അ​ക്ഷ​ര​മു​റ്റം നാ​ളെ തു​റ​ക്കും

പാ​ല​ക്കാ​ട്: തി​ങ്ക​ളാ​ഴ്ച അ​ധ്യ​യ​ന വ​ർ​ഷം ആ​രം​ഭി​ക്കാ​നി​രി​ക്കെ ഒ​രു​ക്കം പ​ല​തും പാ​തി വ​ഴി​യി​ൽ. യൂ​നി​ഫോം വി​ത​ര​ണം പൂ​ർ​ത്തി​യാ​യി​ട്ടി​ല്ല. അ​തേ​സ​മ​യം, പാ​ഠ​പു​സ്ത​ക വി​ത​ര​ണം പൂ​ർ​ത്തി​യാ​യി​ട്ടു​ണ്ട്. സ്കൂ​ളു​ക​ളി​ൽ അ​ധ്യാ​പ​ക​രു​ടെ​യു​ടെ​യും പി.​ടി.​എ ക​മ്മി​റ്റി​ക​ളു​ടെ​യും നേ​തൃ​ത്വ​ത്തി​ലാ​ണ് ശു​ചീ​ക​ര​ണം ഉ​ൾ​പ്പെ​ടെ ന​ട​ത്തു​ന്ന​ത്. കൂ​ടാ​തെ സ​ന്ന​ദ്ധ-​യു​വ​ജ​ന സം​ഘ​ട​ന​ക​ളും സ​ജീ​വ​മാ​യി രം​ഗ​ത്തു​ണ്ട്.

ര​ണ്ട് ഘ​ട്ട​ങ്ങ​ളി​ലാ​യു​ള്ള പ​രി​ശീ​ല​നം ക​ഴി​ഞ്ഞ​തോ​ടെ മേ​യ് 25 ഓ​ടെ സ്കൂ​ൾ മു​ന്നൊ​രു​ക്ക​ങ്ങ​ൾ​ക്കാ​യി ത​യാ​റെ​ടു​ക്കാ​ൻ സ്കൂ​ൾ പ്ര​ധാ​നാ​ധ്യാ​പ​ക​ർ​ക്ക് ജി​ല്ല വി​ദ്യാ​ഭ്യാ​സ വ​കു​പ്പ് നി​ർ​ദേ​ശം ന​ൽ​കി​യി​രു​ന്നു. ജി​ല്ല ത​ലം മു​ത​ൽ വാ​ർ​ഡ് ത​ലം വ​രെ പ്ര​വേ​ശ​നോ​ത്സ​വം ഗം​ഭീ​ര​മാ​ക്കാ​ൻ നേ​ര​ത്തെ ത​ന്നെ തീ​രു​മാ​ന​മെ​ടു​ത്തി​രു​ന്നു. ഇ​തി​ന്റെ അ​ടി​സ്ഥാ​ന​ത്തി​ൽ വി​ദ്യാ​ല​യ​ങ്ങ​ളി​ൽ വി​ദ്യാ​ഭ്യാ​സ വ​കു​പ്പ് ഉ​ദ്യോ​ഗ​സ്ഥ​രു​ടെ നേ​തൃ​ത്വ​ത്തി​ൽ ഫി​റ്റ്ന​സ് പ​രി​ശോ​ധ​ന​യും സു​ര​ക്ഷ ഒ​രു​ക്ക​ങ്ങ​ളും വി​ല​യി​രു​ത്തി. 

