ബാറ്ററി മോഷ്ടിച്ചു; ചുള്ളിയാർ ഡാം ഇരുട്ടിൽ തന്നെ

കൊ​ല്ല​ങ്കോ​ട്: ചു​ള്ളി​യാ​ർ ഡാ​മി​ൽ സ്ഥാ​പി​ച്ച സോ​ളാ​ർ ബ​ൾ​ബു​ക​ളു​ടെ ബാ​റ്റ​റി മോഷ്ടിച്ച​ത് പു​നഃ​സ്ഥാ​പി​ച്ചി​ല്ലാത്തതിനാൽ ചു​ള്ളി​യാ​ർ ഡാം ​ഇ​രു​ട്ടി​ൽ ത​ന്നെ.

46 ല​ധി​കം തൂ​ണു​ക​ളി​ൽ സ്ഥാ​പി​ച്ച ബ​ൾ​ബു​ക​ളു​ടെ ബാ​റ്റ​റി​ക​ളാ​ണ് മാ​സ​ങ്ങ​ൾ​ക്കു മു​മ്പ് മോ​ഷ്ടാ​ക്ക​ൾ ക​വ​ർ​ന്ന​ത്. ഇ​തു​വ​രെ ബാ​റ്റ​റി​ക​ൾ പു​നഃ​സ്ഥാ​പി​ക്കാ​ൻ അ​ധി​കൃ​ത​ർ​ക്ക് സാ​ധി​ച്ചി​ട്ടി​ല്ല. പ​ര​മാ​വ​ധി സം​ഭ​ര​ണ ശേ​ഷി​യി​ലെ​ത്താ​നാ​യ ജ​ല​നി​ര​പ്പു​ള്ള ചു​ള്ളി​യാ​ർ ഡാ​മി​ൽ സു​ര​ക്ഷ ശ​ക്ത​മാ​ക്കേ​ണ്ട സാ​ഹ​ച​ര്യ​ത്തി​ലാ​ണ് ല​ക്ഷ​ങ്ങ​ൾ മു​ട​ക്കി സ്ഥാ​പി​ച്ച വി​ള​ക്കു​ക​ൾ പ്ര​കാ​ശി​ക്കാ​താ​യ​ത്.

ഓ​രോ തൂ​ണി​ലും താ​ഴെ സ്ഥാ​പി​ച്ച ബാ​റ്റ​റി ബോ​ക്സ് പൂ​ട്ട് പൊ​ളി​ച്ചാ​ണ് ബാ​റ്റ​റി ക​വ​ർ​ന്ന​തെ​ന്ന​തി​നാ​ൽ പു​തി​യ ബാ​റ്റ​റി എ​ങ്ങ​നെ സ്ഥാ​പി​ക്കു​മെ​ന്ന​റി​യാ​തെ അ​ധി​കൃ​ത​രും കു​ഴ​ങ്ങി​യ നി​ല​യി​ലാ​ണ്.

ഡാ​മി​ന​ക​ത്തു​ള്ള ഹൈ​മാ​സ്റ്റ് ബ​ൾ​ബും ക​ണ്ണ​ട​ച്ച​തി​നാ​ൽ സ​ന്ധ്യ​യാ​യാ​ൽ നി​റ​ഞ്ഞു നി​ൽ​ക്കു​ന്ന ഡാ​മി​ന​ക​ത്ത് പ​രി​ശോ​ധ​ന​ക്കു​പോ​ലും ഉ​ദ്യോ​ഗ​സ്ഥ​ർ​ക്ക് എ​ത്താ​ൻ സാ​ധി​ക്കാ​ത്ത അ​ത്ര​യും ഇ​രു​ട്ടാ​ണ് ഉ​ള്ള​ത്. ഓ​റ​ഞ്ച് അ​ല​ർ​ട്ടി​ൽ എ​ത്തി നി​ൽ​ക്കു​ന്ന ജ​ല​നി​ര​പ്പ് ഉ​യ​ർ​ന്നാ​ൽ അ​തി​വ സു​ര​ക്ഷ ആ​വ​ശ്യ​മു​ള്ള ചു​ള്ളി​യാ​ർ ഡാ​മി​ൽ വൈ​ദ്യു​ത ലൈ​ൻ ദീ​ർ​ഘി​പ്പി​ച്ച് ബ​ൾ​ബു​ക​ൾ പ്ര​കാ​ശി​പ്പി​ക്കാ​ൻ ന​ട​പ​ടി​യെ​ടു​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.