വെട്ടിച്ചിറ: മലപ്പുറം വെട്ടിച്ചിറയിൽ ഓടിക്കൊണ്ടിരുന്ന കാർ പൂർണമായി കത്തി നശിച്ചു. ദേശീയ പാതയിൽ ചൊവ്വാഴ്ച വൈകുന്നേരമാണ് സംഭവം. കോട്ടക്കൽ ഭാഗത്ത് ആശുപത്രിയിലേക്ക് പോവുകയായിരുന്ന കാറാണ് കത്തി നശിച്ചത്.
ഓടിക്കൊണ്ടിരിക്കുന്നതിനിടയിൽ ബോണറ്റിൽ നിന്ന് പുക ഉയരുന്നതായി കണ്ടതിനെ തുടർന്ന് ഡ്രൈവർ കാർ റോഡരികിൽ നിർത്തുകയും കാറിലുള്ളവർ പുറത്തിറങ്ങുകയും ചെയ്തതിനാൽ വൻ ദുരന്തം ഒഴിവായി.
ആളുകൾ പുറത്തിറങ്ങിയതോടെ കാറിൽ തീ പടർന്നു പിടിക്കുകയായിരുന്നു. ടയർ ഉൾപ്പെടെ കാർ പൂർണമായി കത്തി നശിച്ചു. സാങ്കേതിക തകരാറാണ് കാർ കത്തി നശിക്കാനിടയാക്കിയതെന്നാണ് പ്രാഥമിക നിഗമനം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.