാ​രു​മു​ണ്ട്. ഒ​രു​മി​ച്ചി​രു​ന്നാ​ണ് യൂ​റോ ക​പ്പി​ലെ മ​ത്സ​ര​ങ്ങ​ൾ കാ​ണു​ന്ന​ത്. പി​താ​വി​നെ​പ്പോ​ലെ മ​ക്ക​ൾ​ക്ക് ക​ട്ട​ക്ക് കൂ​ട്ടു​നി​ന്ന് മാ​താ​വ് സ​ൽ​മ​ത്തും.

തെ​ര​ട്ട​മ്മ​ലെ കൈ​ത​റ ക​ളി​വീ​ട്

ഫു​ട്ബാ​ൾ ഗ്രാ​മ​മാ​യ അ​രീ​ക്കോ​ട് തെ​ര​ട്ട​മ്മ​ലി​ലെ കൈ​ത​റ വീ​ട്ടി​ൽ ആ​നി​സും ആ​സി​ലും ദേ​ശീ​യ ജൂ​നി​യ​ർ ഫു​ട്ബാ​ളി​ൽ ഒ​രു​മി​ച്ച് കേ​ര​ള​ത്തി​െൻറ ജ​ഴ്സി​യ​ണി​ഞ്ഞ​വ​രാ​ണ്. ജൂ​നി​യ​ർ ഇ​ന്ത്യ​ൻ താ​ര​വു​മാ​യി​രു​ന്നു ആ​നി​സ്. കോ​ട്ട​യം ബ​സേ​ലി​യ​സ് കോ​ള​ജി​െൻറ ജ​ഴ്സി​യി​ലാ​ണ് ഒ​ടു​വി​ൽ ക​ളി​ച്ച​ത്. ടാ​റ്റ ഫു​ട്ബാ​ൾ അ​ക്കാ​ദ​മി​യി​ലാ​യി​രു​ന്നു ആ​സി​ൽ.

ര​ണ്ടു​പേ​രും ഫു​ട്ബാ​ളി​ൽ കൂ​ടു​ത​ൽ ഉ​യ​ര​ങ്ങ​ൾ തേ​ടു​ന്നു. തെ​ര​ട്ട​മ്മ​ൽ ജൂ​നി​യ​ർ ബോ​യ്സ് ക്ല​ബി​ലി​രു​ന്ന് കൂ​ട്ടു​കാ​ർ​ക്കൊ​പ്പം ക​ളി ക​ണ്ട​വ​ർ കോ​വി​ഡ് കാ​ല​ത്ത് വീ​ട്ടി​ലൊ​തു​ങ്ങി. മ​ത്സ​ര​ങ്ങ​ൾ ആ​സ്വ​ദി​ക്കാ​ൻ ഫു​ട്ബാ​ൾ താ​ര​മാ​യി​രു​ന്ന പി​താ​വു​മു​ണ്ട് കൂ​ടെ. അ​ധ്യാ​പ​ക​നാ​യി ജോ​ലി നോ​ക്കു​ന്ന അ​ലി​മാ​െൻറ​യും കെ.​ടി. താ​ഹി​റ​യു​ടെ​യും മ​ക്ക​ളാ​ണ് ആ​നി​സും ആ​സി​ലും.