ഫോൺ ക​ള്ള​ൻ ചാ​റ്റ്​ ചെ​യ്യു​ന്നു; കോ​ളെ​ടു​ക്കു​ന്നി​ല്ല , വി​വ​രം ന​ൽ​കി​യി​ട്ടും ​പ്രതിയെ പിടികൂടാതെ പൊ​ലീ​സ്

വ​ള്ളി​ക്കു​ന്ന്: ചേ​ലേ​മ്പ്ര കു​റ്റി​പ്പ​റ​മ്പി​ലെ ന​മ്പീ​രി ല​ത്തീ​ഫിെൻറ വീ​ട്ടി​ൽ​നി​ന്ന് മോ​ഷ​ണം പോ​യ ഫോ​ണി​ലേ​ക്ക് വി​ളി​ക്കു​മ്പോ​ൾ മ​റു​പ​ടി​യി​ല്ല. വാ​ട്സ്ആ​പ് ചാ​റ്റി​നോ​ട് പ്ര​തി​ക​രി​ക്കു​ന്നു. വി​വ​ര​മ​റി​യി​ച്ചി​ട്ടും ക​ണ്ടെ​ത്താ​നാ​കാ​തെ പൊ​ലീ​സ്. ഫോ​ൺ മോ​ഷ​ണം​പോ​യി​ട്ട് 10 ദി​വ​സം ക​ഴി​ഞ്ഞി​ട്ടും തു​മ്പാ​യി​ല്ല.

മോ​ഷ​ണം​പോ​യ ദി​വ​സം തേ​ഞ്ഞി​പ്പ​ലം പൊ​ലീ​സ് വീ​ട്ടി​ലെ​ത്തി വി​വ​ര​ങ്ങ​ൾ ശേ​ഖ​രി​ച്ച​താ​ണ്. വി​വ​രം സൈ​ബ​ർ സെ​ല്ലി​നും കൈ​മാ​റി. ഉ​ട​ൻ പി​ടി​കൂ​ടു​മെ​ന്ന് അ​റി​യി​ച്ച​താ​ണ്. എ​ന്നാ​ൽ, ഇ​തു​വ​രെ ഒ​രു പു​രോ​ഗ​തി​യും ഇ​ല്ലാ​ത്ത​തി​നെ തു​ട​ർ​ന്ന് വാ​ർ​ഡ് അം​ഗം വി.​പി. ഫാ​റൂ​ഖ് പൊ​ലീ​സു​മാ​യി ബ​ന്ധ​പ്പെ​ട്ടെ​ങ്കി​ലും നി​ര​വ​ധി കേ​സു​ക​ൾ ഇ​ത്ത​ര​ത്തി​ൽ ഉ​ണ്ടെ​ന്ന മ​റു​പ​ടി​യാ​ണ് പൊ​ലീ​സി​ൽ​നി​ന്ന് ല​ഭി​ക്കു​ന്ന​ത്.

ക​ഴി​ഞ്ഞ ഏ​ഴി​ന് രാ​ത്രി​യാ​ണ് ല​ത്തീ​ഫിെൻറ മ​ക്ക​ൾ പ​ഠി​ക്കാ​ൻ ഉ​പ​യോ​ഗി​ക്കു​ന്ന ര​ണ്ട് ഫോ​ണു​ക​ൾ ക​ള്ള​ൻ മോ​ഷ്​​ടി​ച്ച​ത്. ഫോ​ൺ ന​ഷ്​​ട​പ്പെ​ട്ട​തോ​ടെ ല​ത്തീ​ഫിെൻറ അ​ഞ്ച് മ​ക്ക​ളു​ടെ ഓ​ൺ​ലൈ​ൻ പ​ഠ​നം മു​ട​ങ്ങി​യി​രു​ന്നു.

ഇ​തു​സം​ബ​ന്ധി​ച്ച് 'മാ​ധ്യ​മം'​വാ​ർ​ത്ത ന​ൽ​കി​യ​തോ​ടെ ബോ​ബി ചെ​മ്മ​ണൂ​ർ ക​ഴി​ഞ്ഞ ദി​വ​സം ല​ത്തീ​ഫിെൻറ വീ​ട്ടി​ലെ​ത്തി കു​ട്ടി​ക​ൾ​ക്ക് ഓ​ൺ​ലൈ​ൻ പ​ഠ​ന​ത്തി​നാ​യി ര​ണ്ട് ഫോ​ണു​ക​ൾ സ​മ്മാ​നി​ക്കു​ക​യും ചെ​യ്തു. മോ​ഷ​ണം പോ​യ ഫോ​ണു​ക​ൾ ക​വ​ർ​ച്ച ന​ട​ന്ന ദി​വ​സം മു​ത​ൽ സ്വി​ച്ച് ഓ​ഫ് ആ​യി​രു​ന്നു. കു​റ​ച്ചു​ദി​വ​സം മു​മ്പാ​ണ് ഫോ​ൺ ബെ​ല്ല​ടി​ക്കു​ന്ന​താ​യി വീ​ട്ടു​കാ​ർ ശ്രദ്ധിച്ച​ത്.