ലോകകപ്പ് ഫുട്‌ബാളിനെ സ്വാഗതം ചെയ്ത് ജില്ല പഞ്ചായത്തിന്റെ നേതൃത്വത്തിൽ കോട്ടപ്പടി മൈതാനിയിൽ നടത്തിയ സൗഹൃദ മത്സരം ജില്ല കലക്ടർ വി.ആർ. പ്രേംകുമാർ ഉദ്ഘാടനം ചെയ്യുന്നു
മലപ്പുറം: ലോകകപ്പ് ഫുട്ബാളിന്റെ കളിയാരവങ്ങളുമായി ലഹരിവിരുദ്ധ സന്ദേശമുയർത്തിപ്പിടിച്ച് ജില്ല പഞ്ചായത്ത് സംഘടിപ്പിച്ച സൗഹൃദ മത്സരങ്ങൾ ആവേശമായി. മലപ്പുറം കോട്ടപ്പടി മൈതാനിയിൽ നടന്ന മത്സരങ്ങളുടെ ഉദ്ഘാടനം ജില്ല കലക്ടർ വി.ആർ. പ്രേം കുമാർ നിർവഹിച്ചു. ആദ്യ മത്സരത്തിൽ ജില്ല പഞ്ചായത്ത് ടീമും മലപ്പുറം പ്രസ് ക്ലബും ഏറ്റുമുട്ടി.
മത്സരം 1-1ൽ കലാശിച്ചു. ജില്ല പഞ്ചായത്തിനായി തറയിൽ നസീറും പ്രസ് ക്ലബിനായി ഷഹബാസ് വെള്ളിലയും ഗോൾ നേടി. ജില്ല പൊലീസ് വെറ്ററൻ ടീമും മലപ്പുറം വെറ്ററൻസും തമ്മിൽ നടന്ന രണ്ടാം മത്സരം ഗോൾ രഹിത സമനിലയിൽ പിരിഞ്ഞു. ജില്ല പഞ്ചായത്ത് അധ്യക്ഷ എം.കെ. റഫീഖ, ഉപാധ്യക്ഷൻ ഇസ്മായിൽ മൂത്തേടം, വികസന സ്ഥിരംസമിതി അധ്യക്ഷൻ സറീന ഹസീബ്, അംഗങ്ങളായ പി.കെ.സി അബ്ദുറഹ്മാൻ, ഫൈസൽ എടശ്ശേരി, കെ.ടി. അഷ്‌റഫ്‌, വി.കെ.എം. ഷാഫി, ടി.പി.എം. ബഷീർ, ടി.പി. ഹാരിസ് എന്നിവർ കളിക്കാരെ പരിചയപ്പെട്ടു.
ജില്ല പഞ്ചായത്ത് നടത്തുന്ന ജനകീയ മത്സരമായ ഷൂട്ടൗട്ട് വെള്ളിയാഴ്ച വൈകീട്ട് 3.30ന് ഹൈസ്കൂൾ, ഹയർ സെക്കൻഡറി സ്കൂളുകൾ കേന്ദ്രീകരിച്ച് നടക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.