യൂനിഫോം വിതരണം പൂർത്തിയായില്ല; പു​സ്ത​ക​വി​ത​ര​ണം പൂ​ർ​ത്തി​യാ​യി

പാ​ല​ക്കാ​ട്: മ​ധ്യ​വേ​ന​ല​വ​ധി​ക്കു ശേ​ഷം സ്കൂ​ളു​ക​ൾ തി​ങ്ക​ളാ​ഴ്ച തു​റ​ക്കു​മ്പോ​ഴും ജി​ല്ല​യി​ൽ യൂ​നി​ഫോം വി​ത​ര​ണം പൂ​ർ​ത്തി​യാ​യ​ത് പ​കു​തി മാ​ത്രം. ജി​ല്ല​യി​ലാ​കെ 50.5 ശ​ത​മാ​നം യൂ​നി​ഫോ​മാ​ണ് ഇ​തു​വ​രെ വി​ത​ര​ണം ചെ​യ്ത​ത്. ഒ​ന്നു​മു​ത​ൽ എ​ട്ടാം ക്ലാ​സ് വ​രെ​യു​ള്ള വി​ദ്യാ​ർ​ഥി​ക​ൾ​ക്കാ​ണ് സൗ​ജ​ന്യ യൂ​ണി​ഫോം ന​ൽ​കു​ന്ന​ത്. ക​ണ്ണൂ​രി​ലെ സ​ർ​ക്കാ​ർ ഹാ​ൻ​ഡ് വീ​വി​ൽ​നി​ന്നു​മാ​ണ് യൂ​നി​ഫോം എ​ത്തു​ന്ന​ത്. ഒ​ന്നു​മു​ത​ൽ നാ​ലാം ക്ലാ​സ് വ​രെ​യു​ള്ള കു​ട്ടി​ക​ൾ​ക്ക് യൂ​നി​ഫോം തു​ണി​യും അ​ഞ്ച് മു​ത​ൽ എ​ട്ടാം ക്ലാ​സ് വ​രെ​യു​ള്ള വി​ദ്യാ​ർ​ഥി​ക​ൾ​ക്ക് ഒ​രു ജോ​ഡി യൂ​നി​ഫോ​മി​ന്റെ തു​ക​യു​മാ​ണ് ന​ൽ​കു​ന്ന​ത്. എ.​ഇ.​ഒ ഓ​ഫി​സു​ക​ളി​ൽ എ​ത്തി​ക്കു​ന്ന യൂ​നി​ഫോ​മു​ക​ൾ അ​വി​ടെ​നി​ന്നാ​ണ് സ്കൂ​ളു​ക​ൾ​ക്ക് ന​ൽ​കു​ന്ന​ത്.

അ​തേ​സ​മ​യം, ജി​ല്ല​യി​ലെ പു​സ്ത​ക​വി​ത​ര​ണം പൂ​ർ​ത്തി​യാ​യ​താ​യി ജി​ല്ല വി​ദ്യാ​ഭ്യാ​സ വ​കു​പ്പ് അ​ധി​കൃ​ത​ർ അ​റി​യി​ച്ചു. ജി​ല്ല​യി​ലാ​കെ 28,43,811 പു​സ്ത​ക​ങ്ങ​ളാ​ണ് വി​ത​ര​ണ​ത്തി​നെ​ത്തി​യ​ത്. ഇ​തി​ൽ സ​ർ​ക്കാ​ർ, എ​യ്ഡ​ഡ് മേ​ഖ​ല​യി​ലേ​ക്കു​ള്ള പു​സ്ത​ക​ങ്ങ​ളു​ടെ വി​ത​ര​ണം പൂ​ർ​ത്തി​യാ​യി. എ​യ്ഡ​ഡ് മേ​ഖ​ല​യി​ലേ​ക്കു​ള്ള പു​സ്ത​ക​ങ്ങ​ളു​ടെ വി​ത​ര​ണം ന​ട​ന്നു​കൊ​ണ്ടി​രി​ക്കു​ക​യാ​ണെ​ന്നും തി​ങ്ക​ളാ​ഴ്ച​യോ​ടു​കൂ​ടി പൂ​ർ​ത്തി​യാ​കു​മെ​ന്നും അ​ധി​കൃ​ത​ർ അ​റി​യി​ച്ചു. ത​മി​ഴ് മീ​ഡി​യം വി​ദ്യാ​ർ​ഥി​ക​ൾ​ക്കു​ള്ള ചി​ല പു​സ്ത​ക​ങ്ങ​ൾ മാ​ത്ര​മാ​ണ് വ​രാ​നു​ണ്ടാ​യി​രു​ന്ന​ത്. അ​വ ശ​നി​യാ​ഴ്ച ഷൊ​ർ​ണൂ​ർ ബു​ക്ക് ഡി​പ്പോ​യി​ൽ എ​ത്തി. ഇ​വി​ടെ​നി​ന്നും സ്കൂ​ളു​ക​ൾ​ക്ക് വി​ത​ര​ണം ന​ട​ത്തു​മെ​ന്നും അ​ധി​കൃ​ത​ർ പ​റ​ഞ്ഞു.