നൂറ്റാണ്ടുകളുടെ പെരുമയിലും ച​ളി​ക്കു​ള​മാ​യി വാണിയംകുളം കാലിച്ചന്ത

ഒ​റ്റ​പ്പാ​ലം: ആ​ഴ്ച​തോ​റും കോ​ടി​ക​ളു​ടെ ക​ച്ച​വ​ടം ന​ട​ക്കു​ന്ന വാ​ണി​യം​കു​ളം ക​ന്നു​കാ​ലി ച​ന്ത ച​ളി​ക്കു​ള​മാ​യി. നൂ​റ്റാ​ണ്ടു​ക​ളു​ടെ ച​ന്ത പെ​രു​മ സം​ബ​ന്ധി​ച്ച കേ​ട്ട​റി​വു​മാ​യി വാ​ണി​യം​കു​ള​ത്തെ​ത്തു​ന്ന​വ​ർ​ക്ക് എ​ങ്ങ​നെ സ്ഥ​ലം വി​ടാ​മെ​ന്ന ഒ​രൊ​റ്റ ചി​ന്ത മ​ന​സ്സി​ൽ രൂ​പം കൊ​ള്ളു​ന്ന അ​വ​സ്ഥ​യി​ലേ​ക്ക് കാ​ലി ച​ന്ത മാറിക്കഴിഞ്ഞു.

കെ​ട്ടി​നി​ൽ​ക്കു​ന്ന മ​ഴ വെ​ള്ള​ത്തോ​ടൊ​പ്പം ചാ​ണ​ക​വും ക​ന്നു​കാ​ലി​ക​ളു​ടെ മൂ​ത്ര​വും വൈ​ക്കോ​ലി​ന്റെ അ​വ​ശി​ഷ്ട​ങ്ങ​ളും കു​ഴ​ഞ്ഞ് മ​റി​ഞ്ഞ് കാ​ലു​കു​ത്താ​ൻ ക​ഴി​യാ​തെ വൃ​ത്തി​ഹീ​ന​മാ​യ അ​ന്ത​രീ​ക്ഷ​ത്തി​ലാ​ണ് ച​ന്ത. ക​ച്ച​വ​ട​ക്കാ​രും അ​വ​രു​ടെ സഹായികളും ബ്രോ​ക്ക​ർ​മാ​രും ഉ​രു​ക്ക​ളെ വാ​ങ്ങാ​നെ​ത്തു​ന്ന​വ​രും ഉ​ൾ​പ്പെ​ടെ ച​ന്ത​യി​ലെ​ത്തു​ന്ന ആ​യി​ര​ങ്ങ​ളാ​ണ് ശു​ചി​ത്വ​മി​ല്ലാ​യ്മ​യു​ടെ ദു​ർ​ഗ​ന്ധം സ​ഹി​ക്കാ​ൻ നി​ർ​ബ​ന്ധി​ത​രാ​വു​ന്ന​ത്. ഇ​ത​ര സം​സ്ഥാ​ന​ങ്ങ​ളി​ൽ​നി​ന്ന് കാ​ലി​ക​ളു​മാ​യി ച​ന്ത​യി​ൽ​ എത്തു​ന്ന വാ​ഹ​ന​ങ്ങ​ൾ ചേ​റി​ൽ കു​ളി​ച്ചാ​ണ് മ​ട​ക്കം. ച​ന്ത​യു​ടെ ദു​ര​വ​സ്ഥ അ​റി​യാ​വു​ന്ന ക​ച്ച​വ​ട​ക്കാ​രി​ൽ ഭൂ​രി​ഭാ​ഗ​വും മു​ട്ടോ​ള​മെ​ത്തു​ന്ന ഗം ​ബൂ​ട്ടു​ക​ൾ ധ​രി​ച്ചാ​ണ് ച​ന്ത​യി​ൽ ക​ച്ച​വ​ടം ന​ട​ത്തു​ന്ന​ത്.

ച​ളി​യി​ൽ തെ​ന്നി വീ​ണും വ​സ്ത്ര​ങ്ങ​ളി​ൽ ചാ​ണ​കം പു​ര​ണ്ടും ഉ​പ​ജീ​വ​ന​ത്തി​നാ​യി സാ​ഹ​സ​പ്പെ​ടു​ന്ന​വ​ർ ച​ന്ത​യി​ലേ​റെ​യാ​ണ്. വ​രാ​നി​രി​ക്കു​ന്ന ശ​ക്ത​മാ​യ മ​ഴ​ക്കാ​ല​ത്ത് ച​ന്ത​യി​ലെ ദു​രി​തം പ​തി​ന്മ​ട​ങ്ങാ​യി ഉ​യ​രും. ച​ന്ത​യും പ​രി​സ​ര​വും വൃ​ത്തി​യാ​യി സൂ​ക്ഷി​ക്കാ​നോ മ​ഴ​യി​ൽ ക​ച്ച​വ​ട​ക്കാ​ർ​ക്ക് ക​യ​റി നി​ൽ​ക്കു​ന്ന​തി​നോ ആ​വ​ശ്യ​മാ​യ സൗ​ക​ര്യ​ങ്ങ​ളൊ​രു​ക്കാ​ൻ അ​ധി​കൃ​ത​ർ​ക്ക് ഇ​തേവ​രെ ക​ഴി​ഞ്ഞി​ട്ടി​ല്ല. ക​ന്നു​കാ​ലി​ക​ൾ​ക്കൊ​പ്പം ക​ച്ച​വ​ട​ക്കാ​ർ ഉ​ൾ​പ്പ​ടെ​യു​ള്ള​വ​ർ പെ​രു​മ​ഴ ന​ന​യേ​ണ്ട അ​വ​സ്ഥ​ക്ക് ച​ന്ത​യോ​ളം പ​ഴ​ക്ക​മു​ണ്ട്.   

സ​ർ​ക്കാ​ർ ഫ​ണ്ടി​ൽ​നി​ന്ന് കോ​ടി രൂ​പ

ഒ​റ്റ​പ്പാ​ലം: 2022-23 വ​ർ​ഷം സ​ർ​ക്കാ​ർ ഫ​ണ്ടി​ൽ​നി​ന്ന് ഒ​രു​കോ​ടി രൂ​പ ച​ന്ത​യു​ടെ ന​വീ​ക​ര​ണ​ത്തി​ന് അ​നു​വ​ദി​ച്ച​താ​യി വാ​ണി​യം​കു​ളം ഗ്രാ​മ​പ​ഞ്ചാ​യ​ത്ത് പ്ര​സി​ഡ​ൻ​റ് കെ. ​ഗം​ഗാ​ധ​ര​ൻ പ​റ​ഞ്ഞു. വി​ശ്ര​മ കേ​ന്ദ്രം ഉ​ൾ​പ്പെ​ടെ​യു​ള്ള വി​ക​സ​ന പ്ര​വ​ർ​ത്ത​നങ്ങ​ളാ​ണ് ല​ക്ഷ്യ​മി​ടു​ന്ന​ത്. ഏ​താ​നും മാ​സ​ങ്ങ​ൾ​ക്ക് മു​മ്പ് 16.42 ല​ക്ഷം രൂ​പ വി​നി​യോ​ഗി​ച്ച് ച​ന്ത​യു​ടെ പ​കു​തി​യോ​ളം ഭാ​ഗം കോ​ൺ​ക്രീ​റ്റ് ചെ​യ്തെ​ങ്കി​ലും പൂ​ർ​ത്തി​യാ​ക്കാ​ൻ ക​ഴി​ഞ്ഞി​ട്ടി​ല്ല.