മുസ്ലിംലീഗ് ജില്ല പ്രസിഡൻറ് പാണക്കാട് സാദിഖലി ശിഹാബ് തങ്ങൾ നയിക്കുന്ന
സൗഹൃദ സന്ദേശയാത്രക്ക് പുളിക്കലിൽ നൽകിയ സ്വീകരണം
മലപ്പുറം: മുസ്ലിംലീഗ് ജില്ല പ്രസിഡൻറ് സാദിഖലി ശിഹാബ് തങ്ങൾ നയിക്കുന്ന സൗഹൃദ സന്ദേശയാത്ര മലപ്പുറം, കൊണ്ടാട്ടി മണ്ഡലത്തിൽ പര്യടനം പൂർത്തിയാക്കി. മലപ്പുറത്ത് നടന്ന സൗഹൃദ സദസ്സിന് ശേഷം പുളിക്കലില്‍ നിന്നാരംഭിച്ച യാത്രക്ക് എടവണ്ണപ്പാറ, പൂക്കൊളത്തൂർ, പൂക്കോട്ടൂർ എന്നിവിടങ്ങളിൽ സ്വീകരണം നൽകി.
പുളിക്കലില്‍ നടന്ന സ്വീകരണ സമ്മേളനം മുസ്ലിംലീഗ് ദേശീയ സീനിയര്‍ വൈസ് പ്രസിഡൻറ് എം.പി. അബ്ദുസമദ് സമദാനി ഉദ്ഘാടനം ചെയ്തു. അഷ്‌റഫ് മടാന്‍ അധ്യക്ഷത വഹിച്ചു. എടവണ്ണപ്പാറയില്‍ അഡ്വ. കെ.എന്‍.എ. ഖാദര്‍ എം.എൽ.എ ഉദ്ഘാടനം ചെയ്തു. പി.എ. ജബ്ബാര്‍ ഹാജി അധ്യക്ഷത വഹിച്ചു. പൂക്കൊളത്തൂരില്‍ മുസ്‌ലിം യൂത്ത് ലീഗ് സംസ്ഥാന പ്രസിഡൻറ് പാണക്കാട് മുനവ്വറലി ശിഹാബ് തങ്ങള്‍ ഉദ്ഘാടനം ചെയ്തു. സി.കെ. മുഹമ്മദ് അധ്യക്ഷത വഹിച്ചു.
പൂക്കോട്ടൂരിലെ സമ്മേളനം പാണക്കാട് ഹമീദലി ശിഹാബ് തങ്ങള്‍ ഉദ്ഘാടനം ചെയ്തു. മന്നയില്‍ അബൂബക്കര്‍ അധ്യക്ഷത വഹിച്ചു. ജാഥ വൈസ് ക്യാപ്റ്റന്‍ അഡ്വ. യു.എ. ലത്തീഫ്, ഡയറക്ടര്‍ ഇസ്മായില്‍ മുത്തേടം, ചീഫ് കോ ഒാഡിനേറ്റര്‍ ഉമ്മര്‍ അറക്കല്‍ എന്നിവർ സംബന്ധിച്ചു.
വിവിധ കേന്ദ്രങ്ങളിൽ ടി.വി. ഇബ്രാഹീം എം.എല്‍.എ, പി. ഉബൈദുല്ല എം.എല്‍.എ, അഡ്വ. എം. റഹ്മത്തുല്ല, പി.എം.എ. സലാം, പി.വി. മുഹമ്മദ് അരീക്കോട്, നാലകത്ത് സൂപ്പി, എ.പി. ഉണ്ണികൃഷ്ണന്‍, അഡ്വ. വി.കെ. ഫൈസല്‍ ബാബു, നജീബ് കാന്തപുരം, ഉമര്‍ പാണ്ടികശാല, അബ്ദുറഹിമാന്‍ രണ്ടത്താണി, സിദ്ദീഖലി രാങ്ങാട്ടൂര്‍ തുടങ്ങിയവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.