പത്തിരിപ്പാല: ലക്കിടി പല്ലാർമംഗലം ഭാരതപ്പുഴ ശ്മശാന കടവിൽ മിനി തടയണ സ്ഥാപിക്കണമെന്ന ആവശ്യം ശക്തമാകുന്നു. കനാൽ വെള്ളം പോലും എത്താത്ത മേഖലയായതിനാൽ പുഴയിലെ വെള്ളത്തെയാണ് കർഷകർ ആശ്രയിക്കുന്നത്. പല്ലാർമംഗലം, അടിയമ്പാടം എന്നീ പാടശേഖരങ്ങളിലെ 100 ഏക്കർ വരുന്ന നെൽകൃഷി പുഴയിലെ വെള്ളത്തെയാണ് ആശ്രയിക്കുന്നത്. വേനലിൽ പുഴയിൽ വെള്ളമില്ലാത്തതിനാൽ കൃഷി ഉണങ്ങി നശിക്കാറുണ്ട്. അതിനാൽ ഒരു വിള മാത്രമാണ് കൃഷിയിറക്കുന്നത്. പുഴയിൽ തടയണ കെട്ടിയാൽ രണ്ടു വിളയും എടുക്കാനാകുമെന്ന് കർഷകർ പറയുന്നു. ശ്മശാനത്തിൽ മൃതദേഹം സംസ്കരിച്ച് ക്രിയകൾ നടത്തുന്നതിനും കുളിക്കുന്നതിനും വെള്ളം ആവശ്യമാണ്. തടയണ സ്ഥാപിക്കണമെന്നാവശ്യപ്പെട്ട് ബന്ധപ്പെട്ടവർക്ക് പലതവണ നിവേദനം നൽകിയെങ്കിലും നടപടിയുണ്ടായില്ല. മിനി തടയണ കെട്ടി പ്രശ്നത്തിന് പരിഹാരം കാണണമെന്നാണ് കർഷകരുടെ ആവശ്യം. ചിത്രം PEW PTPL 2 വെള്ളം വറ്റിയ ലക്കിടി പല്ലാർമംഗലം ഭാരതപ്പുഴ ശ്മശാന കടവ്
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.