സന്തോഷ് ട്രോഫി ഫുട്ബാൾ ചാമ്പ്യൻഷിപ്പിന്റെ ഭാഗമായി ‘മാധ്യമ’വും മഞ്ചേരി കുരിക്കൾ പൈപ്പ് ലൈൻസും സംയുക്തമായി സംഘടിപ്പിച്ച ഡെയ്ലി സന്തോഷം മത്സരത്തിലെ മെഗാസമ്മാനം നേടിയ സി. വിഷ്ണു, പി.പി. ഹിനാൻ, മുനവ്വർ എന്നിവർ സമ്മാനദാനം നിർവഹിച്ച ഇന്ത്യൻ ഫുട്ബാൾ താരം അനസ് എടത്തൊടികക്കും സന്തോഷ് ട്രോഫി താരം അർജുൻ ജയരാജിനുമൊപ്പം. ‘മാധ്യമം’ പരസ്യ മാനേജർ അബ്ദുൽ ഗഫൂർ, ന്യൂസ് എഡിറ്റർ ഇനാം റഹ്മാൻ, ചീഫ് റീജനൽ മാനേജർ ഇബ്രാഹിം കോട്ടക്കൽ, കുരിക്കൾ മാനേജിങ് പാർട്ണർ ഖലീം കുരിക്കൾ എന്നിവർ സമീപം.
പെരിന്തൽമണ്ണ: മലപ്പുറം ജില്ല ആദ്യമായി ആതിഥ്യമരുളിയ സന്തോഷ് ട്രോഫി ഫുട്ബാൾ ചാമ്പ്യൻഷിപ്പിന്റെ ഭാഗമായി 'മാധ്യമ'വും മഞ്ചേരി കുരിക്കൾ പൈപ്പ് ലൈൻസും സംയുക്തമായി സംഘടിപ്പിച്ച ഡെയ്ലി സന്തോഷം മത്സരത്തിലെ മെഗാ സമ്മാനം വർണാഭമായ ചടങ്ങിൽ സമ്മാനിച്ചു. സി. വിഷ്ണു (വണ്ടൂർ), പി.പി. ഹിനാൻ (കാരക്കുന്ന്), മുനവ്വർ (മലപ്പുറം) എന്നിവരാണ് കേരളം ജേതാക്കളാകുമെന്ന് പ്രവചിച്ച ആയിരകണക്കിന് പേരിൽ നിന്ന് സമ്മാനർഹരായവർ.
'മാധ്യമം' മലപ്പുറം റീജനൽ ഹെഡ് ഓഫിസിൽ നടന്ന ചടങ്ങിൽ ഇന്ത്യൻ ഫുട്ബാൾ താരം അനസ് എടത്തൊടിക സമ്മാന വിതരണം നിർവഹിച്ചു. സന്തോഷ് ട്രോഫി താരം അർജുൻ ജയരാജ് മുഖ്യാതിഥിയായി. ചീഫ് റീജനൽ മാനേജർ ഇബ്രാഹിം കോട്ടക്കൽ അധ്യക്ഷത വഹിച്ചു.
കുരിക്കൾ പൈപ്പ് ലൈൻസ് മാനേജിങ് പാർട്ട്ണർ ഖലീം കുരിക്കൾ (ബാബു), ന്യൂസ് എഡിറ്റർ ഇനാം റഹ്മാൻ, പരസ്യവിഭാഗം മാനേജർമാരായ അബ്ദുൽ ഗഫൂർ, ഫൈസൽ പുളിക്കൂൽ, സ്റ്റാഫ് റിപ്പോർട്ടർ കെ.പി.എം. റിയാസ് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.