റഗ്ബി ക്യാപ്റ്റൻ അങ്കത്തിന്

പ​ട്ടാ​മ്പി: റ​ഗ്ബി​യി​ലും സോ​ഫ്റ്റ്‌​ബാ​ൾ, നെ​റ്റ്‌​ബാ​ൾ, ഹാ​ൻ​ഡ്ബാ​ൾ, ഫു​ട്ബാ​ൾ തു​ട​ങ്ങി​യ കാ​യി​ക ഇ​ന​ങ്ങ​ളി​ലു​മു​ള്ള മെ​യ്​​വ​ഴ​ക്കം കാ​ഞ്ച​ന​യെ ത​ദ്ദേ​ശ തെ​ര​ഞ്ഞെ​ടു​പ്പി​ൽ തു​ണ​ക്കു​മോ? തി​രു​വേ​ഗ​പ്പു​റ ഗ്രാ​മ​പ​ഞ്ചാ​യ​ത്തി​ലേ​ക്ക് ന​ട​ക്കു​ന്ന തെ​ര​ഞ്ഞെ​ടു​പ്പി​ൽ പ​ത്താം വാ​ർ​ഡി​ൽ​നി​ന്ന് യു.​ഡി.​എ​ഫ് സ്ഥാ​നാ​ർ​ഥി​യാ​യി അ​ങ്കം കു​റി​ച്ചി​രി​ക്കു​ക​യാ​ണ് ഈ ​ച​ള​വ​റ​ക്കാ​രി. പ​ട്ടാ​മ്പി ഗ​വ. സം​സ്‌​കൃ​ത കോ​ള​ജി​ലെ മ​ല​യാ​ളം ബി​രു​ദാ​ന​ന്ത​ര ബി​രു​ദ വി​ദ്യാ​ർ​ഥി​നി​യാ​ണ് കാ​ഞ്ച​ന.

ച​ള​വ​റ ഹ​യ​ർ സെ​ക്ക​ൻ​ഡ​റി സ്കൂ​ളി​ലെ ഫു​ട്ബാ​ൾ ടീ​മം​ഗ​മാ​യാ​ണ് കാ​യി​ക കു​തി​പ്പ് തു​ട​ങ്ങി​യ​ത്. പി​ന്നീ​ട് ജി​ല്ല ഫു​ട്ബാ​ൾ ടീ​മി​ൽ ഇ​ടം നേ​ടി​യ കാ​ഞ്ച​ന പാ​ല​ക്കാ​ട് മേ​ഴ്‌​സി കോ​ള​ജി​ൽ ബി​രു​ദ പ​ഠ​ന​ത്തി​ന് ചേ​ർ​ന്ന് കോ​ള​ജി​െൻറ അ​ഭി​മാ​ന താ​ര​മാ​യി. സോ​ഫ്റ്റ്‌​ബാ​ൾ, നെ​റ്റ്‌​ബാ​ൾ, ഹാ​ൻ​ഡ്ബാ​ൾ തു​ട​ങ്ങി​യ ഗെ​യിം​സു​ക​ളി​ൽ മി​ക​വ് പ്ര​ദ​ർ​ശി​പ്പി​ച്ചു. ഡി​ഗ്രി പ​ഠ​ന​ത്തി​നു​ശേ​ഷം റ​ഗ്‌​ബി പ​രി​ശീ​ല​നം. കേ​ര​ള റ​ഗ്‌​ബി ടീ​മി​ൽ അം​ഗ​ത്വം നേ​ടി ബി​ഹാ​റി​ൽ ന​ട​ന്ന റ​ഗ്ബി ടൂ​ർ​ണ​മെൻറി​ൽ കേ​ര​ളാ​ടീ​മി​നു​വേ​ണ്ടി അ​ര​ങ്ങേ​റ്റം കു​റി​ച്ചു. ഛത്തി​സ്ഗ​ഡി​ൽ ന​ട​ന്ന ടൂ​ർ​ണ​മെൻറി​ൽ കേ​ര​ള ടാ​ർ​ഗ​റ്റ്‌ ടീ​മി​െൻറ നാ​യ​ക​ത്വം വ​ഹി​ച്ച്‌ മി​ക​വ്‌ പു​ല​ർ​ത്തി.

പ​ട്ടാ​മ്പി സി.​ജി.​എം സ്കൂ​ളി​ൽ ഒ​രു​വ​ർ​ഷ​ത്തോ​ളം ഫി​സി​ക്ക​ൽ എ​ജു​ക്കേ​ഷ​ൻ ടീ​ച്ച​റാ​യി ജോ​ലി ചെ​യ്ത ശേ​ഷ​മാ​ണ് ബി​രു​ദാ​ന​ന്ത​ര ബി​രു​ദ പ​ഠ​ന​ത്തി​ന് ചേ​ർ​ന്ന​ത്. ഭ​ർ​ത്താ​വ് രാ​കേ​ഷ് പ​ടി​ഞ്ഞാ​റ​ങ്ങാ​ടി മൈ​നോ​റി​റ്റി ആ​ർ​ട്സ് ആ​ൻ​ഡ് സ​യ​ൻ​സ് കോ​ള​ജി​ൽ ഫി​സി​ക്ക​ൽ എ​ജു​ക്കേ​ഷ​ൻ അ​സി. പ്ര​ഫ​സ​റാ​ണ്. കാ​യി​ക മേ​ഖ​ല​യി​ലെ കു​തി​പ്പ് നാ​ട്ട​ങ്ക​ത്തി​ൽ പ്ര​തി​ഫ​ലി​ക്കു​മോ എ​ന്നാ​ണ് തി​രു​വേ​ഗ​പ്പു​റ ഉ​റ്റു​നോ​ക്കു​ന്ന​ത്.