പൊന്നാനി: സ്കൂൾ വിട്ട് കുട്ടികൾ വീടെത്തും വരെയുള്ള രക്ഷിതാക്കളുടെ ആശങ്കകൾക്ക് പരിഹാരമായി. മോട്ടോർ വാഹന വകുപ്പിന്റെ മൊബൈൽ ആപ് പൊന്നാനി താലൂക്കിൽ നിർബന്ധമാക്കുന്നു. താലൂക്കിലെ എല്ലാ സ്കൂൾ വാഹനങ്ങളിലും വിദ്യാവാഹൻ ആപ്പിന്റെ പ്രവർത്തനം ഉറപ്പാക്കണമെന്ന് പൊന്നാനി ജോയിന്റ് ആർ.ടി.ഒ ജസ്റ്റിൻ മാളിയേക്കൽ നിർദേശം നൽകി.
ജി.പി.എസ് പ്രവർത്തന ക്ഷമതയുള്ള വേഗപ്പൂട്ട് സംവിധാനവും വാഹനങ്ങളിൽ ഉറപ്പാക്കണം.
വിദ്യാർഥികളുടെ സുരക്ഷക്കായി ഏർപ്പെടുത്തിയ ആപ് ബന്ധപ്പെട്ട സ്കൂൾ മാനേജർ, ഡ്രൈവർമാർ, അറ്റൻഡർമാർ, ബന്ധപ്പെട്ട അധ്യാപകർ, രക്ഷിതാക്കൾ തുടങ്ങിയവരുടെ മൊബൈൽ ഫോണുമായി ബന്ധിപ്പിക്കണം.
ഫിറ്റ്നസ് ടെസ്റ്റിനു വരുന്ന വാഹനങ്ങൾ വിദ്യാവാഹൻ ആപ്പിന്റെ പ്രവർത്തനം മോട്ടർ വാഹന വകുപ്പ് ഉദ്യോഗസ്ഥരെ ബോധ്യപ്പെടുത്തണം. മാനദണ്ഡങ്ങൾ പാലിക്കാത്ത സ്കൂൾ വാഹനങ്ങൾക്ക് ഫിറ്റ്നസ് സർട്ടിഫിക്കറ്റ് നൽകില്ല. അടുത്ത ദിവസങ്ങളിൽ സ്കൂളുകൾ കേന്ദ്രീകരിച്ച് പരിശോധനകളും നടത്തും. ചട്ടം ലംഘിക്കുന്ന സ്കൂളുകൾക്കെതിരെയും നടപടി സ്വീകരിക്കുമെന്നും ജോയിന്റ് ആർ.ടി.ഒ മുന്നറിയിപ്പു നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.