മലപ്പുറം: മഞ്ചേരിയിൽ സ്ഥിതി ചെയ്യുന്നത് മലപ്പുറം മെഡിക്കൽ കോളജാണോ അതോ മഞ്ചേരി മെഡിക്കൽ കോളജാണോ എന്ന സംശയവുമായി ജനപ്രതിനിധികൾ. ജില്ല ആസൂത്രണ സമിതി യോഗത്തിൽ മെഡിക്കൽ കോളജുമായി ബന്ധപ്പെട്ട കാര്യങ്ങൾ വിശദീകരിച്ച ഡി.എം.ഒ 'മലപ്പുറം മെഡിക്കൽ കോളജ്' എന്നാണ് പരാമർശിച്ചത്. ഡയസിലുണ്ടായിരുന്ന ജനപ്രതിനിധികൾ 'അത് മഞ്ചേരി മെഡിക്കൽ കോളജല്ലേ..?'എന്ന സംശയമുന്നയിച്ചു.
സർക്കാർ രേഖകളിൽ മലപ്പുറം മെഡിക്കൽ കോളജാണുള്ളതെന്ന് ഡി.എം.ഒ മറുപടി നൽകി. 'മെഡിക്കൽ കോളജിന്‍റെ പേര് മലപ്പുറം എന്നാക്കാൻ മലപ്പുറം എം.എൽ.എ സ്വാധീനം ചെലുത്തിയോ'എന്ന ജനപ്രതിനിധികളിലൊരാളുടെ തമാശ ചോദ്യം സദസ്സിൽ ചിരി പടർത്തി. രേഖയിൽ മലപ്പുറമാണെങ്കിൽ അങ്ങനെതന്നെ നിന്നോട്ടെ എന്ന് അബ്ദുൽ ഹമീദ് എം.എൽ.എ അഭിപ്രായപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.